ဒီနေ့ Ornagai ကို iphone,android support လုပ်အောင် ဆွဲတော့မှ MVC ဘာကြောင့်ကြိုက်လဲ သဘောပေါက်တော့တယ်။ ဘာဆိုဘာမှ မလိုဘူး။ Controller ကလည်း အရင်အတိုင်း ပို့တာပဲ။ Model ကနေ အရင်လိုပဲ Function ခေါ်ပြီး သုံး။ လိုအပ်တာကို view ကို ပို့ပေးလိုက်တာ။ Model ကလည်း အသစ်ပြန်ရေးစရာမလိုသလို Controller ကလည်း နာမည်လေးပဲ ပြောင်းသွားတာရှိတယ်။ များများ စားစား အသစ်ပြန်ရေးစရာ ရှိကို မရှိတာ။ View မှာ design လေး ပြင်လိုက်ရုံပဲ။ ၁ ရက်ထဲနဲ့ ပြီးသွားတယ်။ အရင်တုန်းကဆိုရင် Design ပြောင်းပြီဆိုရင် စိတ်ပျက်ဖို့ကောင်းတယ်။ အကုန်လုံးကို ပြန်ပြင်ရတာကို။ code တွေကလည်း design ထဲမှာရောနေတော့ မနည်းလိုက်ပြင်ရတယ်။ page တစ်ခုထဲမှာတင် design နဲ့ code တွေနဲ့ ပေါင်းလိုက်ရင် မနည်းဘူး။ မနည်းရှာဖတ်ပြီး အစအဆုံး နီးပါး ပြင်ရတာ။ code အသစ်မရေးရပေမယ့် တော်တော်လက်ပေါက်ကပ်တဲ့အလုပ်ဗျ။ အခုတော့ CI နဲ့ရေးထားတော့ ပြင်ရတာ တော်တော်လွယ်သွားတယ်။ ဘာမှလည်း လုပ်စရာမလိုဘူး။ Design လေးထည့်။ variable လေးထည့်လိုက်ရုံပဲ။ MVC ကိုတော့ ရေရေလည်လည်သဘောကျသွားပြီ။