တစ်ချိန်တစ်ခါတုန်းက romantic ဆန်ဆန်တွေ အခုအချိန်မှာ သုံးလို့မရတော့ဘူး။ တချို့ဟာတွေက ခေတ်ဟောင်းမှာ ကျန်ခဲ့လေပြီ။ ရုပ်ရှင်ကားထဲမှာ ကျန်ခဲ့ပြီ။ WongFuProductions က ရိုက်ပြထားတဲ့ Technology Runis Romance ဆိုတာလေး တော်တော်လေးကောင်းတယ်။ ၃ ပုဒ်ပါပဲ။

The Letters

တစ်ချိန်တစ်ခါကတော့ နိုင်ငံရပ်ခြားကို ပညာသွားသင်တဲ့အခါ… ခရီးတွေ သွားနေတဲ့အခါ စာလေးပို့ သူပို့လိုက်တဲ့စာလေးတွေကို စောင့်ပြီး ဖတ်။ အရမ်းကို romantic ဆန်ဆန်လေးတွေ ရိုက်ထားခဲ့တဲ့ ရုပ်ရှင်ကားတွေ အများကြီးပါ။ စာပို့ စာယူ ကြားထဲကနေ မိဘတွေက နှောက်ယှက်။ ကိုယ့်ပေါ်မကောင်းတဲ့သူက စာဖျောက်ဖျက်။ စာကို လက်ရေးတုနဲ့ ပြင်။ မင်းသား နဲ့ မင်းသမီးက နောက်ဆုံး အခက်အခဲတွေကြားထဲကနေ စာပို့ စာယူလုပ်ရတာတွေ တခမ်းတနားကြီးကို ရိုက်ပြထားတဲ့ ရုပ်ရှင်ကားတွေ အများကြီးပါ။ အခုအချိန်မှာတော့ Email အပြင် Facebook , Twiiter , Buzz စတာတွေတောင်မက Blog မှာ comment ဝင်ရေးမလား။ ကြိုက်တဲ့ နည်းနဲ့ ဆက်သွယ်ဗျာ။ စာထိုင်ရေးပြီးပို့ သူစာပို့မယ့်ရက်ကို ထိုင်စောင့်နေစရာမလိုတော့ဘူး။ နည်းပညာ Romantic ဆန်ဆန်လေးတွေ ဖျောက်ပလိုက်တယ်ပေါ့ဗျာ။

http://www.youtube.com/watch?v=wGr1lQAREB0

Destiny

ရုပ်ရှင်ကားတွေထဲမှာ တွေ့ဖူးပါလိမ့်မယ်။ ကောင်လေးနဲ့ ကောင်မလေး လမ်းမှာ မတော်တဆတွေ့။ နာမည်လေးပဲသိလိုက်ရတယ်။ ကံကြုံရင် ပြန်ဆုံကြတာပေါ့လို့ ကောင်မလေးက ပြောခဲ့တယ်။ ကောင်လေးက ပြန်ဆုံမယ့် ကံတရားကို စောင့်စားနေခဲ့တယ်။ ဖူးစာမှန်ရင် ကံဆုံပြီး ပြန်တွေ့ကြမှာပါ။ ဒီလို… ဒီလို… ဇာတ်လမ်းတွေ အများကြီးရှိပါ့… အရမ်းကို ကြည်နူးဖို့ကောင်းအောင် ရိုက်ပြထားတဲ့ ကားတွေ အများကြီး။ အထူးသဖြင့် ကိုရီယားကားတွေမှာပေါ့။ မင်းသမီး နာမည်ပဲသိလိုက်ရတယ်။ လမ်းမှာ တချက်တချက်တွေ့လိုက်တယ်။ နောက်ကနေ ပြေးလိုက်။ လူအုပ်ကြီးကြားထဲရောက်တော့ ပျောက်သွားရော။ မင်းသားက စိတ်ပျက်ပြီး ပြန်လှည့်။ အဲလို ကားတွေလည်း ရှိပါ့။ အရမ်းကို အားမလိုအားမရ ဟာခနဲ ဟာခနဲ ဖြစ်အောင် ရိုက်ပြထားတဲ့ ကားလည်း ရှိပါ့။ မင်းသားက အခြားတစ်ယောက်နဲ့ စကားပြောနေတုန်း နောက်ကနေ ဖြတ်လျှောက်သွားတာတို့။ အပေါ်ထပ်နဲ့ အောက်ထပ် လွဲသွားတာတို့။ ဓာတ်လှေကား အဆင်းနဲ့ အတက်ဖြစ်နေတာတို့ပေါ့။

အခုခေတ်ကြီးမှာတော့ အဲလို romantic ဆန်တဲ့ ကားတွေက ရယ်စရာကြီးလိုဖြစ်ကုန်ပြီ။ နာမည်သိပြီလား။ လာခဲ့ Social Search မှာ ရှာမယ်။ Facebook မှာ ရှာမယ်။ မတွေ့ဘူးလား။ ကိစ္စမရှိဘူး။ Buzz မှာ အော်လိုက်မယ်။ Twiiter မှာ twit လိုက်မယ်။ နာမည်မသိဘူးလား။ ဖြစ်တယ်။ ဖုန်းနဲ့သာ ဓာတ်ပုံဖမ်းရိုက်လိုက်။ ပြီးရင် Facebook , Twitter, Buzz မှာ ပုံပြပြီးတော့တာ သူငယ်ချင်းတွေကို မေးလိုက်ဗျာ။ ကိုယ့်ပတ်ဝန်းကျင်နားကလူဆိုရင်တော့ သိမှာပဲ။ မသိရင် Friend of friend တွေပါ ကြည့်လိုက်ရအောင် share လိုက်။ ဆက်စပ်ပြီး သိသွားလိမ့်မယ်။ Social Search ကနေ ရှာလိုက်ရင် အများကြီး အဆင်ပြေတယ်။ အို…. နောက်ဆုံး ကြံရာမရဖြစ်နေလား။ သူနဲ့ ကိုယ်နဲ့ တွေ့ခဲ့တဲ့ အချိန် နေရာတွေနဲ့ Google မှာ ရှာလိုက်ဗျာ။ သူ Blog ရေးရင်တော့ အဲဒီအကြောင်းလေးတော့ ရေးချင်ရေးမှာပေါ့ဗျာ။ တကယ်တန်းတော့ Facebook မှာတင် ရှာလို့ တွေ့နိုင်ပါတယ်ဗျာ။ တနည်းပြောရင် Romantic ဆန်ဆန် ဇာတ်လမ်းလေးတွေက ရုပ်ရှင်ကားထဲမှာလောက်ပဲ ကျန်တော့တယ်။

http://www.youtube.com/watch?v=nIiW0Trk3T0&feature=channel

War Torn

ရှေးဟောင်းကားတွေမှာ မြင်ဖူးပါလိမ့်မယ်။ အထူးသဖြင့် တရုတ်ကားပေါ့။ တရုတ်ရှေးခတ်ကားတွေထဲမှာ မင်းသားက စစ်ထဲလိုက်သွား။ နှစ်ရှည်လများတိုက်။ ပြန်လာတော့ မိန်းမနဲ့ကလေးက မရှိတော့။ စစ်ဒဏ်ကြောင့် နေရာတွေပြောင်းရွှေ့။ မိသားစုက တစ်ကွဲတစ်ပြားတွေ ဖြစ်။ စစ်လည်း ပြီးရော ကိုယ့် မိန်းမကို လိုက်ရှာ။ အခက်အခဲတွေ ဒုက္ခတွေများစွာထဲကနေ နောက်ဆုံး မိန်းမကို ပြန်တွေ့။ အဲလို.. အဲလို…. ကားတွေလည်းအများကြီး ရှိခဲ့ပါတယ်။ အခုခေတ်တော့ အိမ်ပြောင်းသွားပြီလား။ ဖုန်းနံပတ်နဲ့ ဆက်သွယ်မလား။ Email နဲ့ ဆက်သွယ်မလား။ အဲ.. အဲဒါတွေကို မသိရင် အရင်ဆုံး သူ့မိတ်ဆွေတွေဆီကို ဖုန်းဆက်မေး။ ဒါမှမဟုတ် ပြန်ရောက်တာနဲ့ Gtalk , Skype နဲ့ ခေါ်မလား။ အို… ဆက်သွယ်ရေးက တခြားစီကို ဖြစ်သွားပြီ….

ဒီဟာလေးကတော့ သိပ်မကြိုက်ဘူး။ အပေါ်က ၂ ပုဒ်လောက် သဘောမကျဘူး။

Source code For Zawgyi 2008 TO Zawgyi 2009

Python

import sys,re
ENC='utf8'
def zawgyi2new(d):
	m=open("zawgyi2new_replace.ini").read().strip().decode('utf8').replace("-",'').replace(' ','').split("\n")
	for x in m:
		x=x.split("\t")
		if x[0]in d:
			d=d.replace(x[0],x[1])
	return d
if __name__=='__main__':
	infile=sys.argv[1]
	d=open(infile).read().decode(ENC)
	d=zawgyi2new(d)
	outfile=infile[:infile.rfind(".")]+"_out.txt"
	open(outfile,"wb").write(d.encode(ENC))

PHP

$time_start = microtime(true);
// get contents of a file into a string
$filename = $argv[1];
$handle = fopen($filename, "r");
$d= fread($handle, filesize($filename));
fclose($handle);
$myFile = "zawgyi2new.ini";
$fh = fopen($myFile, 'r');
$theData = fread($fh, filesize($myFile));
fclose($fh);

$theData=str_replace("-","",$theData);
$m=split("\n",$theData);
foreach ($m as $x)
{
	$k=split("	",$x);
	if(strripos($d,$k[0])!=false) 	$d=str_replace($k[0],$k[1],$d);
}
$fp = fopen("convert_".$argv[1], 'w');
fwrite($fp, $d);
fclose($fp);
$time_end = microtime(true);
$time = $time_end - $time_start;
echo "Total ".$time." seconds";

Python က 1 second နဲ့ 3 MB ရှိတဲ့ file ကိုပြီးတယ်။ PHP ကတော့ 29 seconds လောက်ကြာတယ်။ python က ၁၅ လိုင်း။ php က ၂၃ လိုင်း။ အချိန်တွက်တာ မပါရင်တော့ လိုင်း ၁၉ ပေါ့။ ဒီထက်တိုအောင် ထပ်ရေးမယ်ဆိုရင်တော့ ၁၇ လိုင်းလောက်နဲ့ ပြီးတယ်။ ရှင်းအောင် ရေးထားလို့ပါ။ PHP နဲ့ ၁၅ လိုင်းလောက်နဲ့ရအောင် ရေးလို့ရတယ်။ ဒါပေမယ့် ဖတ်ရတာ ရှုပ်သွားမှာဆိုးလို့။

Same Algorithm, Same Logic, နဲ့ရေးထားပြီး 30 MB text file ကို PHP နဲ့ပြောင်းတာ second 29 ကြာပေမယ့် python နဲ့ကတော့ 1 seconds ပဲကြာတယ်။

searching တွေအတွက် crawling တွေအတွက် Giga Bytes လောက်ရှိတဲ့ Filesize တွေ အတွက် PHP ထက် Python က ပိုသင့်တောှတယ်။ Python ကို လေ့လာဖို့တော့ လိုလာပြီ ?????

ဇော်ဂျီ ၂၀၀၈ နဲ့ ၂၀၀၉ ဘာကွာသလဲ။၂၀၀၉ သုံးလိုက်ရင် ၂၀၀၈ က ဘာတွေ ဖြစ်ကုန်မလဲ။ ၂၀၀၉ မသုံးရင်ကော မရဘူးလား။ စသည် စသည် မေးခွန်းများစွာအတွက် သိသလောက် ရေးလိုက်ရပါတယ်။

၁။ Rendering ပါခြင်း နှင့် မပါခြင်း။

၂၀၀၈ တွေက rendering မပါပါဘူး။ ဒါကြောင့် နှစ် ဆိုတဲ့ စာလုံးအတွက် န က နှစ်ခုဖြစ်နေရတယ်။ ြ– တွေကလည်း ၆ ခုဖြစ်နေတယ်။ user တွေအနေနဲ့ က နဲ့ တွဲမယ့် ြ– လား ခ နဲ့ တွဲမယ့် ြ– လား ဆိုပြီး စဉ်းစားပြီး ရိုက်နေရပါတယ်။ ဒါပေမယ့်လည်း လူတိုင်း ရိုက်နိုင်ကြပါတယ်။ အဲလိုပဲ ရ ကလည်း ၂ မျိုးလောက်ဖြစ်နေတယ်လေ။ နောက်ပြီး —ါ် အတွက် ၂၀၀၈ မှာက တစ်ခုတည်းလေ။

၂၀၀၉ မှာကတော့ တစ်မျိုးတည်းထားရှိပြီး rendering ထည့်သွင်းထားပါတယ်။ ဒါကြောင့် န က တစ်မျိုးတည်း ြ– ကလည်း တစ်မျိုးတည်းနဲ့ အလုပ်ဖြစ်တယ်။ ဒါပေမယ့် rendering engine မပါရှိတဲ့ device တွေမှာ အလုပ်တော့ လုပ်မှာ မဟုတ်ဘူးဗျ။ rendering မပါရှိတဲ့ device တွေနဲ့တော့ ကျွန်တော်လည်း မစမ်းဖူးဘူး။ ရှိတဲ့လူတွေ စမ်းကြည့်ပေါ့။ ခက်တာက phone ဆိုလို့လည်း windows mobile နဲ့ iphone ပဲ font ထည့်လို့ အဆင်ပြေတာ။ လက်ရှိ ၂၀၀၉ နဲ့ အဆင်ပြေလား ဆိုတာ ကျွန်တော်သိချင်ပါတယ်။

၂။ Storage တွေ ကွာသွားတယ်။

၂၀၀၈ တုန်းက ပါဌ်ဆင့်တွေကို code တစ်ခုတည်းနဲ့ သိမ်းခဲ့ပေမယ့် ၂၀၀၉ မှာတော့ code ၂ ခုနဲ့ သိမ်းပါတယ်။၂၀၀၈ တုန်းက ြ– အတွက် storage က ၆ မျိုးလောက်ရှိပေမယ့် ၂၀၀၉ မှာကတော့ ၁ မျိုးတည်းဖြစ်သွားတယ်လေ။ နောက်ပြီး ပါဌ်ဆင့် သိမ်းပုံကွာသွားတယ်။ ၂၀၀၈ တုန်းက ပါဌ်ဆင့်အတွက် စာလုံး တစ်လုံး ပဲ သိမ်းပေမယ့် ၂၀၀၉ မှာကတော့ စာလုံး ၂ လုံး သိမ်းပါတယ်။ က ပါဌ်ဆင့်ဆိုရင် `(u103f)+u(u1000) ဆိုပြီး ၂ ခုသိမ်းသွားတယ်။ တနည်းပြောရင် က ပါဌ်ဆင့်ထဲမှာ က တန်ဖိုးပါနေတဲ့အတွက် searching တွေအတွက် တော်တော်အဆင်ပြေလာလိမ့်မယ်။ သဘောက က ဆိုတဲ့ တန်ဖိုးကိုရှာတဲ့အခါမှာ ပါဌ်ဆင့် ထဲမှာပါတဲ့ က တန်ဖိုးပါ ရှာလာနိုင်တာပေါ့။ နောက်ပြီး ြ– တွေ တစ်မျိုးတည်းဖြစ်သွားတဲ့အတွက်ကြောင့် searching ပိုင်းမှာ ပိုလွယ်သွားတယ်။

၃။ Zip လုပ်ရင် Size ကွာတယ်။

နောက်ပြီး ၂၀၀၈ နဲ့ ၂၀၀၉ ကို ယှဉ်ပြီး zip ချုံ့ကြည့်လိုက်ရင် ၂၀၀၉ က ၂၀၀၈ ထက် အများကြီး ကျုံ့တာကို တွေ့ရမှာပါ။ ဘာလို့လည်းဆိုတော့ သူ့မှာက value တွေက တစ်ခုတည်းဖြစ်တာ များတာကြောင့်ပါ။ ဥပမာ ခြ နဲ့ ကြ အတွက် ၂၀၀၈ မှာ zip လုပ်တဲ့အခါ ြ– အသေး တစ်ခု ြ– အကြီး တစ်ခု ဆိုပြီးဖြစ်နေတာ့ compress key 2 ခု သုံးရတယ်။ ၂၀၀၉ မှာတော့ ြ– အသေး နဲ့ ြ–အကြီး အတူတူပဲဆိုတော့ compress key က ၁ ခုတည်းနဲ့ အဆင်ပြေသွားတယ်။ ဒါကြောင့် value တွေ များလာရင် ၂၀၀၈ နဲ့ ၂၀၀၉ မှာ ၂၀၀၉ က ပိုပြီး ချုံ့နိုင်တယ်။ ဒါပေမယ့် စာလုံး ၁၀၀၀၀ လောက်ရှိတဲ့ text file ပြိုင်ဖွင့်ရင်တော့ ၂၀၀၈ က ပိုမြန်မယ်ထင်တယ်။ ဘာလို့လည်းဆိုတော့ ၂၀၀၉ မှာ rendering ပါတဲ့အတွက် စာလုံး ရွှေ့ရတာလေးတွေရှိတယ်။

၄။ Font Embed in Browser

၂၀၀၉ font size က 54 KB ပဲရှိတယ်။ ၂၀၀၈ ကတော့ 336 KB ရှိတယ်။တနည်းပြောရင် font embed အတွက်ဆို ၂၀၀၉ က အများကြီး ပိုကောင်းတာပေါ့။ 336 KB နဲ့ 54 KB ဆိုတာ 6 ဆ လောက် ကွာတယ်။ ဒါကြောင့် ၂၀၀၉ ကိုပြောင်းခြင်းအားဖြင့် font embed အတွက် အရမ်းသင့်တော်တယ်။

၅။ Keymaster (normalization)

အခု ၂၀၀၉ အတွက် ကိုစိုးမင်းက keymaster ဆိုတာ လုပ်နေတယ်။ ကိုယ့်ရေးထားစာကို normalization အနောက်ကနေ background လုပ်ပေးသွားနိုင်တယ်။ က–ိ–ု ပဲ ရိုက်ရိုက် က–ု–ိ ပဲရိုက်ရိုက် က–ိ–ု ကို အလိုလိုရွှေ့ပေးသွားမယ်။ အသုံးပြုသူအနေနဲ့ သိနေစရာမလိုတော့ဘူး။ ဒါဟာ content searching တွေအတွက် အရေးပါလာနိုင်တယ်။ ၂၀၀၈ မှာဆိုရင်တော့ အဲဒီ feature ကို အသုံးပြုနိုင်မှာ မဟုတ်ဘူးဗျ။

၆။ Search Result

လက်ရှိမှာတော့ Google Search မှာ ၂၀၀၈ content တွေကိုပဲရှာနိုင်သေးတယ်။ ၂၀၀၉ နဲ့ ရှာရင် တွေ့ချင်မှ တွေ့မယ်။ result တူချင်မှ တူမယ်။ ဘာလို့လည်းဆိုတော့ ကျွန်တော် အပေါ်မှာပြောထားခဲ့သလို storage ကွာသွားတယ်။ ၂၀၀၉ keyboard နဲ့ ရိုက်ရှာရင် တွေ့အုံးမှာမဟုတ်ဘူးဗျ။ နောက်ပိုင်းတော့ တွေ့လာမှာပါ။ ဘာလို့လည်းဆိုတော့ ၂၀၀၉ က ၂၀၀၈ ထက်စာရင် ရိုက်ရတာ အများကြီး လွယ်တယ်။ နောက်ပြီး ပိုမို တိကျတဲ့ search result တွေ ထွက်လာနိုင်တယ်။ ဘယ်လိုမျိုးလဲဆိုတော့ ၂၀၀၈ ဆိုရင် ကြိုး ဆိုတဲ့စာလုံးအတွက် ြ– အကြီးက ၂ မျိုး သုံးတယ်။ အပေါ်ပြတ်တဲ့ဟာ နဲ့ ရိုးရိုးပုံမှန်ဟာနဲ့ပေါ့။ ဒါကြောင့် result က တိကျမှုမရနိုင်ဘူး။ အဲလိုပဲ –့ က ၄ ခုလောက်ရှိတဲ့အတွက် တိကျတဲ့ result ထွက်ဖို့ခက်တယ်။ ၂၀၀၉ က storage တစ်ခုပဲ သုံးတဲ့အတွက်ကြောင့် result ပိုင်းမှာ ပိုတိကျလာနိုင်တဲ့အတွက်ကြောင် ့၂၀၀၉ ကို နောက်ပိုင်း လူသုံးပိုများလာနိုင်ချေရှိတယ်။ အခု ကျွန်တော် ornagai မှာ 2008 နဲ့ပဲရိုက်ရိုက် ၂၀၀၉ နဲ့ပဲရိုက်ရိုက် same result ရအောင်တော့ ဖန်တီးပေးပြီးပါပြီ။ ဒါပေမယ့် မတင်ရသေးပါဘူး။

ကျွန်တော် သိသလောက် မှတ်သလောက် ကွာခြားချက်လေးတွေ ရေးပြီးပါပြီ။ အခြား အသုံးဝင်မယ်ထင်တဲ့ဟာလေးတွေကတော့

ဇော်ဂျီ ၂၀၀၈ ကို ၂၀၀၉ လွယ်လွယ်ပြောင်းလို့ရလား။

ရပါတယ်။ python 2.6 သွင်းထားတယ်ဆိုရင်တော့ လွယ်လွယ်လေးပြောင်းလို့ရတယ်။လိပ်စာကတော့

http://newzawgyi.googlecode.com/svn/migration.zawgyi.original.to.new/python/

wordpress ဆိုလည်း xml ကို export လုပ်ပြီး ပြောင်းလိုက်ပေါ့။ ပြီးမှ ပြန် import လုပ်ပေါ့။ အဲဒါက ကောင်းတဲ့ နည်းတော့ မဟုတ်ဘူး။ ဘာလို့လည်းဆိုတော့ import မလုပ်ခင် post အဟောင်းတွေကို ဖျက်ပစ်မှ ရမှာပါ။ ကျွန်တော့် အနေနဲ့ အကြံပေးချင်တာကတော့ ကျွန်တော့်လိုမျိုး sql ကို export လုပ်ပြီး import ပြန်လုပ်တဲ့ နည်းပါ။ sql ကို export/import လုပ်မယ်ဆိုရင်လည်း ssh ရှိရင် အရမ်းမြန်ပါတယ်။

mysql export

$mysqldump -uyour_usr -pyour_pwd -hlocalhost WordPress_Database > mybackup.sql

ရလာတဲ့ sql ကို zip ပြန်လုပ်တဲ့ပုံကတော့

$zip -r mybackup_sql.zip mybackup.sql

အဲဒီရလာတဲ့ zip file လေးကို download ချပြီး ကိုယ့် စက်ထဲမှာ Python နဲ့ ပြောင်းလိုက်ပေါ့။ ပြီးရင် .out file လေးရမယ်။ အဲဒါကို upload တင်ပြီးတော့

mysql import

$mysql -uyour_usr -pyour_password -hlocalhost WordPress_Dabatabase < mybackup.sql.out

အဲလိုဆိုရင် ကိုယ့် site တစ်ခုလုံး ၂၀၀၉ ကို ပြောင်းသွားမှာပါ။ ကျွန်တော် နည်းနည်းလေး အားတာနဲ့ wordpress ပြောင်းဖို့အတွက် php လေးရေးပေးပါ့မယ်။ အဲဒါဆိုရင်တော့ export import လုပ်စရာမလိုပဲ online မှာတင်ပြောင်းလို့ရတာပေါ့။ connection ကောင်းဖို့တော့ လိုမယ်။ ဒီကလူတွေဆိုရင်လည်း နိုင်ငံခြားမှာ ရှိတဲ့ တစ်ယောက်ယောက်ကို ပြောင်းခိုင်းလို့ရမှာပါ။ ရေးတော့ မရေးရသေးဘူး။

စာနည်းနည်းလေးပဲ ပြောင်းချင်တာ။ ၂၀၀၉ မသွင်းထားလို့ ၂၀၀၉ က စာတွေကို ၂၀၀၈ နဲ့ ဖတ်ချင်တယ်။

အဲဒီအတွက် ကျွန်တော် online ကနေ ပြောင်းလို့ရတယ်။ ကိုစိုးမင်းရဲ့ python code အတိုင်း PHP နဲ့ ပြန်ရေးထားတယ်။

http://www.saturngod.net/project/zg829/

မှာ သွားရောက် အသုံးပြုနိုင်ပါတယ်။၂၀၀၈ ကနေ ၂၀၀၉ ပြောင်းတာကော ၂၀၀၉ ကနေ ၂၀၀၈ ပြောင်းတာအတွက်ပါ ထည့်ရေးပေးထားတယ်။

၂၀၀၉ သွင်းရင် ၂၀၀၈ ကို ဖတ်လို့ရပါ့မလား။

၂၀၀၉ သွင်းထားရင်လည်း ၂၀၀၈ ကို ဖတ်လို့ရပါတယ်။၂၀၀၈ သွင်းထားရင်တော့ ၂၀၀၉ က စာအားလုံးကို ဖတ်လို့ရမှာမဟုတ်ပါဘူး။

၂၀၀၉ ကို ဘယ်မှာ download ချရမလဲ။

Font ကိုတော့

http://newzawgyi.googlecode.com/svn/font.file/

မှာ download ချနိုင်ပါတယ်။ အပေါ်ဆုံးက .ttf လေးကို download ချပြီး သွင်းယူနိုင်ပါတယ်။

keyboard ကိုတော့

http://newzawgyi.googlecode.com/svn/keyboard.windows.keymaster.binary/

မှာ download ချနိုင်ပါတယ်။

၂၀၀၉ က တရားဝင် ဇော်ဂျီ font ဖြစ်လာမှာလား။ ကိုစိုးမင်း လက်ရှိ လုပ်နေတာမဟုတ်ဘူးလား။

ကျွန်တော့်အထင်ကတော့ ဖြစ်လာမယ်ထင်တယ်ဗျ။ ဘာလို့လည်းဆိုတော့ ဒီလောက် ကောင်းတဲ့ font ကို ဇော်ဂျီ အဖွဲ့က ငြင်းမှာမဟုတ်ပဲ လက်ခံပြီး ၂၀၀၉ အတွက် www.zawgyi.net မှာ တင်မယ်လို့ထင်ပါတယ်။ အခုအချိန်မှာ ၂၀၀၉ က အစအဆုံးမပြီးသေးတာကြောင့် www.zawgyi.net မှာ မတင်သေးတာလည်း ဖြစ်နိုင်တယ်။ ကျွန်တော်ကတော့ ဖြစ်လာနိုင်တယ်လို့ ထင်ပါတယ်။ ယုံယုံကြည်ကြည်နဲ့ သုံးစွဲလို့ရတယ်။ ကိုစိုးမင်း လုပ်ထားတာ အရမ်းကောင်းမွန်နေတဲ့အတွက်ကြောင့် မသုံးရသေးသူတွေလည်း ပြောင်းသုံးဖို့ အကြံပေးလိုပါတယ်။

ကဲ… ဒီလောက်ဆို သိချင်တာလေးတွေ သိရပြီဖြစ်လို့ ကျေနပ်မယ်လို့လည်း ထင်ပါတယ်။

ဒီနေ့ Java အကြောင်းလေးနဲ့ ပတ်သက်ပြီး လူပျိုကြီးနဲ့ ပြောမိဆိုမိတာလေးတွေကို ပြန်တင်ပြလိုက်ပါတယ်။

saturngod : java မှာ hello world အတွက် စာတွေ အများကြီးရေးရတယ်.. (system.out bla bla bla) Python မှာဆိုရင် print (“hello world”) နဲ့တင်ပြီးတယ်.. php မှာဆို echo “hello world”; ဆိုပြီး တိုတိုလေး… java က ဘာလို့ ရှည်နေတာလဲမသိဘူး..

လူပျိုကြီး : ကြည့်ရတာ ဒီရက်ပိုင်း ဂျာဗားနဲ့များ ရန်ဖြစ်ထားသလား ဂျာဗားမကြိုက်ရင် စူပါ သို့မဟုတ် မီကို ပဲသောက်ဗျာ။

saturngod : မကောင်းတာကို မကောင်းဘူးပြောမှာပေါ့ဗျ.. ဟိဟိ… မရေးတတ်လို့ မကောင်းပြောတာမဟုတ်ဘူးနော်.. သင်ဘူးလို့ မကြိုက်တာ.. မသင်ဘူးရင် ကြိုက်ချင်ကြိုက်အုံးမှာ.. အခုတလော nested cafe ပဲ သောက်တာ.. nested condition တွေ အသုံးများနေလို့..

လူပျိုကြီး : သို့ပေမယ့်လည်း သူ့ကိုသုံးရင် အဆင်ပြေတဲ့ နေရာတွေကလည်း ရှိနေလေတော့ မသုံးလို့လည်း မရပြန်ဘူး။ Scriping တွေက နေရာတစ်ကာ သုံးလို့ ရတာမဟုတ်တော့ ဂျာဗားနေရာ ဂျာဗား Script သုံးသင့်တဲ့နေရာ Script ကြည့်သုံးရတာပဲ မဟုတ်လား။ ခင်ဗျားက ဂျာဗားမကြိုက်တာ ကျွန်တော်က ဘယ်ဟာမှမကြိုက်ဘူး အကုန်လုံး မတတ်သာလို့သုံးနေရတာ

saturngod : အွန်… python က script ဟုတ်လို့လားဗျ… PHP က script ဆိုတာလက်ခံတယ်.. ruby ကလည်း script မဟုတ်ဘူး.. python ကော ruby ကော java ထက်သာတယ်.. platform အားလုံးမှာလည်း run လို့ရတယ်.. မရဘူး လာမငြင်းနဲ့ java ဆို ကော်ဖီတောင်မသောက်ဘူး..

လူပျိုကြီး : အမ်.. အဲဒါတွေကို script မဟုတ်ဘူးလို့ ပြောတာ ဒီတစ်ခါပဲ ကြားဖူးတယ်။ http://www.softpanorama.org/Articles/a_slightly_skeptical_view_on_scripting_languages.shtml မှာတစ်ချက် ဖတ်ကြည့်ပါ။

saturngod : ဟုတ်လို့လား.. ဖတ်ကြည့်လိုက်အုံးမယ်.. သိပ်တော့ မကျေနပ်ဘူးဗျ.. စာပြန်ဖတ်ကြည့်လိုက်အုံးမယ်.. ဟုတ်မဟုတ်ကို.. ဒါနဲ့ Python is a general-purpose high-level programming language. Python is often used as a scripting language. လို့ wiki မှာပြောထားတယ်ဗျ။

လူပျိုကြီး : ခက်တော့နေပြီ အတင်းကိုပဲ Script မဟုတ်ကြောင်း သက်သေပြနေတော့တာပဲ။ Architecture ကိုပြင်လို့မရဘူးဗျ အခုနောက်ပိုင်းမှာထွက်တဲ့ Interpreted language တွေကို Script အဖြစ် အမျိုးအစား သတ်မှတ်တယ်ဗျ။ Platform ဆိုတာက ကွန်ပျူတာ တစ်ခုထဲ မဟုတ်ဘူးလေ Java သုံးတဲ့နေရာတွေက ကွန်ပျူတာမှာထက် အပြင်ဘက်မှာပိုတယ် Ubiquitous မှာတော့ Java ကိုမတိုးနိုင်ဘူး Mobile Application/Game တွေရဲ့ အများစုက Java နဲ့ရေးထားရတာ။ Scriping Languages တွေ Mobile ပေါ်မှာ သုံးလို့ရအောင် လုပ်လို့ရတယ် သို့ပေမယ့် အရင်ဟာတွေကို ယှဉ်ဖို့ဆိုတာက အဝေးကြီးမှာ ကျန်သေးတယ်ဗျ။

saturngod : အော်… အဲဒါတော့ သိဘူးဗျ… Interpreted Language ကို script အဖြစ် သတ်မှတ်တယ်ဆိုတာကိုတော့ တကယ်မသိ…  java က mobile software ရေးလို့ရတယ်ဆိုပြီး အလကား ကြီးကျယ်နေတာကို ကြည့်မရတာ… တခြားပိုင်းတွေမှာ python ကို မယှဉ်နိုင်ပါဘူး..

လူပျိုကြီး : ကျုပ်လည်း ကြည့်မရပါဘူး သို့သော်လည်း မသုံးမဖြစ်နေရာတွေ ကြုံမှသုံးရတယ်။

saturngod : ဟုတ်ပါတယ်.. java ကိုတော့ mobile မှာ မဖြစ်မနေ သုံးရတယ်.. .net က windows mobile အတွက်ပဲ အဆင်ပြေတာ… နောက်ပိုင်း iphone တွေအတွက် SDK က သီးသန့်ဖြစ်လာတော့ java mobile ဘယ်လောက်ထိ ဆက်လက်တည်ရှိမလဲဆိုတာကိုတော့ စိတ်ဝင်စားစရာပဲ… google android ကလည်း SDK ကထွက်မယ်ဆိုတော့ java ME က ဘယ်လောက်ထိ ဆက်လက် အောင်မြင်မလဲတော့ မသိဘူး..

လူပျိုကြီး : နောက်ပိုင်းတော့ mobile မှာ Java ရဲ့ Share တွေလျော့ဖို့ ဖြစ်လာနေပါပြီ ဒါလည်းကောင်းပါတယ် Java mobile လည်းရေးမှ မရေးတတ်ပဲကိုး ။ ပြောဖို့မေ့နေတာ ဟိုတစ်ရက်ကပဲ ဂျာဗားရဲ့ ခြေလှမ်းသစ်ကို တွေ့လိုက်သေးတယ် သူလည်း .net framework လိုပဲ jvm မှာ တစ်ခြားဟာတွေကို ပေးသုံးဖို့ ကြံစည်နေပြီ http://www.computerworld.com/s/article/9135576/Java_yields_to_other_languages_on_the_Java_Virtual_Machine ဒါကြောင့် ရှေ့ဘာဖြစ်မယ် သိပ်မှန်းမရပြန်ဘူး။

saturngod : အင်း… သူလည်း ခြေလှမ်းသစ်စသင့်နေပြီ… oracle က ဝယ်ပြီး ဘာမှ မထူးသေးဘူး… အပြောင်းအလဲ တစ်ခုလောက်တော့ လုပ်သင့်နေပြီ.. အစတုန်းကပြောတော့ java OS အထိ လုပ်မလိုလိုနဲ ့ အခုတော့ ငြိမ်ချက်သားကောင်းနေပြန်ကော.. JUM ဆိုရင်တော့ .NET နဲ့ အပြိုင်ဖြစ်လာနိုင်တယ်… java က mobile လောက ကို ဘယ်လောက်အထိ ထိန်းချုပ်နိုင်မှာလဲ… အခုက mobile လောကမှာ touch တွေပြောင်းကုန်ပြီ…

saturngod : ကဲဗျာ… နောက်နေ့မှ ဆက်လက်ပြီး အဲဒီ အကြောင်းလေး ဆက်ဆွေးနွေးတာပေါ့ဗျာ။ ကျွန်တော်လည်း စာဖတ်စရာလေးတွေ ရှိသေးလို့။

လူပျိုကြီး : လုပ်ပါလုပ်ပါ ကျွန်တော်လည်း စာဆက်ရေးဦးမယ်။

Drupal 6.2 က တော့ တော်တော်လေးကို ကောင်းမွန်လာတာကိုတွေ့ရပါတယ်… အထူးသဖြင့် sidebar တွေကို AJAX အသုံးပြုလာတာ တွေ့ရပါတယ်။ Drag & Drop ပေါ့။ တော်တော်လေး လွယ်ကူသွားတယ်။ အရင်ကဆိုရင် တစ်ခုလုပ်လိုက် တစ်ခါ loading ဆွဲလိုက်နဲ့ တော်တော်လေးကို စိတ်ကုန်ဖို့ကောင်းတယ်။ နောက်ပြီး security ပိုင်းမြင့်တင်ထားတယ်လို့ပြောထားပါတယ်။ အဲဒါတော့ ဟုတ်ကောင်းဟုတ်လိမ့်မယ်။ အရင် version က ကျွန်တော့် blog မှာ spam တွေ ဝင်လာတာ မနည်းဘူး။ ဒါကြောင့် comment ကို approve လုပ်ပြီးပဲ လက်ခံခိုင်းထားတာ။ အခုတော့ အစမို့လားမသိဘူး။ spam တွေမဝင်သေးဘူး။ နောက်ပြီး AJAX တွေ တော်တော်များများသုံးထားတာကိုတွေ့တယ်။ summary ကိုလည်း အရင်ကလို code ထည့်စရာမလိုပဲ သီးသန့်အနေနဲ့ Split summary at cursor ပါလာတာကိုတွေ့၇တယ်။

မကောင်းတဲ့အချက်က Template ရှားပါးခြင်းနဲ့ module ရှားပါးခြင်းပဲ။ ဒါကလည်း ဖြစ်နေရိုး ထုံးစံပါ။ version အပြောင်းအလဲမှာ ဒီလိုဖြစ်တတ်ပါတယ်။ version 7 လည်း မကြာခင်ထွက်တော့မယ်လို့သိပါတယ်။ Drupal က CMS တစ်ခုဆိုပေမယ့် blog နဲ့ပိုတူသလိုပဲ။ ဒါပေမယ့်လည်း CMS မှာလို Site ကောင်းကောင်းတစ်ခုကို လွယ်လွယ်ကူကူဖန်တီးနိုင်တယ်။ Joomla က ကောင်းပေမယ့် သုံးရတာ မျက်စိရှုပ်တယ်။

Drupal 6.2 မှာ အရင်သုံးထားတဲ့ template တွေ အချို့ module တွေ သုံးလို့မရတော့ပါဘူး။ အဲမှာ WordPress ကို သဘောကျတယ်။ WordPress 2.5 မှာ တစ်ခါတည်း online ကနေ plugin တွေ ကို Update လုပ်လို့ရတယ်။ ဒီမှာကတော့ အဲလို မပါဝင်သေးဘူးနဲ့တူတယ်။ ဒါမှမဟုတ် ကျွန်တော် သေသေချာချာ မစမ်းရသေးတာလားမသိဘူး။ ကျွန်တော်ကတော့ template ပြောင်းလိုက် ဘေးက sidebar တွေ ပြန်ဖြည့်လိုက်နဲ့ ရှုပ်နေတာပဲ။

Firefox 2 ထွက်ပြီး မကြာခင်မှာပဲ IE 7 ထွက်လာခဲ့ပါတယ်။ ကျွန်တော်က security ပိုင်းနဲ့ပတ်သက်ရင်တော့ သေသေချာချာမသိပါဘူး။ ဒါပေမယ့် user တစ်ယောက်အနေနဲ့ တင်ပြသွားပါမယ်။

Firefox 2 ကို အရင်က ကျွန်တော်သုံးဖြစ်တယ်။ ဘာကြောင့်လည်းဆို သူက GUI Design ကတော်တော်လှတယ်ဗျ။ ဘာကြောင့်လည်းဆို ကြိုက်တဲ့ theme ကိုပြောင်းလို့ရတယ်။ နောက်ပြီး tab တွေနဲ့လည်း အများကြီးဖွင့်ထားလို့ရတယ်။ တခြား plug in အသစ်တွေလည်း download ချပြီးထည့်လို့ရသေးတယ်။ ဒါကြောင့် တော်တော်ကြာသုံးဖြစ်တယ်။ နောက်ပြီး web page တွေကို download ချတဲ့ပုံက IE ထက်စာရင် ပိုကောင်းတယ်ဗျ။ ကျွန်တော်လိုချင်တဲ့ JavaScript တွေကို IE ကနဲ့ယူတာမရပဲ Firefox ကနေယူလို့ရတော့ Firefox ကိုသဘောကျမိတယ်။

IE 7 ကို download ချဖို့ အခက်အခဲကြောင့်မသုံးဖြစ်ဘူး။ ဒါပေမယ့် သူများပြောသံတွေတော့ ကြားမိတယ်။ ဘာတွေကောင်းမှန်းလည်းမသိဘူး။ အဲဒီတုန်းကတော့ Firefox 2 လောက်တော့ကောင်းမှာ မဟုတ်ဘူးလို့ထင်ခဲ့တာပဲ။

ဒါပေမယ့် နောက်တော့ ကျွန်တော် IE 7 ကို သုံးလို့ရလာတယ်။ မဆိုးဘူးဗျ။ GUI မှာ တော်တော်လေးပြင်ဆင်ထားတာတွေ့ရတယ်။ Tab က Firefox မှာပါပြီးသားပါ။ Tab က image ကိုမြင်ရတာ opera မှာပါပြီးသား feature ပေမယ့် IE က အကုန်လုံးကို တပြိုင်နက်ထဲကြည့်လို့ရတာတော့တော်တော်လေးကောင်းတယ်လို့ဆိုရမယ်။ IE 7 က Firefox နဲ့ opera တို့ကို ပေါင်းပြီး ပိုကောင်းအောင်လုပ်ထားသလိုပဲ။ သူ့ကိုယ်ပိုင်ဟန်ကတော့ vista style လေးပဲပါတယ်။ ဒါပေမယ့် ပိုသုံးလို့ကောင်းတော့ ကျွန်တော်နောက်ဆုံး IE 7 ပဲသုံးဖြစ်တော့တယ်။