PDF ဆိုတာ

PDF ဆိုတာကိုတော့ ထွေထွေထူးထူးပြောနေစရာမလိုပါဘူး။ portable document file ပေါ့။ PDF ကို adobe acrobat နဲ့ အရင်တုန်းက လုပ်ခဲ့တယ်။ ခုနောက်ပိုင်းတော့ Free များနဲ့ အသုံးပြုနေပါတယ်။

PDF Printer

PDF ကို လုပ်ဖို့အတွက် pdf printer လိုပါတယ်။ pdf printer ကို adobe acrobat professional မသုံးပဲနဲ့ Free ရတဲ့ pdfcreator ကို အသုံးပြုနိုင်ပါတယ်။ pdfcreator ကို download ချပြီးတော့ သွင်းလိုက်ပါ။ ပြီးရင် pdf လုပ်ချင်တဲ့ page ကို print ထုတ်လိုက်ပါ။ အဲဒီအခါ printer dialog တက်လာပါမယ်။ Printer ကို PDFCreator ရွေးပေးလိုက်ပါ။ ခဏနေရင် save လုပ်ဖို့ dialog တက်လာမယ်။ အဲဒီအခါ ရွေးပြီး save လုပ်လိုက်ရုံပါပဲ။ တကယ်လို့ save dialog box မတက်လာရင်တော့ pdf creator ဆိုတဲ့ program လေး desktop ပေါ်မှာ သို့မဟုတ် Start Menu -> All Programs -> PDFCreator -> PDFCreator ဆိုတဲ့ program လေးကို ဖွင့် လိုက်ပါ။ အဲဒီအခါ dialog box တက်လာပါမယ်။ အကောင်းဆုံးကတော့ PDF print မထုတ်ခင် pdfcreator program လေး ဖွင့်ထားတာ ပိုကောင်းတာပေါ့။

PDF Reader

PDF reader အတွက် ကျွန်တော်က ပေါ့ပါး မြန်ဆန်တဲ့ foxit reader သုံးပါတယ်။ Free လည်းရသလို ပေါ့လည်း ပေါ့ပါတယ်။ memory အစားသက်သာတဲ့အတွက် foxit reader ကို အသုံးပြုပါတယ်။ foxit reader သုံးရင် firefox မှာ pdf file ကို ဖွင့်ရင် ပြဿနာ တက်တယ်ဗျ။ firefox မှာ pdf download ပြီးမှ ပွင့်လာတတ်တယ်။ အဲဒီအတွက် firefox -> Tools –> Options… -> Applications က search ဆိုတဲ့နေရာမှာ foxit လို့ရိုက်ကြည့်လိုက်ပါ။ Foxit Reader Document မှာ Action ကို Save File ကို ရွေးလိုက်ပါ။ တကယ်လို့ မတွေ့ရင်တော့ pdf လို့ ရိုက်ရှာကြည့်ပါ။ PDF Document ကို Save File လုပ်ပေးလိုက်ပါ။ ဒါဆိုရင် အဆင်ပြေသွားပါမယ်။