ဒီအပတ် အားရင် Design အသစ် ပြန်ရေးမယ်လို့ စဉ်းစားထားတယ်။ ဘာကြောင့်လဲဆိုတော့ CSS3 media queries ကို သဘောကျသွားလို့။ လက်ရှိ blog design က 960gs နဲ့ ရေးထားတော့ css3 media queries နဲ့ သုံးရင် သုံးလို့ ရပေမယ့် လုံးမဝ မလှပ မသေသပ်ဘူးဖြစ်နေတယ်။ WPTouch ကို မသုံးဘူးလားဆိုတော့ မသုံးချင်တော့ဘူး။ WPTouch လိုမျိုး force လုပ်ပြီးတော့ မတူညီတဲ့ Design ၂ မျိုးနဲ့ မပြချင်တော့ဘူး။ mobile site လည်း ဒီပုံစံပဲ မူရင်း site လည်း ဒီပုံမျိုးပဲ ပြချင်တယ်။ အရင်ကတည်းက အဲလိုမျိုး ဖန်တီးချင်ပေမယ့် theme ၂ ခု ဆွဲရမှာ ပျင်းနေတာကြောင့် မဆွဲဖြစ်ခဲ့ဘူး။ Google Reader မှာ သတင်းတွေ ဖတ်ရင်းနဲ့ catswhocode မှာ ရေးထားတဲ့ CSS3 media queries လေးတွေ့ပြီး စိတ်ဝင်စားသွားတယ်။ အရင်တုန်းက Smashing Magazine မှာ ရေးခဲ့ဖူးပေမယ့် မသိလိုက်ဘူး။

CSS3 media queries ဆိုတာက device width ပေါ်မှာ မူတည်ပြီး css တွေကို သတ်မှတ်တာပါ။ device width ဘယ်လောက် အတွင်းမှာဆို ဘယ် css သုံး။ ဘယ်လောက်မှာ ဆို ဘယ် css သုံး ဆိုပြီး သတ်မှာတာပါ။ ဥပမာ။။ iOS အတွက်ဆိုရင် max-width က 480px ပဲ ရှိမယ်။ ဒါကြောင့် max-width 480 ဆိုရင် ဆိုပြီး ရေးပေးလို့ရတယ်။ နောက်တနည်းက iPhone မှာ max-width 320 နဲ့ 480 ၂ မျိုးပဲ ရှိတယ်။ ဒါကြောင့် ၂ ခု ထပ်ခွဲပြီး ရေးချင်ရင် ရေးလို့ရတယ်။ ​ကျွန်တော် တို့ အရင်တုန်းက ကြုံဖူးမှာပါ။ background မှာ image ထည့်ချင်တယ်။ ဒါပေမယ့် image က monitor site ကို မသိဘူး။ ဒါကြောင့် tileimage တွေ ဖြစ်တာတွေ ရှိသလို အချို့တွေကလည်း fluid ဖြစ်အောင် div layer နဲ့ ဆွဲဆန့်တာတွေ ရှိပါတယ်။ သို့ပေမယ့် user အသုံးပြုမယ့် monitor size ကို မသိတာကြောင့် background image ဘယ်လောက် သုံးရမလဲဆိုတာကို ဝေခွဲ မရခဲ့ဘူး။ အဲဒီ ပြဿနာတွေကို css 3 media queries နဲ့ ဖြေရှင်းလို့ရသွားပါပြီ။

CSS 3 media queries ကို ဘယ်လို ရေးရသလဲဆိုတော့ ရိုးရိုး css မှ​ာရေးသလိုပါပဲ။

ပထမ လိုင်းမှာ max-width က 480px ဖြစ်ခဲ့ရင် ဘယ်လို လုပ်မယ်ဆိုတဲ့ condition ။ နောက်တစ်ခုကတော့ 320 ဖြစ်ခဲ့ရင် ဘယ်လို လုပ်မယ်ဆိုတဲ့ condition ။ နောက်ဆုံး တစ်ခုက 1200 နဲ့ 1800 ကြားမှာဆိုရင် ဘယ်လို လုပ်မယ်ဆိုတဲ့ css တွေကို ထည့်ထားပါတယ်။ လက်ရှိ blog ကိုလည်း wptouch ကို ဖြုတ်လိုက်ပြီးတော့ media queries နဲ့ ပြန်ရေးထားတယ်။ စမ်းချင်တယ်ဆိုရင် iphone မရှိလည်း screen ကို ကိုယ့်ဘာသာ ကိုယ် resize လုပ်ပြီး ကြည့်နိုင်တယ်။ width: 480px ရောက်သွားတဲ့အခါမှာ css က အလိုလို ပြောင်းသွားတာကို တွေ့ရပါလိမ့်မယ်။ အသေးစိတ် လေ့လာချင်တယ်ဆိုရင်တော့ webdesignerwall မှာ ရေးထားတဲ့ tutorial လေးက တော်တော် ကောင်းပါတယ်။ wordpress အတွက် အရန်သင့် theme လေးကို သုံးချင်တယ်ဆိုရင်တော့ Renova လေးက တော်တော်ကောင်းပါတယ်။

ရန်ကုန်ကလူတွေတော့ Posterous ကို သုံးလို့ရမရ မသိဘူး။ Posterous က blogspot လိုမျိုး blog site တစ်ခုပါပဲ။ blog တွေကို လွယ်လွယ်ကူကူ ဖန်တီးလို့ရသလို လှပတဲ့ Theme တွေလည်း တော်တော်များပါတယ်။ Tumblr လိုမျိုး posterous Blog တွေကိုလည်း subscribe ( Follow ) လုပ်လို့လည်း ရပါတယ်။

Why posterous

Tumblr ဟာ blogpost ကို လွယ်လွယ်ကူကူနဲ့ တင်လို့ရပါတယ်။ နောက်ပြီးတော့ audio နဲ့ video တွေတင်ရတာ အရမ်းလွယ်ပါတယ်။ Posterous မှာ အကြိုက်ဆုံးအပိုင်းကတော့ blog ရေးသာထက် bookmarklet ပဲ။ ကိုယ်ကြိုက်တဲ့ website တွေကို လွယ်လွယ်ကူကူ bookmark လုပ်လို့ရအောင် ဖန်တီးပေးတာပါ။ ဥပမာ ကြည့်ချင်ရင်တော့ http://saturngod.pulsememe.com မှာ ကြည့်နိုင်ပါတယ်။ နောက်ပြီးတော့ email နဲ့ လွယ်လွယ် post တင်လို့ရပါတယ်။ iPhone အတွက် app ရှိပေမယ့် ipad အတွက်တော့ မရှိသေးပါ။

Feature

Blog က တစ်ခုထက် ပိုပြီး လုပ်လို့ရသလို domain နဲ့လည်း ရေးသားလို့ရပါတယ်။ ကိုယ့်မှာ ကိုယ်ပိုင် domain ရှိရင်လည်း posterous နဲ့ ချိတ်ပြီး သုံးလို့ရပါတယ်။ Autopost function ကလည်း တော်တော် အသုံးဝင်ပါတယ်။ post တစ်ခုတင်လိုက်တိုင်း facebook က profile မှာကော page မှာကော share လို့ရအောင် ဖန်တီးနိုင်သလို twitter မှာလည်း share နိုင်ပါတယ်။ ဒါကြောင့် post အသစ်တစ်ခုတင်တိုင်း ကိုယ် share ချင်တဲ့ sites တော်တော်များများကို share နိုင်ပါတယ်။ နောက်ပြီးတော့ Import ပိုင်းကလည်း တော်တော်အသုံးဝင်ပါတယ်။ အခြား blog တွေကနေ posterous ကို လွယ်လွယ်ကူကူပြောင်းလို့ရအောင်လည်း ဖန်တီးပေးထားတဲ့ အတွက် အဆင်ပြေတယ်လို့ ဆိုရမယ်။

iPad က Pulse News Reader  ကို ဝယ်ဖြစ်သွားတာကလည်း posterous နဲ့ ပေါင်းထားပြီး ကိုယ့်အတွက် pulsememe bookmark site လေးတစ်ခု ဖန်တီးပေးထားတာကြောင့်လည်း ပါပါတယ်။

MZBlogNetwork ကို Flipboard နဲ့ စမ်းကြည့်ထားတာ။

မနေ့တုန်း အစည်းအဝေးမှာ blog content တွေအကြောင်း ပြောတယ်။ company တစ်ခုရဲ့ blog content က အရေးပါသလို ငွေပေါင်းမြောက်မြားစွာ ရအောင်လည်း ဖန်တီးပေးနိုင်တယ်ဆိုတာလည်း သိလိုက်ရတယ်။ CMS နဲ့ blog က မတူပါဘူး။ ဆင်မယောင်နဲ့ ကွဲပြားပါတယ်။ CMS ဖြစ်တဲ့ joomla တို့ drupal တို့ နဲ့ blog engine ဖြစ်တဲ့ wordpress တို့နဲ့ ပုံစံ သွင်ပြင်ကွာပါတယ်။ အတော်များများက CMS နဲ့ blog မကွဲပြားကြဘူး။

Content Management System

CMS ဆိုတာကတော့ content management system ဆိုတဲ့ content တွေကို အလေးပေးတဲ့ ပုံစံ design ပြုလုပ်ထားပါတယ်။ ဒါကြောင့် content တစ်ခုကို ပြင်တာ ဖျက်တာတို့ စတာတွေအတွက် roll တွေပါသလို permission တွေလည်း ပါလာတယ်။ လွန်ခဲ့တဲ့ ၃ နှစ် ၄ နှစ်လောက်တုန်းက CMS က အရမ်းခေတ်စားတဲ့ အချိန်လို့ ဆိုလို့ရမယ်။ site တော်တော်များများကလည်း CMS တွေ ပြောင်းလာခဲ့တယ်။ CMS က ကျွန်တော်တို့တွေအနေနဲ့ ဘယ်မှာ အသုံးများလဲဆိုတော့ company site တွေ အစိုးရဌာန site တွေမှာ အသုံးများတယ်။ ဘာဖြစ်လို့လည်းဆိုတော့ အမြဲ update ဖြစ်နေမှာ မဟုတ်သလို အမြဲတန်းလည်း ၁ ပတ် ၁ခါ လောက်လည်း အသစ်တွေ ထွက်နေမှာမဟုတ်ဘူး။ တစ်ခါတစ်လေမှ အသစ်တွေ တင်တော့ အမြဲတန်း ပြင်နေဖို့ မလိုဘူး။ Content တွေက များနိုင်တဲ့အတွက် CMS က အဆင်ပြေပါတယ်။ နောက်ပြီး block structure ကိုလည်း အလေးထားတယ်။

Blog

Blog ဆိုတာကတော့ Blog ပေါ့ဗျာ။ WordPress 2.6 လောက်က စပြီး wordpress ကတော်တော်လေး ပေါက်လာတယ်။ အခုဆို site တော်တော်များများက CMS ထက် blog ကို ကူးပြောင်းလာပြီ။ Blog နဲ့ CMS အသုံးပြုတဲ့နေရာ အဓိက မတူတာကတော့ Blog ကအမြဲ update ဖြစ်နေတယ်။ နောက်ပြီး blog တွေမျာ block structure ထက်စာရင် content ကို ပိုအားပေးတယ်။ အဓိက design တည်ဆောက်ပုံကွာသေးတယ်။ Joomla နဲ့ တည်ဆောက်ထားတဲ့ site တွေက block structure ကို အဓိကထားတာကို တွေ့နိုင်ပြီး wordpress site တွေကတော့ sidebar လောက်သာ ပါဝင်ပြီး content တွေ အမြဲ update လုပ်တာကို အလေးထားတာကိုတွေ့နိုင်တယ်။ နောက်ပြီး သူက Roll တွေ အများကြီး မလိုဘူး။ author နဲ့ editor ပဲ လိုတယ်။

Why we need to write blog ?

Blog နဲ့CMS အကြောင်းပြောလိုက်တာနဲ့ ပြောမယ့်အကြောင်းတောင် ပျောက်သွားတယ်။ ကျွန်တော်တို့ ပုံမှန် personal blog မဟုတ်ပဲ company blog ဘာလို့ လိုလည်းဆိုတော့ client တွေက company အကြောင်းကို သိချင်ရင် အရင်ဆုံး website ကို ဝင်ကြမှာပဲ။ website ဆိုတာက website ဆိုတဲ့ အတိုင်း အကြောင်းအရာတွေလောက်ပဲပါမှာပေါ့။ အရင်တုန်းကဆို အဲဒါက လုံလောက်ပေမယ့် အခုအချိန်မှာတော့ company’s blog ဟာ အရေးပါလာပြီ။ project တစ်ခုကို ရဖို့ လူ ၅ ယောက်လောက်ပြိုင်ပြီး fight ရတာ။ ဒီတော့ ကိုယ့် company blog ကို client က ကြည့်လိုက်ရုံနဲ့ developer တွေရဲ့ skill တွေကို သိသွားနိုင်ရမယ်။ designer တွေရဲ့ skill တွေကို သိနိုင်ရမယ်။ နောက်ပြီး company မှာရှိတဲ့သူတွေရဲ့ knowledge ကို ဖော်ပြပေးတာလည်း ဖြစ်နေရမယ်။ နောက်တချက်က SEO ပဲ။ content တွေ များလာရင် search engine မှာ ရှာလို့ တွေ့လာနိုင်မယ်။ ဒါဟာ ကြော်ငြာပြီးသားလည်း ဖြစ်တယ်။ ပြောသွားတာတွေကတော့ အများကြီးပဲ မှတ်မိသလောက်ပဲ ပြန်ရေးချထားတာ။ ဘာပဲပြောပြော ပညာတစ်ခုတော့ ရလိုက်တာပေါ့။ ရန်ကုန်က company မှာတော့ company’s blog ရယ်လို့ ထားတာတော့ သိပ်မတွေ့ရဘူး။ client တွေကလည်း website ကို ကြည့်တဲ့ ပုံလည်း မပေါ်ပါဘူး။ ကဲ…. ထားပါ။ နောက်ပြီးတော့ blog content တွေကို ဘယ်လိုရေးရမယ်။ ဘယ်လို ရေးသင့်တယ်ဆိုတာလည်း သိလိုက်ရတယ်။

opensearch ဆိုတာကတော့ firefox မှာ အပေါ်ညာဘက်မှာ ပါတဲ့ searchbox လေးကို ပြောတာပါ။ အခု ကျွန်တော့် blog ကို တစ်ခါတည်း လာစရာမလိုပဲ ရှာလို့ရအောင် opensearch ထည့်ထားတယ်။ အဲဒီ ညာဘက် ထောင့်လေး လင်းနေတာကို တွေ့မယ်။
လုပ်ရတာလွယ်လွယ်လေးပါ။ အရင်ဆုံး notepad အရင်ဖွင့်ဖို့လိုတယ်။

opensearch.xml နဲ့သိမ်းလိုက်ပါ။

ပြီးရင်

opensearch.xml

<?xml version="1.0" encoding="UTF-8"?>
<OpenSearchDescription xmlns="http://a9.com/-/spec/opensearch/1.1/">
<ShortName>Your Blog</ShortName>
<Description>Your Blog</Description>
<Tags>Your Blog</Tags>
<Url type="text/html"
template="http://www.yourblog.com/?s={searchTerms}"/>
<Image height="16" width="16" type="image/x-icon">http://www.yourblog.com/favicon.ico</Image>
</OpenSearchDescription>

ကျွန်တော်တို့ searchterms ရှာဖို့အတွက် ကျွန်တော်ကတော့ အရင်ဆုံး ကိုယ့် blog မှာ ကိုယ်ရှာကြည့်လိုက်တယ်။ Ubuntu လို့ရှာလိုက်တယ်။

အဲဒီအခါမှာ www.saturngod.net/?s=Ubuntu

ဆိုပြီးထွက်လာတယ်။ ဒီတော့

<Url type="text/html"
template="http://www.yourblog.com/?s={searchTerms}"/>

အဲဒီ နေရာမှာ

<Url type="text/html"
template="http://www.saturngod.net/?s={searchTerms}"/>

တကယ်လို့
www.ornagai.com/search.php?message=’test’&amp;page=0

ဆိုပါဆို့။
ဒါဆိုရင်

<Url type="text/html"
template="http://www.ornagai.com/?message={searchTerms}&amp;page=0"/>

& ကို
&amp;
လို့ရေးရပါတယ်။ ဒါမှအလုပ်လုပ်မှာပါ။ favicon ပတ်လမ်းကြောင်းကတော့ ကိုယ့် ပုံ လမ်းကြောင်းပေါ့။

အဲဒါတွေပြီးသွားရင် opensearch.xml ကို Uplaod တင်လိုက်။

www.yourblogname.com/opensearch.xml ခေါ်ကြည့်။ အဆင်ပြေလားလို့။ အဆင်ပြေရင် blog ထဲမှာထည့်ရအောင်။

wordpress မှာဆိုရင်တော့ Apperance -&gt; Editor -&gt; header.php မှာ လို့ရှာပြီး အဲဒီအပေါ်မှာ

<link rel="search" type="application/opensearchdescription+xml" title="Saturngod Blog" href="http://www.saturngod.net/opensearch.xml">

ဆိုပြီး ထည့်လိုက်ပေါ့။ ဒါဆိုရင်တော့ သင့် blog မှာ opensearch ရသွားပါပြီဗျာ။ အဲလိုမျိုးပုံစံအတိုင်း website တွေကိုလည်း ထည့်လို့ရပါတယ်။

ဒီရက်ပိုင်း habari ကို စမ်းသုံးဖြစ်တယ်။ ဆိုးတော့မဆိုးဘူးဗျ။ ဒါပေမယ့် ကျွန်တော်တို့တွေ အနေနဲ့ မသုံးသင့်သေးဘူး။ wordpress ကနေပြောင်းမယ်ဆို ပိုဆိုးပေါ့။ သူက wordpress နဲ့တော်တော်ဆင်တယ်။ ဒါပေမယ် ့category မပါဘူး။ နောက်ပြီး sidebar widget မပါဘူး။ sidebar ထည့်ရတာ တော်တော်ရှုပ်တယ်။ နောက်ပိုင်းတော့ အဆင်ပြေလာမှာပါ။ အခုတော့ သိပ်အဆင်မပြေသေးဘူး။ အကုန်လုံးကို AJAX နဲ့ သုံးထားတယ်။ 0.6 alpha မှာ menu က ပိုကောင်းလာတယ်။ GUI ပိုင်း idea က ပိုတိုးတက်လာတယ်။ ဒါပေမယ့် theme ပိုင်းမှာ sidebar ကို ကိုယ်တိုင်ထည့်ရတာ ဆိုးတယ်။ HTML နဲ့ php အခြေခံရှိမှ sidebar ထည့်လို့ရလိမ့်မယ်။ နောက်မို့ဆို ထည့်ဖို့ နည်းနည်းခက်ခဲလိမ့်မယ်။ မြန်မာနိုင်ငံမှာပဲ ဖြစ်ဖြစ် နိုင်ငံတကာမှာပဲ ဖြစ်ဖြစ် wordpress လို လွယ်လွယ်ကူကူsidebar တွေမှာထည့်လို့ရတာကိုပဲ သဘောကျမှာပါ။ ကိုယ်တိုင် code တွေကို ရှာဖွေပြီးထည့်ရမယ်ဆိုတာကတော့ သိပ်တော့မလွယ်ဘူးဗျ။ ဒါပေမယ့် Habari က နောင်တစ်ချိန်မှာ wordpress လိုအောင်မြင်တဲ့ blog software တစ်ခုဖြစ်လာမှာ သေချာပါတယ်

နိုင်ဝင်ဘာလ ၈ ရက် ၂၀၀၆ ခုနှစ်တွင် ကွန်ပျူတာတက္ကသိုလ် ဟူသော post နဲ့ စတင်ခဲ့သော saturngod blog သည် ၂ နှစ် တိုင်တိုင်ပြည့်ခဲ့ပါပြီ။

ပထမဆုံး အကြိမ် တည်ထောင်ခြင်း

saturngod.blogspot.com ဖြစ် blog ကိုစတင်ရေးသားခဲ့သည်။ နည်းပညာနဲ့ UCSY အကြောင်းအဓိက ထားရေးသားခဲ့သည်။ အောက်တိုဘာ ၂၅ ရက် ၂၀၀၇ တွင် blogspot တွေ မြန်မာနိုင်ငံစတင်ပိတ်ပင်ပြီး saturngod.blogspot.com ပျောက်ပျယ်ခဲ့ရသည်။

ဒုတိယအကြိမ် တည်ထောင်ခြင်း

အောက်တိုဘာလ 27ရက်နေ့ ၂၀၀၇ တွင် saturngod.myseryzillion.org အဖြစ် wordpress ကို အသုံးပြုကာ တည်ဆောက်ခဲ့သည်။ ထို့နောက် mz hosting အပြောင်အလဲကြောင့် ဒုတိယအကြိမ် ပျက်သုန်းရပြန်ပြီ။ post တွေကတော့ 2007 September အထိသာ ကျန်ရစ်ခဲ့သည်။

တတိယအကြိမ် ပထမအပိုင်း တည်ထောင်ခြင်း

hosting ပြောင်းပြီးနောက် wordpress မှ drupal ကို ပြောင်းလဲခဲ့သည်။ ၂၀၀၇ ခုနှစ် စက်တင်ဘာ နောက်ပိုင်း data တွေကို မရရှိပဲ ၂၀၀၈ ခုနှစ် ဇန်နဝါရီမှ ပြန်လည်စတင်ကာ drupal နဲ့စတင်ရေးသားခဲ့သည်။ saturngod.mysteryzillion.org အနေနဲ့ပဲ ရေးသားခဲ့သည်။

တတိယအကြိမ် ဒုတိအပိုင်း တည်ထောင်ခြင်း

drupal သည် အဆင်ပြေမှုမရှိ။ wordpress 2.6 လောက် အဆင်ပြေခြင်းမရှိခဲ့သောကြောင့်  ဇွန်လိုင်လ ၁၄ ရက်နေ့ ၂၀၀၈ ခုနှစ်တွင် drupal မှ wordpress 2.6 ကိုပြောင်းလဲခဲ့သည်။ MZ ကို webhosting မှ mediatemple hosting ကိုပြောင်းရွှေ့ခဲ့ပြီး saturngod.mysteryzillion.org လည်း ပျက်သုန်းရပြီသည်။

စတုတ္ထအကြိမ် တည်ထောင်ခြင်း

mediatemple hosting အပြောင်းအရွှေ့နဲ့အတူ saturngod.net ကို ဝယ်ယူကာ လက်ရှိ hosting တွင် တင်ထားကာ ဆက်လက်ရေးသားခဲ့သည်။ database backup များကို ကိုမင်းကျော်အကူအညီနဲ့ ခက်ခက်ခဲခဲပြန်လည်ရယူခဲ့သည်။ အောက်ဂုတ်လ ၂၂ ရက်နေ့တွင် www.saturngod.net အဖြစ်ပြန်လည် ပေါ်ပေါက်ခဲ့သည်။

အခုတော့ blog ရေးခြင်း အကျိုးတွေ ကျွန်တော်ခံစားနေရပြီ။ blog က အခုတော့ ကျွန်တော့်အတွက် မှတ်စု တစ်ခုလိုပဲ။ windows တစ်ခုပဲ ဖြစ်ဖြစ် Ubuntu တစ်ခုပဲဖြစ်ဖြစ် ပျောက်ဆုံးသွားတာတွေက မှတ်တော့မိတယ်။ စဉ်းစားလို့မရတော့ဘူးဆိုရင်တော့ ကိုယ့် BLOG မှာ ကိုယ်ရှာတယ်။ download ချမိတယ်။ ဒါကြောင့် နောက်ပိုင်း upload တင်ရင် နှစ်ခု သုံးခုလောက်တင်ပြီး post တွေမှာ ပေးထားတတ်တယ်။ ဒါမှ download ပြန်ဆွဲလို့လွယ်မှာလေ။

ပြီးခဲ့တဲ့ အခေါက်က Zawgyi Keyboard အသစ် Ubuntu အတွက် ရေးဖို့ အစရှာမရ ဖြစ်သွားတယ်။ ဘယ်ကစရေးရမှန်း မသိတော့ဘူး။ တော်သေးတာပေါ့။ Blog ထဲမှာ ရေးရတာ တဖြည်းဖြည်းနဲ့ ကျွန်တော့်အတွက် knowledgebase တစ်ခုလိုပဲဖြစ်လာပြီ။ ကိုယ့် library ကိုယ် တည်ဆောက်ထားသလိုပဲ။ ကိုယ်လိုချင်တာတွေ ကိုယ့် blog မှာ ပြန်ရှာလို့ရတယ်။ ကျွန်တော်အရင်က ဘာတွေလုပ်ခဲ့မှန်း ဘာတွေသိခဲ့မှန်း ဘာတွေဖြစ်ခဲ့သလဲ ဘယ်အခြေအနေကို ဘယ်လို ဖြေရှင်းခဲ့လဲ။ တစ်ခါတစ်ခါမေ့မေ့သွားတတ်တာတွေကို ကိုယ့် blog ကို ကိုယ်ပြန်ဖတ်မိပြီး အော်… ဒီလိုလုပ်ရင် ရပါသလားလို့တောင် သိလာတယ်။ မျှဝေတယ်ဆိုတာ တကယ်လုပ်သင့်တဲ့အရာ တစ်ခုပါ။ Blog ရေးတယ်ဆိုတာက ကျွန်တော့်အတွက် သူ့အတွက်ကော ကိုယ့်အတွက်ပါ အသုံးဝင်တယ်။ အကျိုးရှိလာတယ်။ အခုဆို ကျွန်တော် သိသမျှ။ မှတ်မိသမျှလေးတွေကို blog မှာ တင်ထားတတ်တယ်။ ဒါမှ တစ်ခုခုမေ့မေ့ ပျောက်ပျောက်ဖြစ်သွားရင် ပြန်ရှာပြီး ဖတ်လို့ရမှာလေ။

Ubuntu ပြန်သွင်းတုန်းက dock တွေကို ဘယ်လို သွင်းရမှန်းမသိဘူး ဖြစ်သွားတယ်။ ကိုယ်ရေးထားတဲ့ Ubuntu Zawgyi Keyboard ကပျောက်သွားတယ်။ ကိုယ့် blog မှာတင်ထားတော့ ပြန်ရှာပြီး သွင်းလိုက်တော့ တော်တော်လေးကို အဆင်ပြေသွားတယ်။ ကျွန်တော်ကတော့ blog ရေးတယ်ဆိုတာ ကိုယ့်အတွက်ကော သူ့အတွက်ပါ အကျိုးရှိတာပဲ ရေးစေချင်တယ်။ အဲဒါက တော်တော်လေးအသုံးဝင်တယ်။ ကျွန်တော့်အတွက်တော့ ကျွန်တော့် blog ဟာ ကျွန်တော့်အတွက် မှတ်စု စာအုပ်လေး တစ်အုပ်လိုပါပဲဗျာ။

ကဲ… offline စာအုပ်တော့ မထွက်လာဖြစ်ပေမယ့် online စာအုပ်လေးတော့ ထွက်ရှိလာပါပြီ

ဒီမှာ ယူလို့ရပြီနော်။

wordpress မှာ blog လုပ်တာ မြန်မာလို မပေါ်ဘူး။ နောက်ပြီး plugin တွေကို ကိုယ်လိုချင်တဲ့ plugin မရဘူးဖြစ်နေလား။ wordpress blog ကို ကိုယ်ပိုင် host မထိုင်တတ်ဘူးလား။ blog လုပ်ချင်ပြီး ဘယ်ကနေ စလုပ်ရမှန်းမသိတာလား။ အဲဒီအတွက် MZ blog လာပါပြီ။ ကျွန်တော်တို့ MYSTERY ZILLION ကပေးလိုက်တဲ့ နောက်ထပ်တစ်ခုပါ။ Blog တွေကို လွယ်လွယ်ကူကူလုပ်နိုင်အောင် စီစဉ်ထားပါတယ်။ template တွေအများကြီးထည့်ထားတယ်။ နောက်ပြီး လိုအပ်တဲ့ plugin တွေထည့်သွင်းထားပေးတယ်။ blogger ကနေလည်း import လုပ်လို့ရတယ်လေ။ www.mzblog.net ကနေ သင် blogger တစ်ယောက်ဖြစ်လာဖို့ လမ်းစ တစ်ခု ဖွင့်ပေးလိုက်ပါတယ်။