MMKeyboard ကို MMKeyboard ကနေ promo code ပေးလို့စမ်းကြည့်ဖြစ်တယ်။ ကျွန်တော်လည်း ထွေထွေထူးထူး ရေးစရာ မရှိတော့ဘူးထင်တယ်။ တော်တော်များများကို ထူးတေဇာ blog မှာ ရေးပြီးပါပြီ။ စသုံးသုံးခြင်းမှာတော့ မြန်မာစာ ရိုက်ရတာ iPad မှာတော့ touch က နှေးနေတယ်။ sound ကို off လိုက်တော့ အရင်ကထက် ရိုက်ရတာ ပိုကောင်းသွားတယ်။ နောက်တချက်က Zawgyi Keyboard မှာ back မပါလာတာပဲ။ စာလုံးများသွားလို့ ပြန်ဖျက်ချင်ရင် english keyboard ကို ပြန်ဖွင့်ပြီးတော့ ဖျက်နေရတယ်။ ပက်ဆင့်တွေ နံပတ်တွေ မပါသေးပေမယ့် အဆင်တော့ပြေပါတယ်။
iPhone version က မထင်မှတ်ပဲ ပိုကောင်းတယ်။ ရိုက်ရတာ မြန်တယ်။ iPad version က ဘာလို့ ပိုနှေးနေတာလဲတော့ မသိဘူး။ iPhone က လက်တစ်ချောင်းတည်းနဲ့ ရိုက်တာ ဖြစ်တဲ့အတွက် ကိစ္စမရှိပေမယ့် iPad ရဲ့ keyboard က ရိုက်ရတာ နည်းနည်းလေးတော့ ခက်နေတယ်။ ဘာကို ခက်နေတာလဲ မသိဘူး။ အခုရိုက် အခုမပေါ်ပဲ နည်းနည်းလေး စောင့်နေရတယ်။ တောက်လျှောက်ရိုက်သွားရင်တော့ ပြဿနာ ဖြစ်တော့တာပဲ။ iPhone version မှာတော့ အဲဒီ ပြဿနာတွေ မရှိဘူး။ လွယ်လွယ်ကူကူ ရိုက်လို့ရတယ်။ တောက်လျှောက်ရိုက်လည်း မနှေးသွားဘူး။
ဘာပဲပြောပြော jailbreak မလုပ်ချင်တဲ့သူတွေ ဇော်ဂျီနဲ့ iPhone မှာ ရိုက်ချင်တဲ့ လူတွေ အတွက် အဆင်ပြေပါတယ်။ ဝယ်ချင်တဲ့သူတွေကတော့ iTune store မှာ ဝယ်လို့ရပါတယ်။ $0.99 နဲ့ ဝယ်ရတဲ့အတွက် တန်တယ်လို့ ဆိုလို့ရပါတယ်။
