အခုပဲ Nookcolor က major update 1.2 version ထွက်ပြီဆိုတာနဲ့ download ချပြီး စမ်းကြည့်လိုက်တယ်။ စက်ကနေ အနားမှာ ရှိနေတာနဲ့ သွင်းပြီး စမ်းကြည့်လိုက်တယ်။ အရင် version တုန်းက အားသွင်းထားတဲ့ အချိန်မှာ စာဖတ်မရဘူး။ စာတွေ ရိုက်မရဘူး။ ဒါကြောင့် တနေ့ ၇ နာရီပဲ စာဖတ်လို့ ရတယ်။ အားသွင်းထားချိန်ဆိုရင် ပစ်ထားပေတော့ပဲ။ အခုတော့ အားသွင်းထားရင်း စာဖတ် ၊ စာရိုက်လို့ ရသွားပြီ။ Android 2.2 ကို အသုံးပြုထားတော့ Flash တွေပါကြည့်လို့ရသွားတယ်။ Youtube website တွေကိုလည်း လွယ်လင့်တကူ ကြည့်လို့ရသွားပြီ။ နောက်ထပ် ထူးခြားမှု တစ်ခုက Email App ကို built in ပါဝင်လာတဲ့ အတွက် အရင်ကလို gmail စစ်ချင်ရင် website သွားဖွင့် စရာမလိုပဲ app ကနေ တဆင့် စစ်လို့ရတယ်။ App store ပါဝင်လာပေမယ့် Android မှာ free ရတဲ့ Angry Bird က $2.99 ပေးရလိမ့်မယ်။ pulse ကတော့ free ရတဲ့အတွက် မဆိုးဘူးဆိုရမယ်။

အရင်က Nookcolor က အားသွင်းထားပြီး စာဖတ်တာကလွဲပြီး ဘာမှ ထွေထွေ ထူးထူး သုံးစားလို့မရဘူး။ အခုတော့ Tablet တစ်လုံး နီးပါး အသုံးပြုလို့ရနေပြီ။ သူ့ရဲ့ App store မှာက application ပေါင်း ၁၉၀ ကျော်ပဲ ရှိသေးတဲ့အတွက် အထင်ကြီးစရာမရှိလှဘူး။ နာမည်ကြီး App ဆိုလို့ Pulse နဲ့ Angry Birds , Fligh Control ပဲ ရှိတယ်။ ဒါတောင် Android မှာ Free ရတဲ့ Angry Birds က free မဟုတ်ဘူး။

Nook Color ပိုင်ရှင်များ Software Update အမြန်ရယူပြီး ebook reader ကို tablet အနေနဲ့ ပြောင်းလဲ အသုံးပြုနိုင်ပါပြီ။ ဒီ website ကို သွား။ download ချ။ ပြီးရင် nook color ကို computer နဲ့ ချိတ်။ download ချထားတဲ့ zip file ကို paste လုပ်ပြီး ထည့်။ usb connect ကို ပြန်ဖြုတ်။ ခဏ နေရင် nook က အလိုလို update လုပ်သွားပါလိမ့်မယ်ဗျာ။

စာဖတ်ဖို့အတွက် Android Tablet ရွေးမလား Nook Color ရွေးမလားဆိုရင်တော့ Nook Color ကို recommend လုပ်ပါတယ်။ Android ဆိုတာက Geek တွေအတွက်ကတော့ ထမင်းစားရေသောက် လုပ်ချင်တာ လုပ်ဖြစ်ပေမယ့် End user တွေအတွက် တော်တော် အလုပ်ရှုပ်မယ့် ကိစ္စတွေရှိပါတယ်။ စာဖတ်ဖို့အတွက် App ထပ်သွင်းရတာ ရှိမယ်။ Epub , PDF , docx , doc စတဲ့ format တွေ ဖတ်ဖို့အတွက် App ထပ်သွင်းရပါမယ်။ Market ထဲကို ဝင်ပြီး ရှာရမယ်။ ပြီးရင် App ကို ဖွင့်ပြီး SD card ကနေ စာအုပ်ဖွင့်ရမယ်။ အဲဒီအတွက် Computer နဲ့ ချိတ် စာအုပ်တွေ ထည့်။ ပြီးရင် App သွားပြီး file တွေ ရွေးပေးရပါအုံးမယ်။  Nook color  ဆိုရင်တော့ Computer နဲ့ Nook Color ကို USB နဲ့ ချိတ်။ ပြီးရင် file ကူး။ ဒါဆိုရင် ဖတ်လို့ရပြီ။ ဘာ အဆင့်မှ မလိုပါဘူး။ စာအုပ်ဖတ်ဖို့အတွက် သီးသန့်ပါ။ အခြား Game ပါဆော့ချင်ရင်တော့ Android Tablet ဖြစ်ဖြစ် iPad ဖြစ်ဖြစ် ဝယ်ပေါ့ဗျာ။

Nook color  ဆိုရင်တော့ Computer နဲ့ Nook Color ကို USB နဲ့ ချိတ်။ ပြီးရင် file ကူး။ ဒါဆိုရင် ဖတ်လို့ရပြီ။

အသုံးပြုခြင်း

စာအုပ်ဖတ်တာအပြင် ဓာတ်ပုံကြည့်တာနဲ့ သီချင်းနားထောင် video ကြည့်တာတွေ ပါလုပ်လို့ရတယ်။ ဒီလောက်ဆိုရင် သာမာန် user အတွက် လုံလောက်ပြီ။ Android Market မရှိတဲ့အတွက်ကြောင့် အခြား အပိုတွေ ဘာမှ ထပ်သွင်းလို့မရဘူးပေါ့။ Wifi နဲ့ ချိတ်ပြီး internet သုံးလို့ရတယ်။ ဒါကြောင့် web mail စစ်လို့ရမယ်။ Gmail သုံးလို့ရမယ်။ Gtalk ကိုတော့ website ကနေ သုံးလို့ရမယ်။ အဓိက စာဖတ်ဖို့ဖြစ်တဲ့အတွက် စာဖတ်တာပဲ လုပ်လို့ရတယ်။ facebook , twitter တို့နဲ့ချိတ်ပြီး ဖတ်တဲ့ စာတွေကိုလည်း share လုပ်လို့ရတယ်။ Memory Stick လိုမျိုး computer နဲ့ ချိတ်လိုက်ရင် drive ပေါ်လာပြီး စာအုပ်တွေကို ထည့်လိုက်ရုံပဲ။ USB ကို safe remove လုပ်ပြီးရင် စာဖတ်လို့ရပြီ။ အသုံးပြုရတာ အရမ်းလွယ်တယ်။

OS ပြဿနာ

ပြဿနာက အားသွင်းချိန်မှာ keyboard က ရိုက်လိုက်ရင် တလွဲတွေ ထွက်နေတာပဲ။ ဘာကြောင့်လည်း မသိ။ Root လုပ်ထားလို့ ထင်ပြီး unroot ပြန်လုပ်တယ်။ ဖြစ်နေတာပဲ။ အားသွင်းတဲ့ USB ကြိုးကို ဖြုတ်ပြီး စမ်းကြည့်တော့ ပြန်ကောင်းနေတာပဲ။ အဲဒီ OS ပြဿနာလေးတော့ နည်းနည်းရှိသေးတယ်။

Root လုပ်ခြင်း

Root လုပ်လိုက်ရင် market ပွင့်လာတယ်။ Super user ရလာတယ်။ adb နဲ့ တော့ fully root မရဘူး။ super user က app အနေနဲ့ပဲ ပေါ်လာတာ။ Nook Color ထဲမှာ type fresh လိုမျိုး root လိုတဲ့ app ကို သုံးရင်တော့ root ရတယ်။ Root လုပ်လိုက်ရင် တချက်ချက် ကြောင်တယ်။ တချက်တချက် နည်းနည်းလေး နှေးသွားတယ်။ တခြား ပြဿနာ ထွေထွေ ထူးထူးမရှိဘူး။ End User အနေနဲ့ကတော့ Root လုပ်ပြီးရင် သုံးရတာ နည်းနည်းတော့ ခက်မယ်။ End User အနေနဲ့လည်း root လုပ်လည်း သိပ်မထူးဘူး။ မြန်မာလို ဖတ်ချင်ရင်တော့ root လုပ်မှ ရမှာပေါ့။

အခြား

color နဲ့ စာဖတ်ချင်သူတွေကတော့ Nook Color ကို recommend လုပ်တယ်။ battery က wifi မသုံးထားရင် ၈ နာရီခံတယ်။ စာဖတ်ဖို့အတွက် လုံလောက်တယ်။ စာတကယ် ဖတ်လို့ကောင်းတာကတော့ e-ink ပဲ။ Amazon ရဲ့ kindle နဲ့ စာဖတ်ရတာ အရမ်းမိုက်တယ်။ ခက်တာက Touch မဟုတ်တော့ Zoom ပြဿနာလေးတွေ ရှိတယ်။ အကုန်လုံးက ခလုတ်နဲ့ သွားနေရတော့ iPad သုံးရတာ အကျင့်ပါနေတဲ့သူတွေအတွက် သိပ်အဆင်မပြေဘူး။ သို့ပေမယ့် e-ink က တကယ့်စာအုပ်ဖတ်နေရသလို ဖတ်လို့ကောင်းတာတော့ အမှန်ပဲ။ စျေးသက်သက်သာသာနဲ့ Color စာအုပ်တွေ pdf , epub, doc, docx စတာတွေ ဖတ်ဖို့အတွက်ကတော့ Nook Color ကို recommend လုပ်ပါတယ်။

Nook Color အကြောင်းကို ကိုဒီဘီ ရဲ့ Blog မှာ သွားရောက်ဖတ်ရှုနိုင်ပါတယ်။

Creative ကလည်း Android Tablet ကို ထုတ်လိုက်ပါပြီ။ ထုတ်လိုက်တာကတော့ မကြာသေးပါဘူး။ Creative ဆိုတာကတော့ စကာင်္ပူရဲ့ အထင်ကရ company တစ်ခု ဆိုလည်း မမှားပါဘူး။ အထူးသဖြင့် speaker တွေနဲ့ ပတ်သက်ပြီး နာမည်ရှိတဲ့ Brand လို့ဆိုနိုင်ပါတယ်။ ကျွန်တော် Nook Color ကို order မှာပြီး ၃ ရက်အကြာလောက်ထင်တယ်။ တော်တော်လေး မကျေမနပ်ဖြစ်သွားရတဲ့ Product လို့ဆိုရမယ်။ စျေးနှုန်းကလည်း 8 GB ကို S$360 ပဲ ပေးရတယ်။ အခု အချိန် မြန်မာငွေ ပေါက်စျေးနဲ့ဆိုရင်တော့ ၂ သိန်းခွဲလောက်ပဲ ရှိပါတယ်။ ၇ လက်မ ဖြစ်တဲ့အတွက် စာဖတ်လို့လည်း အဆင်ပြေပါလိမ့်မယ်။ 16 GB ကိုတော့ S$390 ပေးရပါတယ်။ တကယ်လို့ ၇ လက်မ သေးလို့ ၁၀ လက်မ လည်းရှိပါသေးတယ်။

OS ကတော့ Android 2.1 ကို သုံးထားပြီးတော့ 16.8mill color TFT Display ရှိပါတယ်။ Wifi , Bluetooth , mic , speaker built-in ပါပြီးသားပါ။ နောက်ပြီး Front Camera လည်း ပါသေးတယ်။ Back Camera တော့ မပါလာပါဘူး။ Bluetooth ကို အသုံးပြုပြီး Bluetooth earphone နဲ့ Bluetooth microphone ကို အသုံးပြုနိုင်ပါတယ်။ Weight ကတော့ 400 g ရှိပါတယ်။ Creative ဖြစ်တဲ့အတွက် sound quality ကတော့ ပြောစရာ မလိုပါဘူး။ ရုံးက director ရဲ့ သူငယ်ချင်း online ကနေ ဝယ်တာ ၃ ရက်အတွင်း ရတယ်လို့ ဆိုပါတယ်။ Sound Quality က အထူးကောင်းမွန်ပြီး HDMI ပါပါတဲ့ အတွက် TV နဲ့လည်း ချိတ်ဆက်လို့ရပါသေးတယ်။ micro SD ကဒ်ထပ်ဖြည့်ပြီးတော့ memory လည်း တိုးနိုင်ပါတယ်။ Package တွေထဲမှာ Stylus ကိုထည့်သွင်းထားခြင်းကို ကြည့်ရခြင်းအားဖြင့် Touch က iPad လောက်ကောင်းမွန်တဲ့ ပုံ မရပါဘူး။ နောက်ပြီး battery အမျိုးအစားနဲ့ ဘယ်လောက်ခံသလဲဆိုတာကိုတော့ ဖော်ပြထားခြင်း မရှိပါဘူး။

စိတ်ဝင်စားသူများ Creative ရဲ့ Online store မှာ ကြည့်ရှုနိုင်ပါတယ်။ 360 degree view လည်း ကြည့်ရှုနိုင်ပါတယ်ဗျာ။

Android ကို ဘယ်လို root ရမလဲလို့ mail နဲ့ ကော comment မှာကော မေးနေသူများ အောက်က link မှာ သွားဖတ်နိုင်ပါတယ်။

http://www.mysteryzillion.org/forums/showthread.php/8877-One-Key-Root-for-Android-most-model-(REALLY-ONE-KEY!!!)

Drioidx ကြော်ငြာ အသစ်လေး သဘောကျလို့ပါ။

http://www.youtube.com/watch?v=WzPUYcfQMwA

http://www.youtube.com/watch?v=bCzzh-nexpg

အခုခေတ်က တော်တော်ယောင်လို့ ကောင်းတဲ့ ခေတ်လို့ ဆိုရမလားမသိဘူး။ Language တွေ ယောင်လို့ ပြီးလို့ Mobile Development လုပ်တော့မယ်ဆိုရင် ထပ်ယောင် စရာတွေ လာပြီ။ Android ကိုလုပ်မလား iPhone ကိုလုပ်မလား။ နောက်ပြီး ၂ ခုလုုံးလုပ်ချင်တယ်ဆိုတဲ့သူတွေလည်း ရှိသေးတယ်။ ဟိုးအရင်တုန်းက Mobile အတွက် Nokia Symbian ပဲရှိတော့ Java လေ့လာပဲ။ အခုတော့ ခေတ်တွေက ပြောင်းသွားပြီ။ Web Developer လည်း Mobile App ရေးလို့ရကုန်တော့ Web Developer တွေလည်း Mobile လိုင်းကို ယောင်တောင်တောင်နဲ့ လွယ်လွယ်လေး ကူးလို့ရနေပြီ။

အရင်ဆုံး ဘာကို Development လုပ်မှာလဲ။ Android လား iPhone လား ။

iPhone Dev

iPhone ကို လိုက်တော့မယ်ဆိုရင်တော့ ပုံမှန် Native အားဖြင့် အရင်ဆုံး Mac ရှိဖို့လိုတယ်။ နောက်ပြီး iPhone SDK ကို download ချပြီး Objective-C လေ့လာဖို့လိုမယ်။ iPhone SDK size က 2GB လောက်ရှိတယ်။ နောက်ပြီး iPhone Developer Account ကို ဝယ်သင့်တယ်။ ဒါမှ Device ပေါ်မှာ စမ်းလို့ရမှာ။ အဲဒီအတွက် $99 ကုန်မယ်။ အဲ… ရောင်းတော့မယ်ဆိုရင်လည်း Bank က swift code ရှိတဲ့ bank ဖြစ်ဖို့လိုတယ်။ နောက်ပြီး App ကို အခုတင် အခု App store မှာ မရဘူး။ သူတို့ Review လုပ်ပြီးမှရမယ်။ အဲဒီအတွက် အချိန် အမြန်ဆုံး ၁ ပတ်။ အကြာဆုံး ၁ လ လောက်တော့ ပေးရမယ်။ Approve မဖြစ်ရင် reject လုပ်လိုက်မယ့်။ အဲ.. ရောင်းရင် ကိုယ်က 70% ပဲပြန်ရမှာနော်။

Android Dev

Java အနည်းငယ်တတ်ဖို့လိုတယ်။ Android SDK ကို download ချပြီး Eclipse နဲ့ တွဲသုံးဖို့လိုတယ်။ SDK ကို စသွင်းကာစမှတော့ တော်တော်စိတ်ညစ်ဖို့ကောင်းတာ ကြုံရလိမ့်မယ်။ SDK သွင်းဖို့ Download အကြာကြီး စောင့်ရလိမ့်မယ်။ Android ကတော့ java ဆိုတဲ့ အသံကြားကတည်းက လေ့ကို မလေ့လာတော့တာ။ လူက ဘာကြောင့်လဲမသိဘူး။ Java ဆိုကတည်းက စိတ်ကို မဝင်စားတာ။ Android Market မှာတင်ဖို့ $25 ပေးဖို့လိုတယ်။ သူလည်း Apple လိုပဲ ရောင်းရင် 70% ပဲ ကိုယ်က ပြန်ရမှာ။ သူက Google Android Market အပြင် Motorola Market လည်း ရှိတယ်။ တကယ်လို့ Market ပေါ်မတင်ပဲ apk file ထုတ်ပြီး ဖုန်းတွေမှာ သွင်းလို့ရတယ်။ iPhone ကတော့ အဲလိုမရဘူး။ အဲဒါကတော့ Android က သာတယ်လို့ ဆိုလို့ရမယ်။

Cross Platform

တစ်ခါရေး ၂ ခုလုံး Run ဖို့ကော မဖြစ်နိုင်ဘူးလား။ ဖြစ်နိုင်တာပေါ့။ ကျွန်တော် အပေါ်မှာပြောခဲ့ပါတယ်။ Web Developer တွေအနေနဲ့ App ကို လွယ်လွယ်ရေးလို့ရနေပြီ။ ဘာတွေနဲ့ ရေးလို့ရသလဲ။

Phonegap

လက်ရှိ အလွယ်ဆုံးနဲ့ အမြန်ဆုံး ထွေထွေထူးထူး ဘာမှ လေ့လာစရာမလိုပဲရေးလို့ရတာကတော့ Phonegap ပဲ။ သူက compile ပဲလုပ်ပေးတာလေ။ HTML နဲ့ ရေး။ ပြီးရင် XCode မှာ phonegap template သွင်းပြီး compile လုပ်လိုက်ရုံပဲ။ Android အတွက်ဆိုလည်း Eclipse နဲ့ compile လုပ်လိုက်ရုံပဲ။ HTML ကနေ Phone App ဖြစ်သွားပါလေရော။ Phonegap API အနည်းငယ်တော့ လေ့လာလို့ရတယ်။ SDK ရဲ့ API တွေယူသုံးချင်ရင် phonegap api တွေလေ့လာလို့ရတယ်။ ဒါပေမယ့် အများကြီး မရဘူး။ သူက HTML ကို app ပြောင်းဖို့အတွက်လောက်ပဲ။ မကောင်းတဲ့အချက်ကတော့ compile လုပ်ရင် မလိုအပ်တဲ့ service တွေပါ ထည့်ပြီး compile လုပ်လိုက်တာပဲ။ ရှိသမျှ service တွေအကုန်ထည့်ပြီး compile လုပ်တာတော့ ဆိုးတယ်။

Titanium mobile

သူကလည်း phonegap လိုပဲ။ ဒါပေမယ့် သူက ပိုလေ့လာရတယ်။ Phonegap လို လွယ်လွယ်ကူကူ လုပ်လို့မရဘူး။ အရင်ဆုံး Titanium API ကိုလေ့လာရတယ်။ သူက javascript ပဲ။ သူ့ API က webview object ကနေ html ကို load လုပ်ပြီး phone gap လို လုပ်လို့ရသလို native textbox တို့ button တို့ tab တို့ ဖန်တီးလို့ရတာကတော့ phonegap ထက်သာတယ်။ ဒါပေမယ့် သူကလေ့လာဖို့အတွက် အချိန်ပေးရတယ်။ အခု iPad အတွက်ပါ ရနေပြီ။

Rhomobile

ဒါကတော့ Ruby သမားတွေအတွက်ပေါ့။ Ruby နဲ့ iPhone , Android တွေကို ရေးလို့ရအောင်ပေါ့။ တစ်ခါမှတော့ မစမ်းဘူးဖူး။

Others

အခြား Development တွေက ထွေထွေထူးထူးမရှိပါဘူး။ နာမည်မရှိတဲ့ mobile framework တွေကတော့ အများကြီးပဲ။ နောက်ပြီး ဝယ်ရတဲ့ Dragonfire SDK တို့ anscamobile တို့လိုမျိုးဟာတွေ လည်းရှိသေးတယ်။

Adobe Flash CS5 for iPhone Dev

Adobe Flash CS5 မှာ iPhone အတွက်ရေးလို့ရပြီ။ App store က Native မှလက်ခံမယ်ဆိုလို့ Patch အသစ်ထုတ်ပေးထားတယ်လို့တော့ ကြားတယ်။ တစ်ခါမှတော့ မစမ်းဘူးဖူး။

.NET ?

အခုတလော rumor တစ်ခုထွက်နေတယ်။ WWDC မှာ Steve B တက်မယ်လို့ ကြားတယ်။ VS.NET မှာ iPhone native app ရေးလို့ရတာ ကြေငြာမယ်လို့လည်း ပြောနေကြတယ်။ ဟုတ်မဟုတ်တော့ မသိဘူး။ Android ကို Mono နဲ့ရေးလို့ရတယ်ကြားတယ်။

ကဲ… mobile development အတွက် ဘာကို လေ့လာမလဲ ???

Android ဆိုတာကိုတော့ ထွေထွေထူးထူးပြောစရာမရှိပါဘူး။ Android စထွက်ကာစက iPhone ကို ယှဉ်နိုင်လောက်တဲ့ အရည်အသွေးတွေ မရှိပေမယ့် အခုအချိန် Android 2.1 မှာ တော်တော်လေးကို ပြီးပြည့်စုံလာသလို SDK ကလည်း တော်တော်လေးကို ကောင်းမွန်လာပါတယ်။ ကျွန်တော်တို့ မြန်မာနိုင်ငံမှာ Mobile Development ဆိုတာက တခြား Sotware Development ထက်စာရင် ပိုပြီး အောင်မြင်တဲ့ စျေးကွက်လို့ ဆိုရမယ်။ လူတိုင်း Computer မသုံးတတ် ၊ မသုံးနိုင်ပေမယ့် လူတိုင်းနီးပါး ဖုန်းဝယ်သုံးကြတယ်။ နောက်ပြီး Mobile Software အတွက် ပိုက်ဆံကို မနှမြောကျတာလည်း တွေ့ရပါတယ်။ Software အခွေတွေဟာ ခိုးကူးခွေတွေကြောင့် တစ်ခွေ ၁၀၀၀ နဲ့ ပေါပေါ ရပေမယ့် လူတိုင်း Mobile Application တွေကို မသွင်းတတ်တာက တစ်ကြောင်း နောက်ပြီး Mobile Application crack တွေကို အင်တာနက်မှာ download ချပြီး သွင်းလို့ရတယ်ဆိုတာကို မသိတာက တစ်ကြောင်း တို့ကြောင့် mobile application တွေကို ဆိုင်မှာ သွင်းခိုင်းကြတာများတယ်။ နောက်ပြီး software တွေကိုလည်း ဝယ်သုံးလိုက်ကြတာများတယ်။ လက်ရှိ လူသုံးများတဲ့ mobile ကတော့ Nokia ပဲပေါ့။

အခုအချိန်မှာ Touch တွေ ခေတ်စားလာတဲ့အမျှ Android ဟာလည်း အောင်မြင်လာတာပဲ။ မြန်မာနိုင်ငံမှာလည်း မကြာခင်ကာလမှာ Android ဟာ အောင်မြင်လာနိုင်စရာ ရှိပါတယ်။ ဘာဖြစ်လို့လည်းဆိုတော့ Android ဟာ OS က free ဖြစ်လို့ပါ။ လက်ရှိ မြန်မာနိုင်ငံမှာ တရုတ်ဖုန်းတွေ စျေးကွက်တည်း စဝင်လာတာကိုလည်း တွေ့ရပါတယ်။ တရုတ်ဖုန်းတွေ Nokia လိုမျိုး Symbian OS ကိုထည့်သွင်းထား ပါပေမယ့် နောင်တချိန်မှာ Android ကိုပြောင်းလဲလာဖို့ အလားအလာရှိပါတယ်။ ဘာလို့ Android ကို အခုအချိန်မှာ စလေ့လာဖို့လိုသလဲဆိုတော့ စျေးကွက်ပြောင်းလဲလာခဲ့ရင် အသင့်ရှိနေအောင်ပါ။

Android က iPhone App ထက်စာရင် apk ကို တိုက်ရိုက်သွင်းလို့ရတယ်။ ဒါဟာ မြန်မာနိုင်ငံအတွက် သင့်တော်တဲ့ အချက်ပဲ။ ဆိုင်တွေမှာ apk file ပေးထားပြီး သွင်းခိုင်းပြီး ရောင်းချတာပဲ ဖြစ်ဖြစ် apk file ကိုပဲ internet ကနေ free ပေးတာပဲဖြစ်ဖြစ် သင့်လျော်ပါတယ်။  Apk ဆိုတာကတော့ နားလည်အောင်ပြောရရင် Android app installer file ပေါ့။ Android SDK နဲ့ရေးပြီး complie လုပ်လိုက်ရင် APK file ရပါတယ်။ အဲဒီ APK file ရရင် Android တွေ မှာ သွင်းလို့ရပါပြီ။ မြန်မာနိုင်ငံစျေးကွက်ပုံစံအရ hardware လိုက်ရောင်းချလာတာတွေလည်း ရှိနိုင်တယ်။ Android OS တင်ထားပြီး APK အရံသင့် သွင်းထားတဲ့ hardware တွေ ရောင်းချလာနိုင်တယ်။ ဥပမာ။။ Dictionary လိုမျိုးပေါ့။ Android OS ရဲ့ အားသာချက်က Screen အရွယ်အစားမရွေးတာပဲ။ နောက်ပြီး hardware ကောင်းရင်ကောင်းသလောက် မြန်ဆန်တာကိုတွေ့ရပါတယ်။ Nexus One ဟာ Android ဖုန်းတွေထဲမှာ သဘောကျစရာအကောင်းဆုံးနဲ့ လက်ရှိ အကောင်းဆုံး Android လို့တောင် ဆိုလို့ရပါတယ်။

သမာရိုးကျ APK ရောင်းတာထက် မြန်မာနိုင်ငံအနေနဲ့ hardware နဲ့တွဲပြီး ရောင်းချတာ ပိုအောင်မြင်နိုင်တဲ့ အလားအလာရှိပါတယ်။ Dictionary ပဲဖြစ်ဖြစ် အခြား ကိုယ်ပိုင် Software ပဲဖြစ်ဖြစ်ပေါ့။ သေးသေးလေးမဟုတ်ပဲ apk file တွေ ခိုးကူးမှာ ကြောက်ရတဲ့ လုပ်ငန်းရှင်တွေအတွက် အဲလိုမျိုး hardware လိုက်ရောင်းချလာဖို့ ရှိလာနိုင်တယ်။ မြန်မာနိုင်ငံမှာ အဓိကလိုအပ်တာက Android Developer တွေပါ။ လက်ရှိ mobile developer တွေအနေနဲ့လည်း Android ကိုစလေ့လာသင့်နေပါပြီ။ java အခြေခံရှိတဲ့သူတွေအနေနဲ့ လေ့လာဖို့ အရမ်းလွယ်ပါတယ်။ Android SDK ကို http://developer.android.com/sdk/index.html မှာ download ချနိုင်ပါတယ်။ နောက်ပြီး Eclipse နဲ့ တွဲရေးဖို့အတွက် android ADT plugin ကို http://developer.android.com/sdk/eclipse-adt.html အဲဒီမှာ သွင်းနိုင်ပါတယ်။ Android SDK ကိုသွင်းရတာ အစက ခက်ခဲပေမယ့် gooling လုပ်ပြီးတော့ ဖြစ်စေ MZ မှာ ဖြစ်စေ မေးမြန်းနိုင်ပါတယ်။

ကျွန်တော်ကတော့ iPhone Objective C ပဲလုပ်ဖြစ်တယ်။ Android ကိုတော့ သွားဖို့ အစီအစဉ်မရှိဘူး။ ဘာလို့လည်းဆိုတော့ Apple Fan ဖြစ်နေလို့ပဲ။

ornagai ကို tsv နဲ့ babylon တို့အတွက်တော့ မထုတ်ရသေးဘူး။ ဒီနေ့ index ထောက်တာ စောစောပြီးရင် babylon , tsv , stardict တို့အတွက် ထုတ်ပေးဖို့ပဲ။ ဒါပေမယ့် index ထောက်ဖို့ရေးရတာ တော်တော်ကြာသွားတယ်။ Nexus One မှာတော့ မြန်ပေမယ့် ကျွန်တော် စမ်းတဲ့ HTC G1 မှာတော့ တော်တော်နှေးတယ်။ data တင်ပဲ 6.5 MB ရှိတယ်။ Ornagai Android ကိုသွင်းမယ်ဆိုရင်တော့ 7 MB လောက်တော့ နေရာယူလိမ့်မယ်။ English Myanmar ပဲ ပါပါတယ်။ ဇော်ဂျီကို font မရှိပဲ ဖတ်လို့ရတယ်။ CPU speed ကတော့ နည်းနည်း စားမယ်ထင်တယ်။ Index file ကို တစ်ခုခြင်းဆီ သွားဖတ်ထားလို့ပါ။ search ကတော့ အရင်ကထက် ပိုမြန်လာပါတယ်။ နောက်ပြီး a , b , c စတဲ့ စာလုံးတစ်လုံးတည်းတွေ ရှာခွင့်မပေးထားတော့ဘူး။ ဘာဖြစ်လို့လည်းဆိုတော့ မလိုအပ်သလို index သီးသန့် ထပ်ပြီး ထောက်ပေးနေရင် ရှာတဲ့အခါ ပိုနှေးသွားမှာ ဆိုးလို့ပါ။ ornagai.apk.zip ကို download ချ။ zip ဖြည်လိုက်ရင် apk ရမယ်။ ပြီးရင် sd card ထဲထည့်။ ပြီးရင် App Installer နဲ့ သွင်းလိုက်ရင် ရပါတယ်။

ornagai.apk

နောက်ဆုံး ornagai data တော့ မဟုတ်သေးဘူး။ index မထောက်ရသေးလို့။ index ထောက်ပြီးမှ အသစ်ထပ်တင်တော့မယ်။ market မှာတင်ဖို့ပဲ $25 တောင်းလို့ မတင်တော့ပါဘူး။ zip ကို ဖြည်လိုက်ရင် apk ရမယ်။ apk ကို Android Market က App Installer နဲ့ သွင်းလို့ရပါတယ်။

ornagai.apk

http://seanlin.me/archives/burmese-language-on-android/ မှာ သွားဖတ်နိုင်ပါပြီဗျာ။ font ပဲရသေးတယ်။ keyboard တော့ ရသေးဘူး။

Cheer!!! Sean Lin