အခုတလော စိတ်ခံစားချက်တွေ တော်တော်လေးများနေတာနဲ့ စာမရေးဖြစ်ဘူး။ ပြီးခဲ့တဲ့ ၂ ပတ် ကျော်ကျော်လောက်က facebook မှာ Pirate ကိစ္စတွေ တော်တော်ဆွေးနွေးဖြစ်တယ်။ မြန်မာတွေ ရေးထားတဲ့ မြန်မာတွေအတွက် App ကို pirate လုပ်တာနဲ့ ပတ်သက်ပြီးတော့ပေါ့။

မြန်မာတွေ အတွက် App

မြန်မာတွေ ရေးထားတဲ့ မြန်မာတွေအတွက် App လို့ဆိုလိုက်တာနဲ့ စျေးကွက် ဘယ်လောက်ကြီးသလဲဆိုတာကို ခန့်မှန်းနိုင်မှာပါ။ ဟုတ်ပါတယ်။ မြန်မာနိင်ငံ တစ်နိုင်ငံလုံး မပြောနဲ့ ပြည်တွင်းက မြို့ကြီးတွေလောက်ပဲ စျေးကွက်ရှိတာပါ။ စျေးကွက် များများစားစား မရှိပါဘူး။

နောက်တချက်က App store ပေါ်မှာ တင်ရောင်းတဲ့ Myanmar App တွေပေါ့။ သူကတော့ စျေးကွက်က နိုင်ငံတကာက မြန်မာတွေ အဓိက ရှိတယ်။ သို့ပေမယ့် ပြည်တွင်းမှာ ရောင်းတဲ့ စျေးလောက်ဆိုရင် ဝယ်မယ့်သူ နည်းသွားပြီ။ ပြည်တွင်းမှာ App တစ်ခုကို 5000 နဲ့ ဆိုလည်း အသုံးတည့်ရင် ဝယ်တာပဲဗျ။ တနည်းပြောရင် $6 ဝန်းကျင်လောက် သုံးဖို့ ဝန်မလေးကြဘူး။ App store မှာတော့ အများအားဖြင့် $0.99 , $1.99 ဝန်းကျင်တွေလောက်ပဲ ရောင်းလို့ရပါတယ်။ $5 လောက်နဲ့ တင်ရောင်းရင်လည်း ဖြစ်နိုင်ပါတယ်။ App Store မှာကတော့ user feed back ကို ချက်ခြင်း ရနိုင်တယ်။

စျေးကွက်တစ်ခုနဲ့ တစ်ခုတော့ မတူဘူးပေါ့။ အဲဒီလို စျေးကွက်သေးသေးမှာ မြန်မာတွေ အတွက် အဓိက ရည်ရွယ်ပြီးတော့ ရေးတဲ့ App တွေရဲ့ စျေးကွက်က အရမ်းကျယ်ပြန့်တာ မဟုတ်သလို အကျိုးအမြတ်လည်း ကြီးကြီးကျယ်ကျယ် ရသွားနိုင်ဖို့ အလွန်ခက်ပါတယ်။

Online App Store တွေ မှာ ရောင်းချရင်လည်း အနည်းဆုံး $100 ပြည့်မှသာ ၁ လ ကို ၁ ကြီမ် Apple ကနေ ပြန်လွှဲပေးတာပါ။ ဒါကြောင့် App တွေ ဖန်တီးပြီး ရပ်တည်နိုင်ဖို့ဆိုတာ လွယ်ကူလှတဲ့ အလုပ်တော့ မဟုတ်ပါဘူး။

Pirate App တွေနဲ့ ကျွန်တော်

Pirate အခွေတွေဆိုတာကို computer စသုံးကာစက မသိတာ အမှန်ပဲ။ Windows 3.1 ကို သုံးတုန်းက အဲဒီ အထဲမှာ ပါလာတဲ့ game တွေ app တွေ အရန်သင့်ပါလာပြီးသားလို့ ထင်ထားတယ်။ ပြီးတော့ Windows 95 ရောက်လာတယ်။ Windows 95 ကိုလည်း အသိတစ်ယောက်ကို သွင်းသွားပေးလို့ ဒီအသုံးသုံးလိုက်တာပဲ။ MS Office က Windows မှာ ပါလာတဲ့ အရန်သင့် application လို့တောင် ထင်မှတ်ထားပါတယ်။ နောက်ပိုင်း Windows 98 တုန်းက သူငယ်ချင်းဆီက StarCraft ကို ငှားပြီး သွင်းဆော့ခဲ့တယ်။ ပြီးတော့ သူ့ကို အခွေပြန်ပေးလိုက်တယ်။ ကျွန်တော့် အတွက်တော့ ငှားဆော့တာပေါ့။
ပြီးတော့ XP ပေါ့။ XP ရောက်တော့ ကိုယ့်ဘာသာကိုယ် အခွေတွေ ဝယ်ဝယ်ပြီး သွင်းတတ်နေပြီ။ ၁၀တန်း စာမေးပွဲဖြေပြီးကာစ ဗိုလ်တထောင် ကောလိပ်မှာ Diploma တက်တော့ ဆရာက pirate ခွေတွေ အကြောင်း ရှင်းပြတဲ့ အချိန်မှပဲ ငါတို့ သုံးနေတာ ခိုး သုံးနေတာပါလား ဆိုတာကို သဘောပေါက်တော့တယ်။

သို့ပေမယ့် မူရင်း Application တွေ မဝယ်နိုင်သလို မြန်မာမှာလည်း မဝယ်နိုင်တဲ့ အတွက် Pirate သုံးတာ အပြစ်မရှိဘူးလို့ ယူဆလိုက်တယ်။ First Year ပြီးတော့ ISS မှ​ာ Linux တက်မှပဲ Open Source အကြောင်းတွေ သိတော့တယ်။ Linux ဘာကြောင့် ပေါ်လာရတယ်။ Copyright , CopyLeft စတာတွေ ကို ဖတ်မှပဲ နည်းနည်းသဘောပေါက်လာတယ်။ အဲဒီတုန်းက Linux ဆိုရင် Red Hat ပဲရှိသေးတယ်။ Ubuntu က အခု လို ခေတ်မစားသေးဘူး။ Fedora ကလည်း ထွက်ကာစပဲ ရှိအုန်းမယ်ထင်တယ်။ Red Hat ကို အဓိက သင်တော့ အခြား OS အကြောင်းတွေ သိပ်မသိလိုက်ဘူး။

အဲဒီ အချိန်မှ Pirate ဆိုတာကို နည်းနည်းသဘောပေါက်လာတယ်။

မြန်မာနိုင်ငံမှာ အခွေဆိုင်တိုင်းလိုလို Pirate တွေပဲ ရောင်းချပါတယ်။ သို့ပေမယ့် မြန်မာနိုင်ငံက ထုတ်တဲ့ အခွေတွေကိုတော့ Pirate ရောင်းချတာ မတွေ့ရပါဘူး။ အနည်းနဲ့ အများကတော့ ကိုယ့်ပြည်တွင်းထုတ်ကို ခိုးမသုံးဘူးဆိုတဲ့ ဆန္ဒလေးတွေ ရှိကြပါတယ်။

Continue reading →