MZ ကို vbulleting ကနေ vanilla ကို ပြောင်းမယ်လို့ ဆုံးဖြတ်ပြီးတော့ unique ဖြစ်တဲ့ design လေး တစ်ခုလုပ်ချင်လာတယ်။ Default ရှိတဲ့ vanilla က အပြာနုရောင် ဖြစ်ပြီးတော့ ကြည့်ရတာ မျက်စိနည်းနည်း နောက်နေသလိုပဲ။ ဒါကြောင့် Theme ဘယ်လိုရေးရမလဲ လေ့လာကြည့်လိုက်တော့ အဓိက CSS ပဲ ကစားရုံပဲဆိုတော့ အရမ်းကို အဆင်ပြေသွားတယ်။ ဘာမှ ထွေထွေထူးထူး ရေးစရာမလိုပဲ theme တစ်ခု ဖန်တီးလို့ရတယ်။

Vanilla ရဲ့ မူရင်း theme က

Theme ကို စဆွဲမယ်ဆိုတော့ စဉ်းစားမိတဲ့ အရောင်က လိမ္မော်ရောင်ပဲ။ လက်ရှိ ရှိထားတဲ့ Theme တွေထဲမှာ လိမ္မော် ရောင် ရှိတဲ့ Vanilla Forum က Design ကို အခြေခံပြီး တစ်ခု လုပ်ခဲ့သေးတယ်။

အဲဒီ အရောင်ကို အခြေခံပြီး လုပ်လိုက်တော့ အောက်ကလို မျိုးဖြစ်သွားတယ်။

လုံးဝကို သဘောမကျခဲ့တာ အမှန်ပဲ။

Website တစ်ခုကို ရေရှည် အသုံးပြုပြီး ဝင်ရောက်ဖို့အတွက် Design က အရေးကြီးတယ်လို့ ယူဆတယ်။ ပုံမှန် ကြည့်နေတဲ့အခါမှာ မရိုးသွားဖို့ လိုတယ်။ နောက်ပြီး လက်ရှိ ရှိနေတဲ့ Design တွေထဲက ခွဲထွက်ပြီး ဆန်းသစ်တဲ့ ပုံစံကို လိုချင်တယ်။ အဲဒါနဲ့ Design တွေကို http://dribbble.com/ မှာ သွားကြည့်ရင်းနဲ့ dribble ရဲ့ color pattern ကို သဘောကျလာတယ်။ အဲဒီမှာတင်ထားတဲ့ ပုံတွေထက် dribble ရဲ့ color ကို သဘောကျသွားတယ်။ ဒါနဲ့ MZ ကို အဲဒီ color pattern အတိုင်း လုပ်မယ်ဆိုပြီး လုပ်ဖြစ်သွားတာ။ အဲဒီမှာ ဘာ ပြဿနာ တစ်ခု ကြုံရသလဲဆိုတော့ voting ပဲ။

အဲဒီ နေရာမှာ အခု လိုမျိုး ဖြစ်ဖို့ color မျိုးစုံ စမ်းခဲ့တယ်။ ဘယ်လို မှ သဘောမကျဘူး။ အနုကနေ အရင့်။ အရင့်ကနေ အနု။ တစ်ရောင်ထဲ အမျိုးမျိုး ထည့်ကြည့်တယ်။ မလှဘူး။ နောက်တော့ dribble မှာ ဘေးက side bar ကို သတိထားမိသွားတယ်။

Color တစ်ခုကနေ နောက်တစ်ခုကို အဆင့်ဆင့် ကူးသွားပုံလေးကို တွေ့သွားတယ်။ အဲဒါနဲ့ အဲဒီ color ကူးပုံလေးကို အသုံးချပြီး အခုလိုပုံ ဖြစ်လာတာပဲ။

Website တစ်ခုလုံးရဲ့ Color Pattern တစ်ခုလုံးက dribble ကို အခြေခံထားတယ်။ နောက်ပြီး ကျွန်တော် သဘောကျတဲ့ noise background ကို အသုံးပြုထားတယ်။ ကျွန်တော် ဆွဲတဲ့ website တွေ တော်တော်များများမှာ background ကို noise တွေ ထည့်ထားတာတွေ နိုင်ပါတယ်။ ဥပမာ ။။ avaframework.com မှာဆို သိသိသာသာ တွေ့နိုင်ပါတယ်။

CSS Design ဆွဲချလိုက်တာက ၁ ရက်ပဲ ကြာပေမယ့် Design idea ရဖို့ကတော့ ၁ လ လောက် ကြာသွားတာတော့ အမှန်ပဲ။ အခု မြင်နေရတဲ့ MZ ရဲ့ Design ကို ကိုယ့်ဘာသာကိုယ် သဘောကျနေမိတယ်။ လက်ရှိ ရှိနေတဲ့ Web 2.0 web design တွေကို မှီတယ်လို့ ကိုယ့်ဘာသာ ချီးကျုးမိတယ်။ MZ design ဆွဲရင်း သိလာတာက color pattern ရဲ့ အရေးပါပုံပဲ။ လိမ္မော်ရောင် design က စမ်းသုံးရင်းနဲ့ မူးလာတယ်။ နောက်ပြီး ခဏပဲ ဝင်ချင်စိတ်ဖြစ်နေတယ်။

အရောင်တွေ အကုန်ပြီးသွားပေမယ့်

အဲဒီပုံမရခင် design တွေ တုန်းက home page က ဆွဲဆောင်မှု မရှိဘူး ဖြစ်နေတယ်။ ကျွန်တော် တစ်ယောက်တည်းဖြစ်တာလားတော့ မသိဘူး။ Home page ဆိုတာက ကြည့်လိုက်သူတိုင်း ပျော်သွားတာမျိုး ဖြစ်စေချင်တယ်။ အခု voting မှာ သုံးထားတဲ့ color pattern ကြောင့် website ကို ကြည့်လိုက်တာနဲ့ ပျော်ဖို့ ကောင်းတဲ့ အရာလို့ ခံစားစေရတယ်။ တကယ်တန်းတော့ MZ ရဲ့ design pattern က ကျွန်တော့် idea မဟုတ်ပဲ dribble ရဲ့ color pattern ကိုသာ ယူသုံးထားလို့ အခုလို ကြည့်ပျော် ရှုပျော်ဖြစ်နေရခြင်း ဖြစ်ပါတယ်။

Using Vanilla

Using Unicode

Can login with twitter, facebook, google account

Support iPhone

I need to make so many things with vanilla … will come soon in MYSTERY ZILLION …..

ဒီနှစ် MZ နှစ်ပတ်လည်ကို Myanmar Tutorial ရဲ့ နှစ်ပတ်လည် နှင့် web design ဆုပေးပွဲနဲ့ အတူတူကျင်းပါမယ်။ MICT Park conference hall မှာ ကျင်းပပါမယ်။ MZ နဲ့ မြန်မာ tutorial ပူးပေါင်းပြီးကျင်းပတဲ့အတွက် ပိုမိုစည်ကားပြီး ပိုပြီး အကျိုးရှိမယ်လို့ မျှော်လင့်ပါတယ်။

ပွဲ အစီစဉ်အသေးစိတ်ကိုတော့ ကိုသီဟ နဲ့ အသေးစိတ် ဆွေးနွေးပြီးရင် ပြန်လည်ကြေငြာပါ့မယ်။

ဒီတစ်ခေါက် ရန်ကုန်ပြန်တာ တော်တော်အကျိုးရှိသွားတာကတော့ MZ က လူငယ်တွေနဲ့ တွေ့လိုက်ရတယ်။ လက်ရှိ pro မဟုတ်သေးတဲ့ သူတွေရဲ့ စကားကို ကြားချင်နေတာ ကြာလှပြီ။ MZ က လူငယ်တွေက အခုမှ စလေ့လာကစ လူတွေ နောက်ပြီး အခြား လိုင်းကနေ computer ကို စိတ်ဝင်စားလို့ ရောက်လာတဲ့ လူငယ်တွေ တော်တော်များများပါတယ်။ Pro တွေလည်း ပါတယ်။ လာတဲ့သူတွေကတော့ လုပ်ချင် ကိုင်ချင် လေ့လာချင်စိတ် အပြည့်ရှိတဲ့သူတွေလည်း မမှားပါဘူး။

MZ Gathering ကို ၄ နာရီ လောက်ချိန်းထားပေမယ့် မုန့်ဝယ်တာနဲ့ဆိုတော့ နောက်ကျသွားတယ်။ ကျွန်တော်က ၄ နာရီ ခွဲလောက်မှ ရောက်ဖြစ်တယ်။ မိုးက ရွာတာနဲ့ လူတွေ ကွဲကုန်ပြီ မှတ်တာ တော်သေးတာက exiter နဲ့ gipsy တို့ ရောက်နေတော့ ဆိုင်ထဲကို နေရာရွှေ့ထားပေးလို့။ ကျွန်တော် ရောက်မှပဲ ပွဲ စဖြစ်တာပေါ့။ ရောက်ရောက်ခြင်း လူတွေ မိတ်ဆက်တော့ ဟိုးအရင်တုန်းက ကျွန်တော် သိတဲ့ ကလေးတွေတောင် လူငယ်တွေ ဖြစ်ကုန်ပြီပဲ ဆိုတာ သိရတယ်။ ဟိုအရင် planet forum တွေ ခေတ်စားတုန်းက ကလေးတွေတောင် တော်တော်အသက်တွေကြီးလာပြီပဲ။ ငါလည်း တော်တော်အသက်ကြီးသွားပြီပဲလို့တောင် တွေးမိသေးတယ်။

ပွဲမှာတော့ အဓိက လူတစ်ယောက်ခြင်းစီရဲ့ Unicode ပေါ်အမြင်နဲ့ လူငယ်တွေ အမြင်ကို ဆွေးနွေးခိုင်းတယ်။ သူတို့တွေရဲ့ အမြင်တွေက လက်တွေ့ကျတယ်။ သူတို့ရဲ့ နေ့စဉ် ကြုံနေရတဲ့ အခြေအနေကိုပဲ အဓိက ပြောဆိုကြတာပဲ။ Unicod ကို လက်ရှိ သုံးနေတဲ့သူ တော်တော်နည်းတယ်။ နောက်ပြီး Unicode သွင်းထားတဲ့ သူတွေလည်း နည်းနေသေးတယ်။ တော်တောများများကတော့ လက်ရှိ ဇော်ဂျီကိုသုံးနေပေမယ့် နောက်ပိုင်း Unicode ကို ပြောင်းဖို့ စိတ်အား ထက်သန်တယ်။ ပြဿနာကတော့ Supporting ပဲ။ ဘယ်မှာ သွားမေးရမှန်းမသိတဲ့ ပြဿနာပဲ။ Myanmarsar.info က ထူးတေဇာ လာလို့ သူ့ site နဲ့ ပတ်သက်ပြီး supporting ကိစ္စတွေ ပြောဖြစ်သေးတယ်။ ဆိုးတဲ့ ပြဿနာတစ်ခုက Unicode ပြောင်းဖို့ ကိစ္စကို unicode နဲ့ ရေးထားတဲ့ အတွက်ကြောင့် ဖတ်လို့မရတာပဲ။ ဒါလည်း ဟုတ်တာပဲ။ ကျွန်တော်က web မှာ font embed လုပ်လိုက်ပေမယ့် RSS မှာက font embed မရဘူး။ ဒါကြောင့် unicode font ကို သွင်းခိုင်းဖို့ ကိစ္စမှာ ပြဿနာဖြစ်တာပဲ။ Unicode ကို ပြောင်းချင်ပေမယ့် ပြောင်းရမယ့် ကြောက်နေတဲ့သူတွေလည်း ရှိတယ်။ ကြောက်ရတဲ့ အကြောင်းကလည်း supporting ပြဿနာ ဆိုတာထက် communication ပြဿနာပဲ။ ကိုယ်ရေးတာ သူမမြင်တော့မှာ သူရေးထားတာ ကို မမြင်တော့မှာ ဖြစ်သွားမှာ ကြောက်ကြတာတွေလည်း ရှိတယ်။ အဲဒီ ပြဿနာကတော့ ကျွန်တော်လည်း ဖြစ်တာပဲ။ ဒါကြောင့် iPhone မှာ ဇော်ဂျီ သွင်းထားပြီး iPad မှာ unicode နဲ့ သုံးတယ်။ တစ်ခု နဲ့ မမြင်ရရင် နောက်တစ်ခုနဲ့ ကြည့်လို့ရအောင်ပေါ့။

နောက်တချက်က keyboard တွေထဲက ကြိုက်တာ ရွေးလို့ ရတယ်ဆိုတာကို မသိတဲ့သူတွေ ရှိတယ်။ keyboard နဲ့ input ကို မကွဲတဲ့ လူတွေ အများကြီးပဲ။ ဒါတွေကို နားလည်အောင် စိတ်ရှည်ရှည်နဲ့ ရှင်းပြ ရမယ်။ ဒါမှမဟုတ် ကောင်းမွန်တဲ့ documentation လိုတယ်။ အဲဒါတွေ ဖြေရှင်းဖို့ လိုသေးတယ်။ Unicode ပေါ်မှာ လက်ရှိ အမြင်တွေကို တော်တော်သိသွားတယ်။ computer သမားတွေတောင် ဒီလောက်ပဲ သိသေးရင် လုံးဝ End User တွေဆို တော်တော်ဆိုးမှာ။ Unicode ပြောင်းမယ်ဆိုရင် အကုန် တူတူ ပြောင်းမှပဲရမယ်။ Myidgroup က ကိုကြည့်ရှောင်တို့ ကိုဇူးဇူး တို့ လာတယ်။ သူတို့လည်း Unicode ပြောင်းတော့မယ်။ ကိုရောင်စိန် ကတော့ database ပို့ထားတယ်။ ထပ်စမ်းရအုံးမယ်။ လက်ရှိ သူတို့ database ကို စမ်းကြည့်တာ ကျွန်တော် ရေးထားတဲ့ PHP နဲ့ပဲ အဆင်ပြေတယ်။ အခြား converter တွေနဲ့ က ထင်သလောက် အဆင်မပြေဘူး။ import လုပ်တဲ့အခါမှာ error တွေ ဖြစ်နေတယ်။ ကျွန်တော့် code ကိုလည်း သူတို့ရဲ့ data ပေါ်မူတည်ပြီး ပြန်ပြီး လုပ်နေတာကြောင့်လည်း ပါတာပေါ့။ MZ ကတော့ အသင့်ဖြစ်နေပြီ။ ပြောင်းဖို့ အချိန်ကို စောင့်ဖို့ပဲ ကျန်တော့တယ်။

နောက်ပြီး လက်ရှိ လူငယ်တွေ ပေါ် အမြင်မေးကြည့်တယ်။ သူတို့ပြောကြတာကတော့ chat နဲ့ အချိန်ကုန်နေတယ်။ သင်တန်းတွေ တက်နေကြတာများတယ်။ နောက်ပြီး internet ကို အကျိုးရှိစွာ မသုံးတတ်ကြဘူး။ ကျွန်တော် ရန်ကုန်ရောက်တော့ connection က မကောင်းတဲ့ အချိန် ဖြစ်နေတော့ ကျွန်တော်တောင် ဘာမှ တောင် သေသေချာချာ မသုံးဖြစ်ဘူး။ vanilla MZ အတွက်ကပဲ အချိန်ပေးလိုက်တာများတယ်။ စာ ဖတ်ဖို့အတွက် Readitlater နဲ့ပဲ ဖတ်နေရတယ်။ အစအဆုံး ပြီးအောင်တော့ မစောင့်နိုင်ဘူး။ အကုန် download ဖို့ readitlater ထဲကို ထည့်။ ပြီးမှ ipad ကနေ readitlater ကို offline ရအောင် download ချ။ အိမ်ရောက်မှ အေးဆေးဖတ်ပဲ။ နောက်ပြီး website တော်တော်များများ ဝင်မရဘူး။ readitlater api လည်း ကောင်းကောင်းသုံးလို့မရလို့ လက်ရှိ သုံးနေတဲ့ app ထဲက read it later function က အလုပ်မလုပ်တော့ ခက်တာတွေလည်း ကြုံခဲ့ရတယ်။

ဒါကြောင့် internet ကို ကောင်းကောင်း အသုံးမချနိုင်ဘူးဆိုတာကိုတော့ ကောင်းကောင်းနားလည်လိုက်တယ်။ နောက်ပြီး သင်တန်း သံသရာ ။ အဓိက ယုံကြည်မှုတွေ ရိှလာအောင် လက်တွေ့ များများ မလုပ်တာကြောင့်လည်း ပါတာပေါ့။ ဘာပဲ ပြောပြော MZ ပွဲကို လာတဲ့ လူငယ်တွေကို အားရတယ်။ သူတို့မှာ တကယ်တတ်ချင် တကယ်ဖြစ်ချင်တဲ့ ဆန္ဒတွေ ရှိတယ်။ တချို့လူငယ်တွေ လေးတွေက တော်တော့်ကို ငယ်သေးတယ်။ ကျွန်တော် သူတို့ အရွယ်တွေတုန်းက သူတို့လောက်တောင် လေ့လာဖို့ အခွင့်အရေးတွေ မရခဲ့ဘူး။ အဲတုန်းက planet forum တစ်ခုလောက်ပဲ ရှိခဲ့တာ။ မေးစရာနေရာလည်း များများစားစားမရှိခဲ့ဘူး။ လူကတော့ ၂၅ ယောက်လောက်ပဲ လာပေမယ့် သူတို့ပြောတာတွေ မေးတာတွေ တော်တော်လေး နားထောင်လိုက်ရတယ်။ ကျွန်တော် ပြောချင်တဲ့ Mobile Application Development အကြောင်း ပြောချင်ပေမယ့် လက်ရှိ မြန်မာနိုင်ငံနဲ့ နည်းနည်းလေး အလှမ်းဝေးတယ်။ လာတဲ့လူတွေထဲမှာ လက်တွေ့ လုပ်ငန်းခွင်ဝင်နေတဲ့သူ နည်းသလို အခုမှ စတင်လေ့လာနေတဲ့သူတွေ နောက်ပြီး ဘယ်လိုင်းကို သွားရမလဲ မသိတဲ့သူတွေပါနေတာကြောင့်လည်း မပြောဖြစ်ခဲ့တာပါ။

ဘာပဲ ပြောပြော ကျွန်တော်တို့ အခြား ပွဲတွေလို မဟုတ်ပဲ ရင်းရင်းနှီးနှီး ပွင့်ပွင့်လင်းလင်း ပြောဆို ဆွေးနွေးခဲ့တဲ့ ပွဲ ၊ နောက်ပြီး လူတိုင်း ကိုယ့်အမြင်ကို ပြောကြတဲ့ ပွဲလေးဆိုလည်း မမှားပါဘူး။ အဲ… တစ်ယောက်ကတော့ အိမ်သာ သွားနေလို့ မပြောဖြစ်လိုက်ဘူး။ သူ့ကို အစက စောင့်အုံးမလို့ပဲ ဒီဘက်မှာ ပြောနေတာ အရှိန်မပျက်သွားအောင် ကျော်ပြီး ပြောလိုက်ရတာကြောင့်ပါ။ အဲဒါလေးတစ်ခုတော့ စိတ်မကောင်းဖြစ်မိတယ်။

လာခဲ့တဲ့သူတွေ အားလုံးကို ကျေးဇူးတင်ပါတယ်။ နောက်ပြီး ပွဲကို စီစဉ်ပေးခဲ့တဲ့ Gipsy ကိုလည်း ကျေးဇူးတင်တယ်။ ပွဲကို အဆင်ပြေအောင် နေရာရွှေ့ပေးခဲ့တဲ့ Exiter နောက်ပြီး လိုအပ်တာတွေ ဝိုင်းကူပေးခဲ့တဲ့ ညမီးအိမ် နောက်ပြီး iPad ကြီးနဲ့ ရောက်လာတဲ့ ထူးတေဇာ အပြင် လာရောက်ခဲ့တဲ့ သူတွေ အားလုံးကို ကျေးဇူးတင်ပါတယ်။

Python converter နဲ့ ပြောင်းတာ အဆင်မပြေတာနဲ့ ကိုယ့်ဘာသာ ရေးထားတဲ့ PHP ကို ပြန်စမ်းကြည့်ဖို့ စဉ်းစားထားတာ ကြာပြီ။ MZ ကို ပြောင်းဖို့ ကြည့်လိုက်တော့ နောက်ပိုင်းရေးထားတဲ့စာတွေက Latin မှာသွားသိမ်းထားတာ ࿽ လိုမျိုး ပုံစံတွေနဲ့ ဆိုတော့ PHP code နဲ့က အဆင်မပြေဘူး။ ကို ရာဗီ ကိုတော့ ပြောင်းတာ error တက်တာ ပြောထားသေးတယ်။ ဒေါက်တာ ကာဘွန် ရေးထားပေးတဲ့ java converter နဲ့တော့ မစမ်းရသေးဘူး။

MZ database က 500 MB လောက် ရှိတယ်။ ဒါကြောင့် ပြောင်းရခက်နေတာ။ Unicode ပြောင်းတာနဲ့ အတူတူ vanilla ကိုလည်း ပြောင်းမှာဆိုတော့ Vanilla ကို export လုပ်လိုက်တယ်။ file size က 200 MB လောက်ပဲ ရှိတော့တယ်။ အဲဒီ sql ကို ကိုရာဗီ ရဲ့ python နဲ့ ပြောင်းတာလည်း မရဘူး။ ဒါနဲ့ မနေ့က လေယာဉ်ပျံ ပေါ်မှာ php converter ကို ထပ်ပြီး update လုပ်ပြီး ရေးလိုက်တယ်။ အဓိက ပြဿနာက memory ပဲ။ ဒါနဲ့ *nix အဓိက ဆင်းပြီး shell script ရေးရင်း ကောင်းမလားလို့ တောင် စဉ်းစားသေးတယ်။ shell script ဆိုတာနဲ့ ဘာကို သွားစဉ်းစားမိလဲဆိုတော့ cat နဲ့ > filename ကို သွား သတိရတယ်။ cat ကတော့ *nix တွေမှာ file read တဲ့ အနေနဲ့ ခေါ်ပြီး php zg_cli.php > output.txt ဆိုရင် output အနေနဲ့ file write သွားပေးတယ်။ php က file write တာ မဟုတ်ပဲ os က သွား write ပေးတာ ဖြစ်တော့ နည်းနည်း ပိုမှန်တယ်။

လက်ရှိ ၂ မျိုးရေးထားတယ်။ windows တွေအတွက်ကတော့ file read တဲ့ အခါမှာ တစ်ကြောင်းဆီကို read ခိုင်းလိုက်တယ်။ အဲဒီတော့ memory သိပ် မသုံးတော့ဘူး။ အရင်တုန်းက ရေးထားတာထက် အများကြီး ပိုမြန်သွားတယ်။ *nix OS တွေအတွက်ကတော့ cat ကို file read ဖို့အတွက် သုံးလိုက်တယ်။ အဲဒါက ရိုးရိုး PHP file read တဲ့ဟာထက်တော့ အများကြီးမြန်တယ်။ နှစ်ခုလုံးကို > output.ext နဲ့ ပဲ file output ထုတ်လိုက်တယ်။ လေယာဉ်ပေါ်မှာ ရေးပြီးတော့ convert စမ်းကြည့်တာ အဆင်ပြေတယ်။ ࿽ တွေလည်း UTF-8 အနေနဲ့ ပြောင်းလိုက်တော့ အဆင်ပြေတယ်။ တစ်ခုပဲလိုတာက php.ini မှာ utf-8 support လုပ်အောင် config တော့ လုပ်ပေးရတယ်။ လေယာဉ်ပေါ်မှာ ရေးပြီးတော့ convert ပြောင်းကြည့်တာ အကုန် ??? တွေ ဖြစ်ကုန်တယ်။ အစက ဘာကြောင့်မှန်းမသိ။ နောက်မှ သတိရမိတာ php.ini မှာ utf-8 support မလုပ်ထားလို့ ဖြစ်မယ်ဆိုပြီး iso code ကို utf-8 ပြောင်းပေးလိုက်တော့ အဆင်ပြေသွားတယ်။ လေယာဉ်ကတော့ ၃ နာရီ စီးရတယ်။ လေယာဉ်တက်တာနဲ့ ဘာနဲ့ ဆိုတော့ တကယ်တန်း ရေးချိန်ကတော့ ၂ နာရီခွဲလောက်ပဲ ရတယ်။ လေယာဉ်ပေါ်မှာ ထမင်းစားပြီးချိန် ကတည်းက ရေးလိုက်တာတော့ ခဏလေးပဲ။ အရင်တုန်းက mysqluf8 converter ကြောင့်လည်း ပါမယ်။ ရွာပတ်သွားတာက php.ini မှာ utf-8 support လုပ်အောင် ပြင်ပေးရမယ်ဆိုတာ မသိလိုက်တာပဲ။ ?? တွေ ပြောင်းကုန်လို့ code မှားနေလားဆိုပြီး စမ်းနေသေးတာ။ အချိန် တော်တော် ကြာသွားတယ်။ ဘာပဲ ပြောပြော ဒီတစ်ခေါက် လေယာဉ်မှာ အချိန်ကုန်တာ မြန်တယ်လို့ ဆိုရမယ်။ ဘယ်လိုလို ရန်ကုန် ပြန်ရောက်သွားမှန်းတောင် မသိလိုက်ဘူး။ MZ site တစ်ခုလုံး UTF-8 လည်း ပြောင်းလို့ ပြီးသွားရော ရန်ကုန် လေယာဉ်ကွင်းမှာ ဆိုက်ဖို့အတွက် ကြေငြာနေပြီ။ အခုတော့ အကုန် အဆင်သင့်ဖြစ်နေပြီ။ MZ ကို unicode ပြောင်းဖို့ မြန်မာ နှစ်သစ်ကူး ကို စောင့်နေတာ။

MZ အသစ်က unicode + vanilla ဖြစ်လိမ့်မယ်။ အရင် username , password တွေ အတိုင်းပဲ။ အဲ.. ရေးထားတဲ့ code ကို ရန်ကုန်ရောက်တော့ github ပေါ်မှာ push လုပ်ဖို့ ကြိုးစားတော့ ssh က မဖွင့်ထားပေးဘူးပဲ။ စလုံး ပြန်ရောက်မှပဲ converter source code ကို ပြန်တင်ပေးတော့မယ်။ အခြားလူတွေလည်း ဒေါက်တာ ကာဘွန် ရဲ့ java converter ကို စမ်းကြည့်စေချင်တယ်။ မဆိုးဘူး။ သူလည်း တော်တော်မြန်တယ်။ file size အကြီးကြီးတော့ အခုထက်ထိ မစမ်းရသေးဘူး။ စလုံး ပြန်ရောက်မှပဲ စမ်းကြည့်တော့မယ်။

MZ member တွေ့ဆုံပွဲကို ကန်တော်ကြီးမှာ လုပ်ပါမယ်။

Date:… 30.1.2011
Time:… ညနေခင်း 3 နာရီမှ 4 နာရီခွဲအထိ
Place:.. ကန်တော်ကြီး ချစ်သူများကျွန်း

ကျွန်တော်လည်း အဲဒီနေ့ အဲဒီပွဲမှာ ရှိနေမှာပါ။ အစီအစဉ်ကတော့ ထွေထွေထူးထူး မရှိပါဘူး။ member အသစ်တွေကော အဟောင်းတွေကော ရင်းနှီးသွားအောင် တွေ့ဆုံကြတဲ့ သဘောပါ။ နောက်ပြီး ကျွန်တော် ရန်ကုန်ရောက်နေတုန်းမှာ MZ က member တွေကိုလည်း တွေ့ချင်တာကြောင့်လည်းပါပါတယ်။

exiter နဲ့ ကျွန်တော်ကတော့ မုန့်တွေ ယူလာခဲ့မယ်။ နောက်ပြီး ကိုဒီဘီ က MZ Gathering အတွက် ချောကလက်တွေ ဝယ်ပေးလိုက်တာ ပါလာမယ်။ အကုန်လုံးတွေ့ပြီး စားရင်း သောက်ရင်း စကားပြောကြတာပေါ့။

MZ 2.0 ကို ရေးတာ တော်တော်ကြာသွားပြီ။ Git repo မှာ စတင်တဲ့ နေ့က APRIL 13, 2010 က စတယ်။ အခုလပါ အပါအဝင် ၅ လ ကျော်သွားပြီလို့ ဆိုလို့ရမယ်။ တကယ်တန်းတော့ အချိန်ပြည့်ရေးရင် ၁ လ တည်းနဲ့ အကုန်ပြီးပါပြီ။ သိပ်အများကြီးမဟုတ်ဘူး။ အခုက အားတဲ့ အချိန်လေးတွေ မှာ ရေးရေးနေရလို့ အဲလောက်ထိ ကြာသွားတာ။ နောက်ပြီး ကိုယ်ပိုင် framework APIwork ကို သုံးလိုက်တာကြောင့် ကြာသွားတာလည်း ပါတယ်။ April လတုန်းက framework က စလုံးရေစပဲ။ အခုလောက် stable မဖြစ်သေးဘူး။ MZ 2.0 ကို ရေးရင်းနဲ့ လိုတာတွေ ဖြည့်ရင်း အခုတော့ တော်တော် stable ဖြစ်သွားပြီ။ MZ User site ကို ကိုယ်ပိုင် Framework နဲ့ အစအဆုံး ရေးလိုက်တော့ ကြာသင့်တာထက် ပိုကြာသွားတယ်။ CI ကို သုံးလိုက်ရင် ပိုမြန်ကောင်းမြန်နိုင်ပေမယ့် ကိုယ့် framework ကိုလည်း stable ဖြစ်အောင် လုပ်ချင်တာနဲ့ APIwork ကိုပဲ သုံးဖြစ်လိုက်တာ။

MZ User က လုံးဝ End User တွေကို ရည်ရွယ်ထားပါတယ်။ End User ဆိုတာက Developer လည်း မဟုတ်ပါ။ သာမာန် သုံးစွဲသူများသာ ရည်ရွယ်ထားပါတယ်။ လက်ရှိ computer နဲ့ ဆိုင်တဲ့

• Computer က တီတီပဲ မြည်နေတယ်
• Zawgyi Font သွင်းလို့မရဘူး
• Jailbreak ဘယ်လိုလုပ်ရသလဲ
• Windows အတွက် Dictionary ဘယ်ဟာ ကောင်းလဲ
• Nokia ဖုန်းမှာ Dictionary ဘယ်လိုသွင်းလဲ

စသည် စသည် End User မေးခွန်းများအတွက် ရည်ရွယ်ပါတယ်။ အခု ကျွန်တော်က DB Engine ကို InnoDB သုံးထားလိုက်တော့ အရမ်းလေးသွားတယ်။ နောက်ထပ် version တွေမှာ MyISAM ကို ပြန်ပြောင်းသုံးဖို့ စဉ်းစားထားတယ်။ လိုအပ်တာတွေကတော့ အများကြီးပဲ။ Reputation point အတွက် Rule တွေလည်း မပြီးသေးဘူး။ အများကြီး လုပ်စရာ ကျန်သေးတယ်။ အခုက စလုံးရေ စဆိုတဲ့ အဆင့်ပြီးသွားတာပဲ ရှိပါသေးတယ်။ Login မဝင်ခင် အရင်ဆုံး FAQ လေးကိုတော့ သေချာဖတ်ချင်ပါတယ်။

CSS နဲ့ javascript ကို compress လုပ်ရအုံးမယ်။ အခု online ပေါ်တင်လိုက်တော့ ထင်တာထက် လေးနေတယ်။ နောက်ပိုင်းတော့ ဒီထက် မြန်လာအောင် ကြိုးစားပေးပါ့မယ်။ အခုတော့ ခုနက ပြောသလို စလုံး ရေ စပါ။ အများကြီး update လုပ်ဖို့ ကျန်နေသေးတယ်။

သောကြာနေ့ည က server စပြောင်းပါတယ်။ MZ ကို file တွေကြီးပဲ backup လုပ်လိုက်တာ 1GB ဖြစ်နေလို့ data တွေကို ပြန်စစ်ပြီး duplicate folder တွေကို ဖျက် မလိုအပ်တာတွေကို ဖျက်နေတာနဲ့ တော်တော်အချိန်ကြာသွားတယ်။ အခုထပ်ပြီး zip ပြန်လုပ်လိုက်တာ 510 MB ဖြစ်သွားတယ်။ အခုတော့ download ချဆဲ။ပြီးရင် upload တင်ရအုံးမယ်။ မနက်ဖြန်မှာ ပြီးအောင်တော့ ကြိုးစားဆဲပါ။ Dreamhost ကိုပဲပြောင်းဖြစ်သွားတယ်။ VE ထက်စာရင် dreamhost က ပိုကောင်းမယ်ထင်တာကြောင့်လည်း ပါတယ်။ လိုအပ်ရင် memory ထပ်တိုးလိုက်ရုံပဲလေ။ သိပ်လည်း များများစားစားမကုန်တော့ဘူးပေါ့။

MZ server 18 ရက်နေ့ဆိုရင် expire ဖြစ်ပါပြီ။ Grid Server ($20/month) ကနေ VE server ($30/month) ကို ပြောင်းဖို့ အစီအစဉ်ရှိပါတယ်။ ဒါကြောင့် file တွေ backup လုပ်ရမှာရယ် နောက်ပြီး upload ပြန်တင်ရမှာတွေကြောင့် ၁ ရက် ၂ ရက်လောက်တော့ Ornagai , MZ စတာတွေ သုံးလို့ရမှာမဟုတ်ပါဘူး။ လက်ရှိ MZ server ပေါ်မှာ ရှိနေတဲ့ site တွေကတော့

http://blog.ornagai.com

http://code.mysteryzillion.org

http://edu.mysteryzillion.org

http://mysteryzillion.org

http://ornagai.com

http://wiki.mysteryzillion.org

အဲဒီ site တွေ ဝင်လို့ရမှာ မဟုတ်တော့ပါဘူး။ ပြောင်းမယ့် နေ့ရောက်ရင် ထပ်ကြေငြာပါ့မယ်။ သောကြာနေ့ ညလောက် ပြောင်းဖို့ အစီအစဉ် ရှိပါတယ်။ hosting အသစ်နဲ့ အတူ MZ 2.0 အတွက် ရေးထားတဲ့ user.mysteryzillion.org ပါလာမှာပါ။ လုံးဝ user တွေ သီးသန့်အတွက်ပါ။ ဥပမာ။။ jailbreak ဘယ်လိုလုပ်ရလဲ။ virus ထိနေလို့။ စတဲ့.. စတဲ့… လုံးဝ enduser တွေအတွက် သီးသန့် site လေးပါ။ Beta version တော့ ရေးပြီးပါပြီ။ MZ 2.0 မိတ်ဆက်ကအတိုင်းပေမယ့် feature တွေတော့ အကုန်မပါသေးပါဘူး။ အဲဒါလေးရအောင်ပါ ve server ပြောင်းလိုက်ရတာပါ။

gridserver က ၁ လကို $20 ပေးရတယ်။ ve ပြောင်းမယ်ဆိုရင် ၁ လကို $30 ပေးရမယ်။ $10 ပဲကွာမယ့် အတူတူ ve ပဲပြောင်းလိုက်တော့မလို့။ လက်ရှိ gs မှာက ဟိုဟာလုပ်မရ ဒီဟာလုပ်မရနဲ့ တော်တော် စိတ်ညစ်ဖို့ ကောင်းတယ်။ ဒါကြောင့် full root ရတဲ့ ve ကို ပြောင်းဖို့ ဆုံးဖြတ်လိုက်တာ။ အဲ.. hosting အလှုငွေက လင်းဇော်ဝင်းဆီက $3.35 နဲ့ ကိုထိုက်မင်း ဆီက $10 ရထားတာပဲ ရှိပါတယ်။ hosting ဖိုးကတော့ ကိုယ့်ဘာသာပဲ ကိုယ်ပေးလိုက်တော့မယ်။ Ornagai ရောင်းတဲ့ ပိုက်ပိုက်က အခုထက်ထိ မဝင်သေးပါ။ Apple ဘယ်တော့မှ လွှဲမလဲမသိ။ သူ့report ထဲမှာတော့ $99 တောင် မပြည့်သေးဘူးပဲ။ report တွေက နေ့စဉ် ရောင်းအား report နဲ့ monthly report ရှိတာ monthly report နဲ့ နေ့စဉ် ရောင်းတဲ့ report က လုံးလုံး မကိုက်။ ဘာလို့ မှန်းလည်း မသိ။ Apple လုပ်သမျှ ကိုယ်က ခေါင်းငုံခံနေရသလိုပဲ။ ကဲ.. ဒါတွေ ထားပါလေ… hosting ပြောင်းခါနီး ကြိုကြေငြာပါအုံးမယ်….

လက်ရှိ saturngod က exiter နဲ့ အတူတူ ဝယ်ထားတဲ့ hosting ကပါ။ MZ hosting နဲ့မဆိုင်ပါဘူး။ ဒါကြောင့် blog နဲ့ macforus ကတော့  down မှာမဟုတ်ပါဘူး။ ကဲ… ပိုက်ပိုက်ကုန်ဖို့ အားတင်းထားရအုံးမယ်.. Django နဲ့ MongoDB လည်း online ပေါ်မှာ စမ်းလို့ရမှာပါလို့ မျှော်လင့်ရင်း…

MZBlogNetwork ကို Flipboard နဲ့ စမ်းကြည့်ထားတာ။