Saturngod » myanmar http://www.saturngod.net What's on my mind Fri, 10 Feb 2012 16:00:31 +0000 en hourly 1 http://wordpress.org/?v=3.3.1 New MMEpub http://www.saturngod.net/knowledgebase/new-mmepub?utm_source=rss&utm_medium=rss&utm_campaign=new-mmepub http://www.saturngod.net/knowledgebase/new-mmepub#comments Tue, 07 Feb 2012 16:26:23 +0000 saturngod http://www.saturngod.net/?p=4992 Continue reading →]]>

MMEpub ကို ဒီနေ့ ထပ်ပြင်လိုက်ပါတယ်။

အခု version အသစ်မှာ

  • Cover တွေထည့်လို့ရလာပါတယ်။
  • ကြိုက်တဲ့ font သုံးလို့ရလာပါတယ်။

ဝင်းအင်းဝ font ကို သုံးမယ့်သူတွေ အနေနဲ့ သတိထားစေချင်တာက mmepub နဲ့ ပြောင်းလိုက်ရင် လက်ရှိ english စာတွေ မြင်ရတော့မှာ မဟုတ်ပါဘူး။ အဲဒီ ပြဿနာရှိပါတယ်။

Custom font ကို support လိုက်တာကြောင့် unicode နဲ့ ရိုက်ထားတဲ့ စာတွေကိုတော့ လွယ်လွယ်ပြောင်းလို့ရပါပြီ။

သုံးပုံသုံးနည်းကတော့

Custom Font

$python convert.py [font family] [font file]

[font family] : ပြောင်းချင်တဲ့ font family

[font file] : font family ရဲ့ font file

font fmaily သို့မဟုတ် font file နှစ်ခု လုံး သို့မဟုတ် ၁ ခု တည်းသာ ပါရှိခဲ့ရင် zawgyi-one ကို သာ အသုံးပြုသွားမှာပါ။ font-family ကော font file ကိုပဲ convert.py မှာ ထည့်ပေးမှ ပေးထားတဲ့ font-family ကို အလုပ်လုပ်မှာပါ။

ဥပမာ ။

$python convert.py Yunghkio Yunghkio.ttf

Yunghkio.ttf ဆိုတဲ့ file ကို data folder အောက်မှာ သွားထည့်ထားပေးရပါမယ်။

Cover

.png file ကို .epub file နဲ့ နာမည် အတူတူ ပေးထားလိုက်ပါ။

ဥပမာ။။ sample.epub နဲ့ sample.png ပေါ့။ sample.epub cover အတွက် sample.png ကို ယူသုံးသွားပါမယ်။

cover အတွက် recommend လုပ်တဲ့ အရွယ်အစားကတော့ 420 × 599 ပါ။

.epub file တွေ အားလုံးနဲ့ cover အတွက် .png file အားလုံးကို convert.py အောက်မှာထားပြီးတော့ terminal (command) ကတော့

$python convert.py

ဆိုပြီး ခေါ်ပြီး ပြောင်းလို့ရပါပြီ။

]]> http://www.saturngod.net/knowledgebase/new-mmepub/feed 5 MMWebFonts http://www.saturngod.net/knowledgebase/mmwebfonts?utm_source=rss&utm_medium=rss&utm_campaign=mmwebfonts http://www.saturngod.net/knowledgebase/mmwebfonts#comments Sat, 04 Feb 2012 14:39:06 +0000 saturngod http://www.saturngod.net/?p=4990 Continue reading →]]>

MyWebFont က bandwidth ပြည့်လို့ ၁ ရက်လောက် သုံးမရတာ တွေ အခု တလော ခဏခဏ ဖြစ်နေပါတယ်။ ဒါနဲ့ ကျွန်တော့် ဆီ mail ပို့ပြီး သူတို့ရဲ့ server မှာ host တင်ပြီး run မယ်လို့ စာတွေ ပို့ကြတယ်။ သို့သော်လည်းပဲ MyWebFont က Google App Engine အတွက် ရေးထားတာဖြစ်ပြီးတော့ လက်ရှိ Linux server တွေမှာ run လို့မရပါဘူး။

MMWebFonts ဆိုပြီးတော့ mywebfont code အတိုင်းကို PHP နဲ့ ပြန်ပြင်ရေးထားပါတယ်။ hosting ပေါ်မှာ မ run ချင်သူတွေ အနေနဲ့ကတော့ http://mmwebfonts.comquas.com/ ကနေ MyWebFont သုံးသလိုမျိုး external style sheet အနေနဲ့ သုံးလို့ရပါတယ်။ ကိုယ့် hosting မှာ တင်သုံးချင်တယ်ဆိုသူတွေကတော့ source code ကို github မှာ ရယူနိုင်ပါတယ်။

]]> http://www.saturngod.net/knowledgebase/mmwebfonts/feed 0 ကျောင်းတွင်း ဒီမိုကရေစီ http://www.saturngod.net/knowledgebase/%e1%80%80%e1%80%bb%e1%80%b1%e1%80%ac%e1%80%84%e1%80%ba%e1%80%b8%e1%80%90%e1%80%bd%e1%80%84%e1%80%ba%e1%80%b8-%e1%80%92%e1%80%ae%e1%80%99%e1%80%ad%e1%80%af%e1%80%80%e1%80%9b%e1%80%b1%e1%80%85%e1%80%ae?utm_source=rss&utm_medium=rss&utm_campaign=%25e1%2580%2580%25e1%2580%25bb%25e1%2580%25b1%25e1%2580%25ac%25e1%2580%2584%25e1%2580%25ba%25e1%2580%25b8%25e1%2580%2590%25e1%2580%25bd%25e1%2580%2584%25e1%2580%25ba%25e1%2580%25b8-%25e1%2580%2592%25e1%2580%25ae%25e1%2580%2599%25e1%2580%25ad%25e1%2580%25af%25e1%2580%2580%25e1%2580%259b%25e1%2580%25b1%25e1%2580%2585%25e1%2580%25ae http://www.saturngod.net/knowledgebase/%e1%80%80%e1%80%bb%e1%80%b1%e1%80%ac%e1%80%84%e1%80%ba%e1%80%b8%e1%80%90%e1%80%bd%e1%80%84%e1%80%ba%e1%80%b8-%e1%80%92%e1%80%ae%e1%80%99%e1%80%ad%e1%80%af%e1%80%80%e1%80%9b%e1%80%b1%e1%80%85%e1%80%ae#comments Thu, 02 Feb 2012 13:14:20 +0000 saturngod http://www.saturngod.net/?p=4987 Continue reading →]]>

Facebook မှာ ခင်မြတ် က ဦးသန့်ရဲ့ ကျောင်းတွင်း ဒီမိုကရေစီ စာအုပ်ကို ပြန်ရိုက်ပြီး တင်ထားပေးပါတယ်။ ပြီးတော့ PDF နဲ့ share ထားတယ်။ message ပို့ပြီးတော့ epub file လုပ်ဖို့အတွက် တောင်းတော့ မူရင်း doc file ကိုပို့ပေးပါတယ်။ ဒါနဲ့ ကိုယ့်ဘာသာကိုယ် online က နေ ပုံတွေ ပြန်ရှာပြီးတော့ cover လုပ်လိုက်တယ်။ epub ပြောင်း ။ mmepub နဲ့ font epub ထည့်။ cover ထည့် လိုက်ပါတယ်။

cover

epub version ကိုတော့ ဒီမှာ download ချနိုင်ပါတယ်။

PDF ကိုတော့ ဒီမှာ ဖတ်ပြီး download original ကို နှိပ်ပြီးတော့ download လည်း ချလို့ရပါတယ်။

]]> http://www.saturngod.net/knowledgebase/%e1%80%80%e1%80%bb%e1%80%b1%e1%80%ac%e1%80%84%e1%80%ba%e1%80%b8%e1%80%90%e1%80%bd%e1%80%84%e1%80%ba%e1%80%b8-%e1%80%92%e1%80%ae%e1%80%99%e1%80%ad%e1%80%af%e1%80%80%e1%80%9b%e1%80%b1%e1%80%85%e1%80%ae/feed 4 Gardar http://www.saturngod.net/news/gardar?utm_source=rss&utm_medium=rss&utm_campaign=gardar http://www.saturngod.net/news/gardar#comments Tue, 17 Jan 2012 15:51:41 +0000 saturngod http://www.saturngod.net/?p=4968 Continue reading →]]>

ဒီ ၃ လ အတွင်း ထွေထွေထူးထူး မလုပ်ဖြစ်ပဲ ဂါထာ ကိုပဲ ပြီးအောင် ရေးနေတယ်။ ဂါထာ ဆိုတာကတော့ ရွတ်ရတဲ့ ဂါထာ မဟုတ်ပါ။ iPhone, iPad app တစ်ခုပါ။

Gardar ဆိုတာ ဘာလဲ ?

Gardar ဆိုတာကတော့ Google Reader App တစ်ခုပါ။ မြန်မာ unicode နဲ့ ဇော်ဂျီဖတ်လို့ရပါတယ်။ နောက်ပြီးတော့ ခမာ စာတွေပါ ဖတ်လို့ရအောင် ဖန်တီးပေးထားပါတယ်။ ခမာ unicode ကလည်း အခု အချိန်ထိ iOS 5 မှာ အလုပ်မလုပ်သေးပါဘူး။ ဒါကြောင့် ခမာ unicode ပါ ထည့်သွင်းပေးထားတာပါ။

ဘာလို့ Gardar ကို ရေးရတာလဲ

မြန်မာတွေ Google Reader က iPhone , iPad ကနေ ဖတ်လို့ရအောင်ပါ။ မိုးကုတ် browser နဲ့ ဖတ်လို့ရပေမယ့် ကျွန်တော် google reader ဖတ်ရင် သုံးနေရ Read It Later , Delicious , Facebook Share, Twitter Share စတာတွေက သုံး မရပါဘူး။ ဒါကြောင့် ကိုယ့်ဘာသာကိုယ် ရေးဖို့ ဆုံးဖြတ်လိုက်တာပါ။

Offline ရလား ?

အခု version မှာတော့ မရသေးပါဘူး။ ကျွန်တော် Offline ရဖို့အတွက် ၂ လ လောက် လုပ်သေးတယ်။ Offline အတွက် အရင်ကြိုးစားကြည့်တာကြောင့် တော်တော် အချိန်ကုန်သွားတယ်။ Offline က ထင်တာထက် ပိုခက်နေလို့ အခု version မှာ မထည့်ထားသေးပါဘူး။

Free version လား ?

ဟုတ်ပါတယ်။ အခု version 1.0 က free version ပါ။ ကျွန်တော် google reader ရဲ့ full functionality ကို အသုံးမပြုထားသေးပါဘူး။ နောက်ပြီးတော့ UI ကလည်း Native UI ပါပဲ။ ရှင်းရှင်းပြောရရင် ကျွန်တော် version 1.0 ကို စိတ်မကျေနပ် သေးပါဘူး။ ကျွန်တော် design ပိုင်းကို အသေးစိတ် ပြန်ပြင်ချင်တယ်။ အခု ၃ လအတွင်းမှာ development ပိုင်းကိုပဲ အာရုံစိုက်ပြီး လုပ်ထားရတော့ design ပိုင်းက လုံးဝ ကို မကောင်းဘူး။ full functionality မရသေးဘူးဆိုတာကလည်း မလိုတာကြောင့် မထည့်တာပါ။

တနည်းပြောရင် Free version တစ်ခုအဖြစ်တော့ စိတ်ကျေနပ်လောက်စရာ ရှိပါတယ်။ သို့ပေမယ့် Paid version ဆိုရင်တော့ ကျွန်တော်တောင် ဝယ်မသုံးချင်ဘူး။ အခု app က ပိုက်ဆံပေး ဝယ်သုံးရသလောက် မတန်သေးဘူးပေါ့။

Google App user တွေကော အသုံးပြုလို့ရသလား

ရပါတယ်။ Google App user တွေက 2-step verification လိုပါတယ်။ ကျွန်တော် ကိုယ်တိုင် Google App email ပဲ အသုံးပြုနေပါတယ်။ အဆင်ပြေပါတယ်။ 2-step verification ကတော့ မြန်မာနိုင်ငံအတွက် အဆင်မပြေပါဘူး။ ဘာလို့လည်းဆိုတော့ ဖုန်းနံပတ် လိုလို့ပါ။ ဒါကြောင့် မြန်မာနိုင်ငံကနေ အသုံးပြုရင်တော့ မူရင်း google account က သာ အဆင်အပြေဆုံးပါ။

ရေးသားရတဲ့ အချိန် ဘယ်လောက်ကြာသလဲ

၃ လ လောက် ကြာပါတယ်။ အစောပိုင်းမှာ ကိုယ်ပိုင် network framework လေး တစ်ခုနဲ့ ရေးဖို့ ကြိုးစားတယ်။ နောက်ပိုင်း RestKit ကိုတွေ့တော့ RestKit နဲ့ စမ်းတယ်။ နောက်ဆုံးတော့ MKNetworkKit နဲ့ မှ ငြိမ်သွားတာ။ Google Reader API ကို ဖတ်ထားတာကတော့ ၃ လ မကတော့ပါဘူး။ လုပ်မယ်ဆိုပြီး စိတ်ထဲမှန်းထားပေမယ့် အချိန် မရှိသေးတာကြောင့် API သုံးပုံ သုံးနည်းပဲ ဖတ်ထားတာပါ။ အစ ပိုင်းကတော့ နားမလည်ပေမယ့် လုပ်ရင်းလုပ်ရင်းနဲ့ သဘောပေါက် နားလည်သွားပါတယ်။

တကယ့် development အချိန်ကတော့ ၁ လောက်ပဲ ကြာတယ်လို့ ဆိုရမယ်။ စနေ တနင်္ဂနွေ ပဲ ရေးဖြစ်တာပါ။ ရုံးက ပြန်ရောက်ရင် ဘာမှ ကို မလုပ်နိုင်တော့ သလို coding လည်း မစဉ်းစားနိုင်တော့ဘူး။ ဒါကြောင့် app တစ်ခု ရေးချိန်မှာ Dhama Stream, Ornagai , OrnagaiMe တို့ကို update မလုပ်ဖြစ်ဘူး ဖြစ်သွားတယ်။ Dhama Stream မှာ ပြင်စရာလေးတွေ ကို နောက် ၂ ပတ်လောက်မှ စပြင်ဖြစ်မယ်ထင်တယ်။

ဘယ်အချိန် download ချလို့ ရမလဲ

App store ပေါ်ကိုတော့ တင်ထားပြီးပါပြီ။ နောက်အပတ်လောက်ဆိုရင် ရနိုင်လောက်ပါတယ်။ Gardar Website မှာ email signup လုပ်ထားရင် ကျွန်တော် ရတာနဲ့ အကြောင်းကြားပေးမှာပါ။

]]> http://www.saturngod.net/news/gardar/feed 1 ငါတို့နိုင်ပြီ http://www.saturngod.net/nothing/%e1%80%84%e1%80%ab%e1%80%90%e1%80%ad%e1%80%af%e1%80%b7%e1%80%94%e1%80%ad%e1%80%af%e1%80%84%e1%80%ba%e1%80%95%e1%80%bc%e1%80%ae?utm_source=rss&utm_medium=rss&utm_campaign=%25e1%2580%2584%25e1%2580%25ab%25e1%2580%2590%25e1%2580%25ad%25e1%2580%25af%25e1%2580%25b7%25e1%2580%2594%25e1%2580%25ad%25e1%2580%25af%25e1%2580%2584%25e1%2580%25ba%25e1%2580%2595%25e1%2580%25bc%25e1%2580%25ae http://www.saturngod.net/nothing/%e1%80%84%e1%80%ab%e1%80%90%e1%80%ad%e1%80%af%e1%80%b7%e1%80%94%e1%80%ad%e1%80%af%e1%80%84%e1%80%ba%e1%80%95%e1%80%bc%e1%80%ae#comments Mon, 21 Nov 2011 16:02:05 +0000 saturngod http://www.saturngod.net/?p=4902 Continue reading →]]>

ဒီနေ့ မြန်မာ နဲ့ ဗီယက်နမ် ပွဲကို မကြည့်ဖြစ်လိုက်ဘူး။ မကြည့်ဖြစ်ဘူးဆိုတာကလည်း ရုံးချိန် ဖြစ်နေလို့ ဆိုရမယ်။ မလေး နဲ့ ပွဲတိုင်းက အိမ်ရောက်ရောက်ခြင်း ဖွင့်ကြည့်ပြီး အားပေးလိုက်ပေမယ့် ရှုံးသွားခဲ့တယ်။ ဒီနေ့တော့ ရုံးချိန်မှာဆိုတော့ online ကနေ status လေး ကြည့်နေရုံပဲ။ Facebook မှာ မြန်မာ ဂိုးစသွင်းပြီးဆိုတော့ ဝမ်းသာသွားမိတာ အမှန်ပဲ။ တစ်ချိန်တစ်ခါတုန်းက မြန်မာ အသင်းပေါ် မကျေမနပ်ဖြစ်တဲ့ စိတ်တွေ ပျောက်သွားတယ်။ ပြောလည်း ခံရမှာပဲလေ။ ဘယ်လောက်ရုံးရုံး အမြဲတန်း အားပေးနေမိတာပဲ။ မှတ်မိသေးတယ်။ ငယ်ငယ်တန်းက ဗီယက်နမ် နဲ့ ပွဲမှာ အောင်ကျော်ကျော် ထုတ်ခံလိုက်ရတော့ မကျေမနပ်တွေ ဖြစ်လိုက်ရဖြစ်ခြင်း။ အဲတုန်းက ကျွန်တော် ကလေးပဲ ရှိအုံးမယ် ထင်ပါ့။ အဲဒီ ပွဲမှာ ရှုံးသွားလို့ ငိုတောင် ငိုမိတယ်။ နောက်ပိုင်း ဗီယက်နမ် နဲ့ ကန်တိုင်း မြန်မာတွေကို နိုင်စေချင်တယ်။ အဲဒီတုန်းက ခံစားချက် ရင်ထဲမှာ စွဲကျန်ခဲ့တယ်။

ငယ်ငယ်ကတည်းက ဘောလုံးကန်ရင် ဂိုးသမား နေရာပဲ လုပ်လာတော့ ရှေ့တန်း နောက်တန်း အလယ်တန်းတွေထက် ဂိုးသမားတွေကို ပိုသဘောကျတယ်။ အဲဒီ အချိန်အခါတုန်းက ဂိုးသမား အောင်ကျော်ကျော်ကို လေးစား အားကျ မိတာ အမှန်ပဲ။ အဲဒီခေတ်တုန်းက အခုခေတ်လို အင်္ဂလန်ပွဲတွေ ပြနေတာ မဟုတ်ဘူးလေ။ အောင်ကျော်ကျော် ထုတ်ခံရတုန်းက တီဗီ ရှေ့မှာ မကျေမနပ်နဲ့ ဒိုင်လူကြီးကို အားပါးတရ အော်ငိုပြီး ပြောခဲ့တာတွေ မှတ်မိသေးပါ့။ ဒီ ခံစားချက်လေးက တော်တော်နဲ့ မပျောက်သွားပဲ ဗီယက်နမ် ဆို မကျေမနပ် ဖြစ်နေဆဲပဲ။ ဗီယက်နမ် နဲ့ တွေ့လိုက်တိုင်း မြန်မာ တွေ ရှုံးပဲ ရှုံးလွန်းလို့ မကျေမနပ်တွေ ဖြစ်ခဲ့တာ အမှန်ပဲ။

အင်္ဂလိပ်စာတက်တုန်းက ဆရာက သူ ဗီယက်နမ် သွားခဲ့တုန်းက အတွေ့အကြုံ ပြောပြတယ်။ ဗီယက်နမ်တွေက ယဉ်ကျေးတယ်တဲ့။ မြန်မာ ဗီယက်နမ် ဘောလုံးပွဲ TV မှာလာလို့ ဆိုင်မှာ ဆရာထိုင်ကြည့်နေတယ်တဲ့။ ဗီယက်နမ်လည်း နိုင်သွားကော သူတို့တွေ ထ ပျော်ကြတယ်။ ခဏနေတော့ ဆရာတို့က မြန်မာက ဆိုတာ သိတော့ တိုးတိုးနေကြ။ သူတို့က မြန်မာ က ဆိုပြီး ဆိုင်ကလူတွေကို သတိပေးတယ်လို့ ဆရာပြောတာ မှတ်မှတ်ရရပဲ။

အခုတော့ နိုင်ပါပြီ။ ကျွန်တော်တို့တွေ နိုင်ပါပြီ။ နှစ်ပေါင်းများစွာ ရင်ထဲမှာ မကျေမနပ် ဖြစ်ခဲ့တာတွေ ကျေနပ်သွားရတယ်။ တစ်ခါတည်း ဗီယက်နမ်ကိုလည်း စိတ်မကောင်းပါဘူး လို့ ပြောချင်တယ်။ ရုံးကနေ ပြန်တော့ iPhone ကနေ facebook ဝင် refresh ချချပြီး result ကို စောင့်ကြည့်နေရတယ်။ Lavendar ကနေ Redhill ထိက မြေအောက်ထဲမှာ ဆိုတော့ လိုင်းက မမိဘူး။ စိတ်ကတော့ လှုပ်ရှားနေတာ အမှန်ပဲ။ Redhill ကျော်တော့ 3G မိတာနဲ့ refresh ချလိုက်တော့ ၂ ဂိုး ဖြစ်နေပြီ။ 3G က ခဏ ပျက်သွားတယ်။ ရတော့ refresh ချလိုက်တော့ ၃ ဂိုး ဖြစ်သွားတယ်။ ပျော်လိုက်တာ အရမ်းပဲဗျာ။ refresh တစ်ခါ ချလိုက်တိုင်း ၁ ဂိုး ဝင်ဝင် သွားတယ်။ bus ကားဂိတ်ကို လမ်းလျှောက်သွားရင် refresh ချလိုက်တော့ ၄ ဂိုး ဖြစ်သွားပြီ။ bus ကား လာတော့ refresh ချလိုက်တော့ ၅ ဂိုးမှာ ဖြစ်သွားလေမလား ဆိုပြီး ကြည့်လိုက်ပေမယ့် ၄ ဂိုး ၁ ဂိုးနဲ့ ပွဲပြီးသွားတယ်။ ဘာပဲ ပြောပြော ကျွန်တော်တို့တွေ နိုင်ပြီ။

အိမ်ပြန်ချိန်မှာ လမ်းလျှောက်ရတာ လေထဲမှာ လမ်းလျှောက်နေရသလိုပဲ။ ငါတို့တွေ နိုင်ပြီ။ ကြေးပေမယ့် ကျေနပ်တယ်။ နှစ်ပေါင်းများစွာ ကျွန်တော့် ရင်ထဲမှာ ခံစားနေရတာ ဒဏ်ရာ သက်သာသွားပြီ။ ငါတို့တွေ နိုင်ပြီ လို့ ထပ်ခါ တလဲလဲ ရေရွှတ်နေမိတယ်။ မြောက်ကြွမြောက်ကြွ အရသာကိုလည်း ခံစားရပြီ။ အရှေ့တောင် အာရှ ဘောလုံးပွဲမှာ တတိယလေး ရတာကို မြန်မာတွေ ပျော်နေလိုက်ကြတာဗျာ။

ဒီတစ်ခါ မြန်မာ အသင်းကို သဘောအကျဆုံးပဲ။ ဟန်ဆန်ကိုလည်း တကယ့်ကို ချီးကျူးမိပါတယ်ဗျာ။ နောက်ပြီး မြန်မာ ဘောလုံး အဖွဲ့ချုပ် အပါအဝင် ဘောလုံးသမားတွေကော နည်းပြကော အသင်းအဖွဲ့ဝင်တွေကော အားလုံးကို ကျေးဇူးလည်း အထူးတင်မိပါတယ်။

]]> http://www.saturngod.net/nothing/%e1%80%84%e1%80%ab%e1%80%90%e1%80%ad%e1%80%af%e1%80%b7%e1%80%94%e1%80%ad%e1%80%af%e1%80%84%e1%80%ba%e1%80%95%e1%80%bc%e1%80%ae/feed 4 ZG2Uni with node.js http://www.saturngod.net/nothing/zg2uni-with-node-js?utm_source=rss&utm_medium=rss&utm_campaign=zg2uni-with-node-js http://www.saturngod.net/nothing/zg2uni-with-node-js#comments Sun, 06 Nov 2011 08:04:02 +0000 saturngod http://www.saturngod.net/?p=4874 Continue reading →]]>

javascript နဲ့ ရေးထားတဲ့ zawgyi to unicode ကို node.js ပြန်ပြောင်းထားပါတယ်။ node.js နဲ့ အသုံးပြုမယ်ဆိုရင် node.js ကို သွင်းထားဖို့လိုပါတယ်။ node.js က windows မှာလည်း လွယ်လွယ် အသုံးပြုနိုင်ပါတယ်။ windows မှာ အသေးစိတ် သွင်းနည်းကိုတော့ ဒီမှာ ဖတ်ပါ။

https://github.com/saturngod/ZG2Uni_NodeJS/zipball/master ကို download ချလိုက်ပါ။ zip ကို ဖြည်လိုက်ရင် folder ထဲမှာ app.js file ကို တွေ့ပါလိမ့်မယ်။

ပြောင်းချင်တဲ့ .txt သို့မဟုတ် .sql file ကို app.js နဲ့ တစ်နေရာတည်းမှာ ထားလိုက်ပါ။ ကျွန်တော်ကတော့ yourinput.txt ဆိုပြီး နာမည်ပေးလိုက်ပါမယ်။

ပြီးရင် command ကနေ

$ node app.js yourinput.txt
0.045 seconds

output.txt ကတော့ ပြောင်းထားပြီးသား format ပါ။ .sql ဆိုရင်လည်း .sql ပြန်ပြင်ပေးရုံပါပဲ။ Node.js converter က file size အကြီးကြီးတွေကိုလည်း မြန်မြန်ဆန်ဆန် ပြောင်းပေးနိုင်ပါတယ်။

31.9 MB ကို ပြောင်းတာ 3 seconds ကျော် ပဲ ကြာပါတယ်။ ကျွန်တော် သုံးတဲ့ စက်က macbook pro core i5 2.3 GHz Memory 4 GB ပါ။ အခု version မှာတော့ HTML latin code format ဖြစ်နေတာတွေကိုတော့ မပြောင်းပေးနိုင်သေးပါဘူး။ နောက် အားရင် အချိန်ရှိတယ်ဆိုရင် ထပ်ဖြည့်ပေးသွားပါမယ်။

]]> http://www.saturngod.net/nothing/zg2uni-with-node-js/feed 7 ညမီးအိမ် သို့ http://www.saturngod.net/nothing/%e1%80%8a%e1%80%99%e1%80%ae%e1%80%b8%e1%80%a1%e1%80%ad%e1%80%99%e1%80%ba-%e1%80%9e%e1%80%ad%e1%80%af%e1%80%b7?utm_source=rss&utm_medium=rss&utm_campaign=%25e1%2580%258a%25e1%2580%2599%25e1%2580%25ae%25e1%2580%25b8%25e1%2580%25a1%25e1%2580%25ad%25e1%2580%2599%25e1%2580%25ba-%25e1%2580%259e%25e1%2580%25ad%25e1%2580%25af%25e1%2580%25b7 http://www.saturngod.net/nothing/%e1%80%8a%e1%80%99%e1%80%ae%e1%80%b8%e1%80%a1%e1%80%ad%e1%80%99%e1%80%ba-%e1%80%9e%e1%80%ad%e1%80%af%e1%80%b7#comments Thu, 22 Sep 2011 07:22:03 +0000 saturngod http://www.saturngod.net/?p=4819 Continue reading →]]>

update: ညမီးအိမ် unicode သုံးလို့ရသွားပါပြီ။ ပြဿနာက Masterpiece Uni Sans font ကို windows မှာ သွင်းထားမိလိုက်လို့ပါ။

ပြီးခဲ့တဲ့ ၂ ရက်လောက်က facebook မှာ ညမီးအိမ်က MZ ကို ပြန်လာချင်တယ်။ ခက်တာက Unicode ထက် ဇော်ဂျီကို သုံးချင်တယ်လို့ ဆိုပါတယ်။ နောက်ပြီးတော့ Unicode ကို အခုထက်ထိ မသုံးတတ်သေးဘူးလို့လည်း ဆိုလာပြန်တယ်။ သူ့လို ဘဝတူတွေ ရှိပါတယ်ဆိုတာကို သိစေချင်တယ်လို့ ရေးလာပါတယ်။

တွေ့တွေ့ချင်းပဲ ချက်ခြင်းပြန်ဖြေမလို့ ဆိုပေမယ့် ရုံးမှာ အလုပ်ချိန် ဖြစ်နေတာကြောင့် ဖြစ်သလို နောက်ပြီး ရှင်းရင်လည်း အများကြီး ရေးနေရမှာ ဆိုးတာကြောင့် post တစ်ခု အနေနဲ့ပဲ ရေးလိုက်ပါတယ်။

ညမီးအိမ် ရေ… MZ ကို မဝင်ဖြစ်တော့တာကိုတော့ သတိထားမိတယ်။ တော်တော်များများလည်း ပြန် မဝင်တာကိုလည်း တွေ့မိပါတယ်။ တကယ်တန်း​ unicode ဘာကြောင့် ပြောင်းရလဲဆိုတာကို မပြောခင် MZ ဝင်ဝင်ခြင်းမှာ

MYSTERY ZILLION တွင် English သို့မဟုတ် Unicode ဖြင့်သာ အသုံးပြုခွင့်ရှိသည်။ ဇော်ဂျီ ၊ ဧရာ စသည်တို့ကို အသုံးပြုခွင့် မရှိ။ Unicode Guide ကို ဒီမှာ Download ချပါ။

ဆိုပြီး ရေးထားတာ ကို တွေ့မှာပါ။ Unicode Guide လေးကို ချပြီး စမ်းကြည့်လိုက်ရင် အဆင်ပြေသွားမှာပါ။ ညမီးအိမ် အနေနဲ့ download ချပြီး guide book ကို သေချာ မဖတ်ဖြစ်ဘူးနဲ့ တူပါတယ်။ အဲဒီ guide book လေးက အခု ဒီစာ ရေးနေတဲ့ အချိန်မှာ အကြိမ်ပေါင်း 7772 ကြိမ် download ချပြီးပါပြီ။

Unicode သုံးဖို့က font သွင်းပြီး ကြိုက်တဲ့ keyboard သုံးရုံပဲ။ ကျွန်တော် ဆိုရင် အခုထက်ထိိ keymagic နဲ့ ဇော်ဂျီ layout ပဲ သုံးနေတာပဲ။ ဘာမှ စာရိုက်ပုံကို ပြောင်းပြီး ရိုက်နေစရာမလိုဘူး။ font လေး ထည့်လိုက်။ keymagic လေးသွင်းပြီး သုံးလိုက်ရုံပဲ။ လက်ကွက် ဇော်ဂျီ လက်ကွက် နဲ့ ရိုက်လိုက်ရုံပါပဲ။ အဲလောက်ထိ လွယ်ပါတယ်။ တကယ်လို့ သုံးထားတဲ့ စက်က windows server 2003 နဲ့ XP SP1 အောက်က version ဆိုရင်တော့ နည်းနည်း ပြဿနာ ဖြစ်နိုင်ပါတယ်။ XP SP1 နောက်ပိုင်း တွေမှာတော့ အဆင်ပြေပါတယ်။ သို့ပေမယ့် အခု တော်တော်များများက vista နဲ့ win 7 ပဲ သုံးနေတယ်လို့ ထင်ပါတယ်။ ဒါကြောင့် သွင်းရတာ ခက်ခဲလှတယ်မဟုတ်ပါဘူး။ server 2003 မှာတော့ နည်းနည်း ပြဿနာ လေးတွေ ရှိတာတွေ ကြားရပါတယ်။ Android နဲ့လည်း မရသေးပါဘူး။ ဒါကြောင့် android ဖုန်း အသုံးပြုတဲ့ သူတွေ အတွက် အဆင်မပြေသေးဘူးပေါ့။ Android က မြန်မာ unicode တစ်ခုတည်း ပြဿနာ ဖြစ်နေတာ မဟုတ်ပါဘူး။ အခြား language တွေမှာလည်း အလားတူ ပြဿနာ ဖြစ်နေပါတယ်။

အခုတော့ ကျွန်တော် ဘာကြောင့် unicode ပြောင်းရသလဲ ဆိုတာကို ရှင်းပြပါရစေ။ အရင်တုန်းက ဇော်ဂျီ သုံးနေရင်းနဲ့ တဖြည်းဖြည်း MZ ရဲ့ database size က 400 MB ကျော်လာတယ်ဗျ။ unicode က 5.2 မှာ တော်တော် stable ဖြစ်သွားတဲ့ အဆင့်လို့ ဆိုရမယ်။ ICU မှာလည်း မြန်မာစာ sorting support လုပ်နေပြီ။ တနည်းပြောရင် အဆင့် တစ်ဆင့်တော့ ရောက်နေပြီပေါ့ဗျာ။ အဲဒီအချိန်တုန်းက တွေးဖူးတယ်။ နောက် ၂ နှစ်လောက်ဆိုရင်တော့ OS တော်တော်များများမှာ မြန်မာ unicode အဆင်သင့် ပါလာ လောက်တော့မယ်လို့ ပြောလည်း ပြောခဲ့ဘူးပါတယ်။ ကျွန်တော် တွေးထင်တဲ့ ၂ နှစ်တောင် မကြာလိုက်ပဲ Mac OS X lion မှာ စပါလာတယ်။ အဲတုန်းကလည်း Windows မှာ မပါသေးတော့ သိပ်ပြီး ထူးခြားမှာ မဟုတ်ဘူးလို့ ဆိုကြပြန်ကော။ အခုတော့ Windows 8 မှာပါ ပါလာပြီ။ ကျွန်တော့် အနေနဲ့ အဲဒီ အချိန်မှ unicode ပြောင်းမယ်ဆိုရင် file size က 1 GB လောက် ဖြစ်သွားမယ်။ ကျွန်တော် php နဲ့ ရေးထားတဲ့ converter နဲ့ ပြောင်းတာ 400 MB လောက်ကို နာရီ ဝက်လောက် ကြာတယ်။ စာလုံးတွေ ပြန်စစ် မှားတာတွေကို code မှာ ပြန်ပြင် ပြန် run ။ အဲလို လုပ်ရတာ။ တနည်းပြောရင် ၁ ည လောက် အချိန် ကုန်သွားတယ်ပေါ့။ 1 GB လောက်ဆိုရင် convert လုပ်ဖို့ အချိန် တော်တော် စောင့်ရမှာ အမှန်ပဲဗျ။

နောက်တချက်က စာ ရှာတဲ့ အခါမှာ အဆင်ပြေအောင်ပါ။ MZ မှာ မေးပြီးသား မေးခွန်းတွေ ပြန်ပြန် မေးနေတာ တွေ့ရတယ်။ ဒီ မေးခွန်း တွေ့ဘူးတာပါတယ် ဆိုပြီး search လုပ် မတွေ့။ နောက်ပြီး google မှာ ပြန်ရှာ။ တွေ့တော့ တွေ့ပေမယ့် ရရစ် သုံးတာတွေ မတူတော့ search results က တိကျမှု မရှိဘူးပေါ့။ အဲဒီ ပြဿနာလေးတွေကို unicode နဲ့ လွယ်လွယ် ရှင်းလို့ရတယ်။ ဒီ အကြောင်းတွေတော့ ညမီးအိမ် သိပြီးပါပြီ။

keyboard မသွင်းချင်ဘူး။ font မသွင်းချင်ဘူးဆိုတဲ့ သူတွေ။ ခဏ စောင့်ပါ။ font ကတော့ embed လုပ်ထားပြီးပြီ။ keyboard မသွင်းပဲ ရိုက်လို့ရအောင် keymagic ကို text box မှာ ထည့်သွင်းပေးသွားမှာပါ။ အဲဒါဆိုရင်တော့ keyboard မရှိလို့ font မရှိလို့ မရိုက်တတ်လို့ ဆိုပြီး မဖြစ်တော့ဘူးပေါ့။ keymagic embed က ဘယ်လို လဲဆိုရင် အခု ကျွန်တော့် blog မှာ သုံးထားတဲ့ dr.carbon ရဲ့ plugin ပါပဲ။ comment နေရာမှာ မြင်ရပါလိမ့်မယ်။ အဲဒါလေးကို mz မှာ ထည့်ပေးဖို့ လုပ်နေပါတယ်။ ဒီ အပတ်အတွင်း ကျွန်တော် ထည့်နိုင်အောင် ကြိုးစားကြည့်ပါမယ်ဗျာ။

အခု လက်တလော အတွက် keymagic နဲ့ စမ်းကြည့်ပါ။ မရရင် ကျွန်တော့်ကို ဆက်သွယ်ပါ။ ညမီးအိမ် အပါအဝင် အခြားလူတွေကို MZ ကို ပြန်လာစေချင်ပါတယ်။ unicode ကြောင့် မလာဘူးဆိုတာမျိုးတော့ မဖြစ်စေချင်ဘူး။ တချိန်က win ကနေ ဇော်ဂျီ ပြောင်းလဲခဲ့သလို အခု ဇော်ဂျီ ကနေ unicode ကို ပြောင်းလဲနေပါပြီ။ တဖြည်းဖြည်း ပြောင်းလဲနေတဲ့ အဆင့်လေးကို တချက်လောက် လက်ခံပြီး unicode ကို သုံးကြည့်ပါ။ နောင်တချိန် windows 8 မှာ မြန်မာစာ အတွက် သီးသန့် မထည့်ပဲ မြန်မာ လို ဖတ်လို့ရတော့မယ်။ တခြားနိုင်ငံမှာ library တွေကနေ တဆင့် မြန်မာစာကို ဖတ်လို့ရလိမ့်မယ်။ ဇော်ဂျီ သုံး ခဲ့တုန်းကလို library မှာ font သွင်းခွင့်မရှိလို့ စာဖတ် မရတာတွေ မရှိတော့ဘူးပေါ့။ ဒီလို အကျိုးလေးတွေ ဖြစ်လာမယ်ဆိုတာကို ကျွန်တော်တို့ မြင်လို့ ကျွန်တော် MZ ကို ကိုလူပျိုကြီး နဲ့ တိုင်ပင်ခဲ့သလို မပြောင်းခင်မှာလည်း ကြေငြာခဲ့ပါတယ်။ ပြောင်းပြီးတော့လည်း စာတွေ စုစည်းပြီး guide book လုပ်ပေးခဲ့ပါတယ်။ ကျွန်တော်တို့ နောက်မျိုးဆက်တွေက ကျွန်တော်တို့ ထက် ပို ကံကောင်းပါတယ်။ သူတို့တွေ computer မှာ မြန်မာစာ မမြင်ရဘူးဆိုတဲ့ ပြဿနာတွေ မရှိတော့ဘူးပေါ့ဗျာ။ မြန်မာစာ အတွက် font သီးသန့် သွင်းရမယ်ဆိုတဲ့ အတွေးတွေ ထုတ်လိုက်လို့ရပြီပေါ့။ အင်း keyboard ကတော့ ပြဿနာ နည်းနည်း ရှိသေးတယ်။ လက်ရှိ windows 8 က keyboard က သဝေထိုးကို နောက်ကနေ ရေးရနေတုန်းပဲ။ ကျွန်တော်ကတော့ keymagic နဲ့ mac os မှာ သုံးနေပါတယ်။ ကျွန်တော် unicode အဆင်ပြေသလို ညမီးအိမ် အပါအဝင် အခြား သူတွေကိုလည်း အဆင်ပြေစေချင်ပါတယ်။ unicode guide လေးကို အားရင် တချက်လောက် download ချကြည့်ပါ။ သွင်းကြည့်ပါ။ စမ်းကြည့်ပါ။ အခက်အခဲတွေရှိရင် မေးပါ။ အဆင်ပြေသွားမှာပါ။ ဒီနေ့ စလိုက်ရင်ပဲ ခရီးတဝက်ရောက်နေပါပြီဗျာ။

]]> http://www.saturngod.net/nothing/%e1%80%8a%e1%80%99%e1%80%ae%e1%80%b8%e1%80%a1%e1%80%ad%e1%80%99%e1%80%ba-%e1%80%9e%e1%80%ad%e1%80%af%e1%80%b7/feed 22 Windows 8 Screenshot http://www.saturngod.net/news/windows-8-screenshot?utm_source=rss&utm_medium=rss&utm_campaign=windows-8-screenshot http://www.saturngod.net/news/windows-8-screenshot#comments Thu, 15 Sep 2011 10:06:56 +0000 saturngod http://www.saturngod.net/?p=4810 Continue reading →]]>

Keymagic ကတော့ အလုပ်မလုပ်တော့ဘူး။ Keymagic developer Dr.Carbon ကို တော့ ပြောထားတယ်။ Notepad မှာတော့ မြန်မာစာ ကို အလိုလို သိတယ်။ သို့ပေမယ့် IE မှာတော့ မသိသေးဘူး ။ နောက်ပြီး folder sorting ကလည်း အလုပ်မလုပ်သေးပါဘူး။ အခုက preview version ဖြစ်သေးလို့ အပြည့်အဝ အလုပ်မလုပ်သေးတာလို့ ထင်တာပဲ။ Firefox မှာဆိုရင် font သွင်းစရာမလိုပဲ မြန်မာစာတွေကို ဖတ်လို့ရပါတယ်။ သို့ပေမယ့် IE မှာတော့ မရပါ။ ပုံတွေကိုတော့ အောက်မှာ ကြည့်နိုင်ပါတယ်။

update: Keymagic အတွက် http://www.microsoft.com/download/en/details.aspx?displaylang=en&id=29 ကို သွင်းပေးလိုက်ရင် အလုပ်လုပ်သွားပါလိမ့်မယ်။

]]> http://www.saturngod.net/news/windows-8-screenshot/feed 12 Zawgyi with Lion http://www.saturngod.net/knowledgebase/zawgyi-with-lion?utm_source=rss&utm_medium=rss&utm_campaign=zawgyi-with-lion http://www.saturngod.net/knowledgebase/zawgyi-with-lion#comments Fri, 29 Jul 2011 16:51:09 +0000 saturngod http://www.saturngod.net/?p=4711 Continue reading →]]>

အခုတလော comment တွေမှာ Lion မှာ ဇော်ဂျီ မပေါ်တော့ဘူးဆိုတာပဲ ပြောနေတယ်။ Lion မှာ မြန်မာ Unicode ပါလာမယ်ဆိုတာကို ကျွန်တော် ဒီ post ကတည်းက ပြောဖူးပါတယ်။ ပါလာတဲ့ font ၂ ခုက Myanmar MN နဲ့ Myanmar Sangam MN တို့ပါ။ Unicode မကြိုက်ဘူးဆိုရင်တော့ Font Book ထဲကနေ တဆင့် အလွယ်တကူ turn off လုပ်လိုက်လို့ရပါတယ်။ ကျွန်တော်ကတော့ Turn Off လုပ်ထားတယ်။ ကျွန်တော်က MasterPiece Unis နဲ့ Myanmar 3 ကို ပိုသဘောကျပါတယ်။ လက်ရှိ ပါလာတဲ့ Unicode Font ၂ ခုက စာလုံး အချို့ ပေါ်တာတွေ လွဲနေပါသေးတယ်။

Unicode ကော ဇော်ဂျီပါ တွဲသုံးချင်တယ်ဆိုရင်တော့

Chrome : http://bit.ly/o40q91
Safari : http://bit.ly/pVSRF5
Firefox : http://bit.ly/qUnn58

OS ထဲမှာ ပြောင်းသုံးချင်ပါတယ်ဆိုရင်တော့ ကျွန်တော် အပေါ်မှာ ပြောခဲ့တဲ့ font တွေ ဖြုတ်ထားလိုက်ပေါ့ဗျာ။ သို့ပေမယ့် ကျွန်တော်တို့ဟာ Apple ကနေ ပြောင်းခွင့်ပေးထားတဲ့ မြန်မာလို နေ့စွဲတွေ ရက်စွဲတွေ နံပတ်တွေ သုံးခွင့်ရတော့မှာ မဟုတ်ဘူး။ တကယ်လို့ ကိုယ့် OS မှာ မြန်မာလို မြင်ချင်ရင်တော့ Unicode font တစ်ခု မဖြစ်မနေ ထည့်ထားဖို့လိုပါတယ်ဗျာ။

]]> http://www.saturngod.net/knowledgebase/zawgyi-with-lion/feed 17 Discussion on Facebook http://www.saturngod.net/nothing/discussion-on-facebook?utm_source=rss&utm_medium=rss&utm_campaign=discussion-on-facebook http://www.saturngod.net/nothing/discussion-on-facebook#comments Fri, 29 Jul 2011 11:42:22 +0000 saturngod http://www.saturngod.net/?p=4708 Continue reading →]]>

Facebook မှာ ကို Zack ၊ ကို သီဟ တို့နဲ့ ဘောလုံးပွဲ အကြောင်းပြော ဖြစ်တာလေး ပြန်ပြီး စုစည်းပြီး blog မှာ တင်ထားတာပါ။

Zack : မြန်မာလူမျိုးတွေ နိုင်ငံတကာ ဘောပွဲ အရမ်း ကြည့်ချင်နေတယ်ဆိုတာကတော့ အသေအချာပဲ ဒီ movie ကိုကြည့်ပါ။ လူစုလူဝေးနေရ ထိုင်ရသွားရစားရတာတွေမှာ အလေ့အကျင့် မရှိတဲ့ မြန်မာတွေ အတွက်တော့ ပြသနာပေါ့။ ပြောမယ်ဆိုရင်တော့ educated ဖြစ်ဖို့လိုတယ်ဆိုပေမယ့် ခုလိုလာကြည့်ကြတဲ့ သူအတော်တော်များများရဲ့ နေ့စဉ်ဘဝတွေက စားဝတ်နေရေးတွေနဲ့ လုံးပန်းနေရမှာ သေချာတယ်။ လွတ်လပ်စွာပြောဆိုခွင့်မရှိသေးတ ဲ့ တိုင်းပြည်မှာ ကွင်းထဲလူစုမိတော့မှ တဘက်အသင်းကို -ီးပဲဆိုပြီး ဆဲနေတာတွေကလဲ ဘယ်သူကို အပြစ်တင်ရမလဲ

Myanmar VS Oman Soccer Match Interrupted by Crowd with Violence!! HD from Htoo Tay Zar on Vimeo.

Hooligans made ugly World cup qualifer, Myanmar Vs Oman from Hpone Myint Khaing on Vimeo.

SG: ကျွန်တော်ကတော့ ကိုယ့်လူမျိုးကို စိတ်ညစ်စရာလို့ မမြင်ပဲနဲ့ ကျွန်တော် တို့ မျိုးဆက်တွေ နောက်မျိုးဆက်တွေမှာ ဒီလိုမျိုး မဖြစ်အောင် ကိုယ့်ပတ်ဝန်းကျင်ကို ကိုယ်တတ်နိုင်သလောက် educate လုပ်ပေးဖို့ လိုတယ်။ ပညာတတ်တာ မတတ်တာ ထက် ယဉ်ကျေးလာအောင် ကိုယ်တိုင် စံ နမှုနာ အနေနဲ့ နေထိုင်အောင် ကြိုးစားပြဖို့ လိုတယ်။ ဒီလို လုပ်တာတွေ မကောင်းဘူးဆိုတာ နားလည်အောင် ပညာပေး စည်းရုံးမှုတွေ လုပ်ရမယ်။ ကလေးတွေကို မဆဲ နဲ့ ဆိုပြီး လူကြီးတွေက ကလေးတွေ ရှေ့မှာ ဆဲပြနေရင် ဆဲမှာပါ။ ဆဲတာ မကောင်းဘူး ဘာကြောင့် မကောင်းတာလဲဆိုတာကို အခြေခံ အချက်ကျကျ ပြန်ရှင်းပြဖို့ လိုတယ်။ အရင်ဆုံးဗျာ .. ကျွန်တော်တို့ မျိုးဆက်တွေက ဖြစ်တယ်ဆိုရင် ကျွန်တော် အပါအဝင် ပညာပေးစည်းရုံးမှုတွေ အားနည်းသေးလို့ educate မဖြစ်တဲ့လူတွေကို ပြောရဆိုရခက်တယ်။ နားမလည်တဲ့ ကောင်တွေဆိုပြီး လွှတ်ထားလိုက်လို့ ။ ဘီယာ သောက်တာထက် မူးပြီး ဆဲတာကို ဝိုင်းပြီး အပြစ်မပြော မတားတတ်ကြတဲ့ ကျွန်တော်တို့ မျိုးဆက် အပြစ်တွေလည်း ပါတာပေါ့ဗျာ။ ပြောရင်တော့ အများကြီးပဲ။ ကျွန်တော်တို့ ကိုယ်တိုင် ကိုယ့်ပတ်ဝန်းကျင်မှာ စံပြ အနေနဲ့ အရင်ဆုံး နေနိုင်အောင် ကြိုးစားဖို့ လိုတယ်

TH : ကျွန်တော် ဘောလုံးပွဲ တစ်ပွဲသွားကြည့်ဖူးတယ်ဗျ အဲဒီမှာ အဘကြီး တစ်ယောက် အသားကုန် ထိုင်ဆဲနေတာ ကျွန်တော် ဘေးမှာ မိုးမွန်နေတာပဲ အဲဒါနဲ့ ကျွန်တော်လဲ ဘောလုံးပွဲတစ်ပွဲနားတော့ အနားကပ်ပြီး မေးကြည့်တယ် အဘ ဒီလောက်ဆဲနေတာ ဘောလုံးသမားတွေ တော်တော်မုန်းပုံပဲ ဆိုတော့ မဟုတ်ပါဘူးကွာတဲ့ အိမ်က မိန်းမကြီးကို ဆဲချင်သမျှ ဒီမှာ လာဆဲနေတာတဲ့

SG: ကျွန်တော်တို့ နိုင်ငံမှာ အဲဒီ ဘကြီးလိုလူမျိုးတွေ အများကြီးပဲ .. ပညာရပ်တစ်ခုကို ကျွမ်းကျင်အောင် မသင်ပဲနဲ့ အဲဒီ ပညာရပ် နဲ့ ရပ်တည်နိုင်မှာ မဟုတ်ဘူး.. အဲဒါကို သူသင်တာ မကောင်းလို့ ဘယ်သူ့ကြောင့် ဘဝကြောင့် ဆိုပြီး အပြစ်တင်နေကြတာတွေ အများကြီး .. အဓိက ကျွန်တော်တို့တွေ အရှိတရားကို ရင်ဆိုင်တတ်အောင် ကြိုးစားရအုံးမယ်.. ခဏခဏ ရှုံးရလွန်းလို့ အရှုံးကို ရင်မဆိုင်ရဲလို့ စိတ်ထွက်ပျောက်ရှာတယ်ဆိုရင် တော့ မှားနေပြီ။

အဘကြီး အနေနဲ့ အိမ်က မိန်းမကို မကျေနပ်ရင် အရက်ဆိုင်မှာ အရက်သောက်ပြီး တစ်ယောက်တည်း သွားဆဲလို့ ရတယ်။ ဒီထက် ကောင်းတဲ့ နည်းက အားကစားကွင်းမှာ ရဟတ်တွေ ဘာတွေ သွားစီးပြီးတော့ အားပါးတရ အော်ပြီး စိတ်ထွက်ပေါက် လုပ်လို့ရတယ်။ ကောင်းမွန်တဲ့ စိတ်ထွက်ပေါက်နည်းတွေကို သိလာအောင် ကျွန်တော်တို့တွေ educate လုပ်ပေးဖို့လိုတယ်။ ဘောလုံးပွဲက စိတ်ထွက်ပေါက်လုပ်တဲ့ နေရာ မဟုတ်ဘူး လို့ ကျွန်တော် ယူဆတယ်။ အပန်းဖြေတာနဲ့ စိတ်ထွက်ပေါက်လုပ်တာ မတူဘူးလို့ ကျွန်တော် ယူဆထားတယ်။

TH: အများစုက အဲဒီလို စိတ်ထွက်ပေါက်အနေနဲ့ ကြည့်တဲ့သူတွေ များနေတယ် ဘောလုံးပွဲတင်မဟုတ်ဘူးဗျ … စတိတ်ရှိုးကြည့်လဲ အဲဒီလိုပဲ ငါတို့ ဘောလုံးပွဲသွားကြည့်ကြမယ်ဟေ ့ ငါတို့ စတိတ်ရှိုးသွားကြည့်ကြမယ်ဟေ့ ဘယ်အချိန်မှာ လူစုကြမယ် ပြီးရင် တင်ကြမယ် (တင်ကြမယ်ဆိုတာ အရက်သောက်ကြမယ်လို့ ပြောတာ) ဟေ့ဆိုပြီး သွားကြည့်ကြတာဗျ

အင်း .. အဲဒါကြောင့် ကျွန်တော်တို့တွေ educate ဖြစ်အောင် ဒီထက် ပိုကြိုးစားဖို့ လိုသေးတယ်.. ပတ်ဝန်းကျင်မှာလည်း စံပြ နမှုနာ လူမျိုးတွေ ကိုယ်အထင်ကြီး လေးစားရမယ့် လူတွေ ရှားလာတဲ့ အခါမှာ ပတ်ဝန်းကျင်က လူတွေ အတိုင်း ကူးစက်ကုန်မှာပဲ …

ဥပမာဗျာ။။ ကျွန်တော် သိတဲ့ ပတ်ဝန်းကျင်က Morris တို့ K တို့ စတဲ့ လူတွေ မပါဘူးဗျ။ တနည်းပြောရင် ပတ်ဝန်းကျင် က နေ တဖြည်းဖြည်း educate လုပ်ရမယ်။ ဒီလိုမျိုး educate လုပ်ပြီး ကောင်းမွန်တဲ့ Civilization တစ်ခုကို တည်ထောင်ရမယ်။ ဒါမှမဟုတ် ဘယ်သူအုပ်ချုပ် အုပ်ချုပ် ဒီလိုပဲ ဖြစ်လာမှာ

TH: ကျွန်တော် သွားကြည့်တော့လဲ စိတ်ထွက်ပေါက် အနေနဲ့ သွားကြည့်တာပါပဲ ဂိုးဝင်သွားရင် ဟေးး ….. ဆိုပြီး အော်ရတာ … ရှုံးသွားတဲ့ အခါ အားမလိုအားမရ ဖြစ်တာ … စိတ်ရှိလက်ရှိ အော်ခွင့်ရတာ အဲဒါတွေ ကြိုက်လို့ သွားကြည့်တာဗျ … ဆဲတာ မဆဲတာ၊ ခဲနဲ့ ပေါက်တာ မပေါက်တာကတော့ လူတစ်ယောက်ခြင်းစီရဲ့ ခံယူချက်နဲ့ ဆိုင်မယ်ဗျ …ဒါပေမယ့် အဲဒီလို ဘောလုံးပွဲဆိုတာ ဘယ်လို ထွက်ပေါက်သုံးပါလို့ သွားပြောလို့ ရတာမှ မဟုတ်တာ .. ဒီအပေါ်မှာ စည်းကမ်းနဲ့ပဲ ကိုင်တွယ်ရမယ် ထင်တယ်ဗျ

SG: ဆဲတာ မဆဲတာ ကို တားပိုင် ခွင့်မရှိဘူး။ ဒါပေမယ့် ခဲ နဲ့ ပေါက်တာ မပေါက်တာ ကတော့ စည်းကမ်း အရ တားပိုင်ခွင့်ရှိတယ်။ တနည်းပြောရင် လုံခြုံရေး တိုးမြှင့်ထားရင် မကြိုက်သလို လုံခြံုရေး မရှိပြန်တော့လည်း မဖြစ်ပြန်ဘူး။ ဒါကြောင့် ကျွန်တော်က ကိုယ့် အချင်းချင်း ထိန်းကျောင်းနိုင်အောင် ကြိုးစားပြီး စည်းကမ်း ရိိှရှိ လေး အားပေးတတ်လာအောင် ကြိုးစားဖို့ လိုတယ်။

အစ်ကိုပြောသလိုပဲ စည်းကမ်း ပိုင်းတွေမှာ ပြင်ဆင်သင့်တာတွေလည်း ရှိတာပေါ့။ နောက်ပြီး မူးနေတဲ့ လူကို ဒီအတိုင်း သွားပြောရင် ပိုဆိုးလာမှာကလည်း ရှိသေးတယ်။ သူတို့ ပိုမိုက်မှပဲ သူ့ကို ထိန်းလို့ ရမှာ။ သူ့လောက် မမိုက်ရဲရင်တော့ မူးနေတဲ့ သူကို အေးအေးဆေးဆေး သွားပြော တောင်းပန်နေရင် ပိုဆိုးလာရုံပဲ ရှိမယ်လို့ ထင်တယ်

TH: Super Like ကိုစေတန်

Zack: အမှန်တွေကြီးပဲ ကြိုက်တယ်ဗျာ …. :D

ဟုတ်တယ်ကိုသီဟ ဒါဟာကိုယ်အဆင့်အတန်း အရည်အချင်းပေါ်မူတည်ပြီး ကိုယ်စိတ်ထွက်ပေါက်ကိုရှာခြ င်းပဲ ဒါကြောင့်စေတန်ကပြောတာ educated ဖြစ်အောင်လုပ်ကြမယ်လို့

ကျွန်တော်ဝင်ပြောချင်တာက အခြေခံစားဝတ်နေရေးမှ မချောင်လည်ရင် educated ဖြစ်အောင်လုပ်ဖို့ အချိန်ဆိုတာ မလွယ်ဘူးဗျ။ educate ဖြစ်နေတဲ့ အသိုင်းအဝိုင်းထဲလဲ မဝင်ရဲဘူး။

စလုံးမှာ ဆိုရင် ကျောင်းနေရမယ့် အရွယ်ကလေးတိုင်း စာသင်ကျောင်းမှာရှိတယ်။ ကျွန်တော်တို့ဆီမှာက ဘူတာမှာ၊ ကားဂိတ်မှာ၊ လမ်းဘေးမှာ အများကြီးပဲ

တနိုင်ငံလုံးအတိုင်းအတာနဲ့ educated ဖြစ်အောင်လုပ်နိုင် ဖို့ဆိုတာ မလွယ်ဘူး

TH: ကျွန်တော်တို့မှာ အဲဒီလို လူတွေ အများကြီး ရှိပါသေးတယ် ။ လူတိုင်းကို educated ဖြစ်အောင် လုပ်ဖို့ဆိုတာ မလွယ်ပေမယ့် ကိုစေတန် ပြောသလို ကျွန်တော်တို့မှာ တစ်ခြားသူတွေ အများကြီး ရှိပါသေးတယ်။ လူတိုင်းကို လိုက် Educated လုပ်ဖို့ မတတ်နိုင်ပေမယ့် ကိုယ့်လူ တစ်စုစာတော့ တတ်နိုင်ပါတယ်။ ဒါပေမယ့် အဲဒီ လူတစ်စုက လူအများကြီးထက် အပြောင်းအလဲတွေ သယ်ဆောင်လာနိုင်ပါတယ်။ ဆီလီကွန်ဗယ်လီ ဖြစ်ဖို့ အိန္ဒိယတိုက်က လူတိုင်းမလိုပါဘူး၊ လူတစ်စုသာ လိုပါတယ်။

Zack: good point >> ဆီလီကွန်ဗယ်လီ ဖြစ်ဖို့ အိန္ဒိယတိုက်က လူတိုင်းမလိုပါဘူး၊ လူတစ်စုသာ လိုပါတယ်။ :D like it

SG: အစ်ကိုပြောတဲ့ ပညာရေးကတော့ အခြေခံ အကျဆုံး အချက်ပေါ့ဗျာ။ လက်ဖက်ရည်ဆိုင်မှာ စားပွဲထိုး ကောင်လေးတွေကို ဆဲနေတာတွေ့ရင် ကျွန်တော်တို့တွေ ဒီအတိုင်း ထိုင်နေတတ်ကြတယ်။ အဲဒီလို ကလေးတွေ ကြီးပြီးလာရင်လည်း ဆဲမှာပဲ။ ကြမ်းမှာပဲလို့ ကျွန်တော်ထင်တယ်။ ကျွန်တော်တို့ ကိုယ်တိုင် ကိုယ်နဲ့ မဆိုင်ရင် ဝင်မပါပဲ နေလာကြတာတွေ များနေပြီ။ ကိုယ့်ပတ်ဝန်းကျင်ကို လည်း အရမ်းလျစ်လျူရှုမိတာ များနေပြီနဲ့တူတယ်။

အကုန်လုံးကို educated ဖြစ်အောင် လုပ်ဖို့ မတတ်နိုင်ပေမယ့် ကိုယ့်ပတ်ဝန်းကျင်ကိုတော့ educated ဖြစ်အောင် စကြိုးစားရမယ်။ ချမ်းသာတိုင်း educated ဖြစ်တာ မဟုတ်ဘူးဆိုတာကိုတော့ နားလည်ထားပြီးသားပါ။ ယဉ်ကျေးတာ မယဉ်ကျေးတာက ချမ်းသာခြင်း ဆင်းရဲ ခြင်းနဲ့ မဆိုင်ဘူး။ ပတ်ဝန်းကျင်နဲ့ ပဲ ဆိုင်တယ်လို့ ကျွန်တော် ယုံကြည်တယ်။

TH: နောက်ဆိုးတာ တစ်ခုက ကျွန်တော်တို့ မြန်မာတွေရဲ့ စိတ်ဓာတ်မှာ နိုင်ပဲနိုင်လိုကြတယ်ဗျ အရှုံးကို လက်မခံလိုကြဘူး အဲဒီ အရှုံးတစ်ခု ဖြစ်လာပြီဆိုရင် သင်ခန်းစာထုတ်ဖို့ထက် ဖျက်ပစ်ဖို့ပဲ လုပ်ကြတော့တယ်၊ ဘောလုံးအသင်းရှုံးပြီဆိုတာနဲ ့ နည်းပြကိုထုတ် ပြန်ဖွဲ့ Downward Spiral ထဲမှာပဲ လည်နေတော့တယ် …

ပွဲကြည့်ပရိသတ်ကလဲ မရှုံးလို ဘောလုံးအသင်းကလဲ မရှုံးလို အားလုံးက မရှုံးလိုကြပဲ အရှုံးက သင်ရမယ့် သင်ခန်းစာတွေကို အဆုံးရှုံးခံပြီး တွင်းဆုံးကျအောင် ရှုံးနေကြတယ်

နောက် ဘောလုံး ဆိုက်ကိုထဲမှာ မြန်မာဆိုတာကြီးကို ဆွဲဆွဲထည့်နေတာ သိပ်တော့ ဘဝင်မကျဘူးဗျ။ ဘောလုံးက မြန်မာလောက် မကြီးတာ သေချာပါတယ်

SG: အမြဲရှုံးနေကျဆိုတော့ အရှုံးကို ရင်မဆိုင်ချင်တော့ဘူး။ ခက်တာက ဘာကြောင့် အမြဲရှုံးရလဲဆိုရင် ဟိုလူ့လက်ညှိုးထိုး ဒီလူ့လက်ညိုး ထိုးတာက အကျင့်ဖြစ်နေပြီ။ ပြဿနာကို ကျွန်တော်တို့တွေ ရင်ဆိုင်ရဲအောင် တာဝန်ယူတတ်ရဲ အောင် လုပ်ဖို့ လိုတယ်။

ဒါက ဘောလုံးတစ်ခုထဲမှာ မဟုတ်ဘူး။ နေရာတိုင်းမှာ မိမိတာဝန် မိမိယူရဲ တဲ့ စိတ်ရှိအောင် မွေးရအုံးမယ်။ အပြောလွယ်ပေမယ့် အလုပ်ခက်တဲ့ စိတ်ဆိုလည်း မမှားပါဘူးဗျာ။ ကိုယ့်တာဝန် ကိုယ်ယူရဲအောင် အရှုံးကနေ သင်ခန်းစာ ယူတတ်အောင် ကျွန်တော်တို့တွေ ကြိုးစားရမယ်။ ဒီသံသရာကြီးက ကျွန်တော် လူမှန်း သိကတည်းက လည်နေတာ အခုထက်ထိ မရပ်သေးဘူး။ ဘာကြောင့် မရပ်သလဲဆိုတာကို ကျွန်တော် တို့ အဖြေ မရှာပဲ လက်ညိုးထိုးပြီး သံသရာကြီးလည်ပတ်အောင် မောင်းနှင်နေသလို ဖြစ်နေတယ်ဗျာ

TH: ဘာကြောင့် မရပ်သလဲဆိုရင် ကျွန်တော်တို့ကြောင့်ပဲဗျ ဟားဟား

SG: ဒါကြောင့် ရပ်သွားအောင် ကိုယ့်ပတ်ဝန်းကျင်ကို အရင်ဆုံး ကောင်းမွန်လာအောင် ကြိုးစားဖို့လိုတာပေါ့ဗျ။

ငယ်ငယ်က ကျောင်းအုပ်ဆရာကြီး ဦးကျော်ကျော် ပြောတဲ့ မိန့်ခွန်း အခု ထက်ထိ သဘောကျနေတုန်းပဲ။

မိမိကိုယ်ကိုယ်ကြိုးစားပါ။ မိမိ အိမ်အတွက် ကြိုးစားပါ။ မိမိ ပတ်ဝန်းကျင်အတွက် ကြိုးစားပါ။ မိမိ ရပ်ကွက်အတွက် ကြိုးစားပါ။ မိမိ မြို့နယ်အတွက်ကြိုးစားပါ။ အဲလို အဆင့်ဆင့် နဲ့မှ နောက်ဆုံး တိုင်းပြည်အတွက် ကြိုးစားကြပါလို့ ဆရာကြီးပြောသွားတယ်။

ကိုယ်မကောင်းပဲနဲ့ တခြားအရာတွေကို ကောင်းအောင် ကြိုးစားဖို့ ခက်တယ်ဗျ။ ဒါကြောင့် ကျွန်တော်တို့ ကိုယ်တိုင် ဒီ ဖြစ်ပျက်နေတဲ့ သံသရာ ထဲက ထွက်အောင် လုပ်ဖို့လိုတယ်။ ပြီးမှ ကိုယ့်မိသားစု ပတ်ဝန်းကျင်ကို educated ဖြစ်အောင် လုပ်ပေးပြီး ဒီ သံသရာကြီး မလည်ပတ်တော့တဲ့ ယဉ်ကျေးမှု တစ်ခုရောက်အောင် မောင်းနှင်ဖို့ လိုအပ်တယ်။

TH: ကျွန်တော်ကတော့ ကျွန်တော်တို့ လုပ်နိုင်မယ်လို့ ယုံကြည်တယ်ဗျ ဆက်ကစ်ကြတာပေါ့ဗျာ

SG: ကျွန်တော်လည်း ကိုယ့်ကိုယ်ကို ယုံကြည်မှု အပြည့်ရှိတယ်ဗျ။ တစ်နိုင်ငံလုံး အတိုင်းအတာထက် ကျွန်တော့် ပတ်ဝန်းကျင်ကိုတော့ ကောင်းမွန်လာအောင် ကျွန်တော် ကြိုးစားနိုင်မယ်လို့ ကိုယ့်ကိုယ်ကို ယုံကြည်မှု အပြည့်ရှိတယ်။

ဘာပဲပြောပြော ဒီလို ဆွေးနွေးခွင့်ရတာ အရှုံးထဲက အမြတ်ပဲဗျ.. ကို PyePhyo Han ကော ကို Soe Thiha Naung ကို ကော ကျေးဇူးတင်တယ်ဗျာ။ ကျွန်တော် ဒါလေးကို ပြန်စုပြီး blog မှာ တင်ထားခွင့်ပေးပါ။ ကျွန်တော် ကိုယ်တိုင် မေ့သွားမှာ ဆိုးလို့ပါ။

TH: ဟုတ်တယ်ဗျ ဘလော့မှာဆိုတော့ နောက်ပြန်ဖတ်လို့ရတာပေါ့

Zack: Sure Bros … Share it :)

အမှန်အတိုင်းဝင်ခံရရင် ကျွန်တော်တို့ လူမျိုးကသွေးဆူလွယ်တယ်။ ကျွန်တော် 19th July နေ့တုန်းက တော်ဝင်စံကနေ ဗိုလ်ချုပ်မိန့်ခွန်း တွေကိုပြန်နားထောင် ဖြစ်တယ်။ အဲဒီထဲက ဗိုလ်ချုပ်ပြောတယ် ဘောလုံးပွဲနဲ့ ပတ်သတ်ပြီတော့ မြန်မာတွေ ရှုံးရင်လူချတယ် … တလွဲဆံပင်ကောင်း စသည်ဖြင့်ပေါ့ …. ဒီမှာပြန်နားထောင်လို့ ရတယ်ဗျာ။

http://bit.ly/q8xgE5

ကျွန်တော်ပြောချင်တာက မနေ့ကဘောပွဲကိုကြည့်ပြီး အဲဒီ မိန့်ခွန်းကိုတန်းပြီး သတိရတာပဲ။ အဲဒီ ဗိုလ်ချုပ် လက်ထက်က ကောလိပ်ကျောင်းသား အခုကျောင်းသား ပညာဘယ်လောက်တတ်တယ်ဆိုတာ လူတိုင်းအသိပဲ။
အဲဒီတုန်းထဲက အဲလိုစိတ်ဓါတ်တွေကရှိနေတော့​ ခုလိုမျိုး ပညာရေးပိုပြီး နိမ့်ကျလာတဲ့ အချိန်မှာ ဒါတွေပိုပြီးဆိုးလာတာပေါ့။ ကျွန်တော့် အမြင်ကတော့ “ပညာရေးနိမ့်ကျခြင်းက အလုံးစုံ နိမ့်ကျခြင်းပဲ။

ဟုတ်တယ် … ကျွန်တော်တို့တခြားဟာ မလုပ်နိုင်ရင်တောင် ပညာနဲ့ ပတ်သတ်ပြီး တစ်ဘတ်တစ်လမ်း လုပ်နိုင်မယ်လို့ ယုံကြည်တယ်။ လုပ်လဲလုပ်နေကြတာပဲလေ

ဒါပေမယ့် ကျွန်တော်တို့လုပ်တာက ကျွန်တော်တို့ အသက် မတိမ်းမရိမ်း level ကသူတွေအတွက်ပဲ ဖြစ်နေလိမ့်မယ်။ စေတန် အားလုံးကို ကောင်းခြင်းတွေ ကူးစက်နိုင်ပါစေဗျာ။ (ပြောမယ့်သာပြောတာ မကောင်းတာဆို သင်စရာမလိုဘူးဗျ)

ကျွန်တော်တို့ထက် ငယ်တဲ့ ၆တန်း ရ တန်း လောက်ထဲကစပြီး အားလုံးကို ဖြစ်စေချင်တယ်။

ဒီ post နဲ့ ဆက်စပ်ပြီး Morris blog မှာ ဟိုးအရင်က ဖော်ပြဖူးတဲ့ post လေး တစ်ခုကိုလည်း သွားဖတ်သင့်တယ်။

]]> http://www.saturngod.net/nothing/discussion-on-facebook/feed 9