မနေ့က Zite မှာ သတင်းဖတ်ရင်း RethinkDB အကြောင်းရေးထားတာတွေ့မိတယ်။ RethinkDB နဲ့ Mongodb နှိုင်းယှဉ်ထားတာကိုတော့ ဒီမှာ ဖတ်နိုင်တယ်။ FAQ လည်း ပြည့်ပြည့်စုံစုံ ရေးထားတာတွေ့ရတယ်။ အခုတော့ Mac နဲ့ Linux မှာပဲ အသုံးပြုလို့ရသေးတယ်။ Admin Panel ကတော့ တော်တော်လေးကို ကောင်းတယ်ဆိုရမယ်။ သဘောကျတာက query က javascript ကို အသုံးပြုထားတာပဲ။ ၃ နှစ်လောက် develop လုပ်ထားတယ်လို့ဆိုပေမယ့် တော်တော်လေးကို ငယ်သေးတဲ့ nosql database လို့ ဆိုရမယ်။ Weekend မှ ပဲ စမ်းကြည့်လိုက်အုံးမယ်။
JSON ကို ကျွန်တော်တို့တွေ နေရာစုံမှာ အသုံးပြုကြပါတယ်။ အရင်တုန်းကတော့ ကျွန်တော်သိတာက JSON ကို web service တွေမှာ အဓိက သုံးတယ်ပေါ့။ တကယ်တန်းတော့ မဟုတ်ပါ။ နေရာစုံမှာ သုံးနိုင်တယ်။ လိုအပ်သလို သုံးနိုင်တယ်။ အမြဲတန်းသုံးရမယ်မဟုတ်ဘူး။ ကျွန်တော်တို့ ကျောင်းမှာ သင်ခဲ့တုန်းက Database Design ရေးဆွဲတဲ့အခါမှာ 1NF , 2NF , 3NF ထိ သင်ဖူးပါတယ်။ သိပ်တော့ မမှတ်မိတော့ဘူး။ 3NF ထိလို့ထင်တာပဲ။ တကယ်တန်းတော့ 6NF ထိရှိပါတယ်။ သို့ပေမယ့် အဲလောက်ထိ မသုံးကြဘူး။ 3NF လောက်ထိ သိရင် အလုပ်ဖြစ်တယ်။ ဒါပေမယ့် JSON ကို သုံးပြီး Table တွေ လျော့ချဖို့ သို့မဟုတ် field တွေ လျော့ချဖို့တွေ မသင်ခဲ့ပါဘူး။ ဒါတွေက အတွေ့အကြုံတွေက သင်လာခဲ့တာပါ။