google ကို ရည်ညွှန်းရမယ်လို့ ကျွန်တော် မပြောထားဘူး။ ကျွန်တော်ဆိုလိုတာကတော့ ဘယ် website လိပ်စာမှာ ရှိတယ်။ သွားကြည့်လိုက်လို့ ရေးထားပါတယ်။ ကျွန်တော်ကတော့ လူငယ်တွေ ကြာလေလေ english စာ ညံ့လေလေ မဖြစ်စေချင်လို့ပါ။ နောက်ပြီး သူများကို အရမ်းမှီခိုသွားလိမ့်မယ်။ ကိုယ့်ဘာသာကိုယ်ရပ်တည်နိုင်အောင် ဦးစားပေးမယ်။ လမ်းမလျှောက်တတ်ခင် လမ်းလျှောက်တတ်အောင် သင်ပေးမယ်။ လမ်းလျှောက်တတ်လာရင်တော့ ကိုယ့်ဘာသာကိုယ်ကြိုးစားလျှောက်ပေါ့။ ကိုယ့်မှာလည်း အစွမ်းအစရှိရဲ့နဲ့ ပျောက်ကွယ်နေတာကိုတော့ အားမပေးချင်ဘူး။
google ထဲမှာ ရှာရခက်တယ်။ မှန်တယ်။ မရှာတတ်လို့ ရှာရခက်တာပါ။ MZ မှာ ကျွန်တော်ပြောထားတာက ရှာတွေ့တဲ့ Link လေးကို ပေးဖို့ပါ။ သွား google မှာ သွားရှာလို့ ဘယ် member မှလည်း မရေးထားပါဘူး။ ရေးခွင့်လည်း မပြုနိုင်ဘူး။ ကျွန်တော်တို့က လမ်းညွှန်ပေးနိုင်မယ်။ ခရီးအစအဆုံး ကိုယ့်အားကိုယ်ကိုးပြီး သွားစေချင်တယ်။ ဒါပေမယ့် လမ်းညွှန်တွေနဲ့ သွားရမယ့် ခရီးပဲ ဖြစ်ရမယ်။ ကိုယ်ပိုင် စွမ်းရည်ကို မြင့်တက်စေချင်တယ်။ မြန်မာတွေက တဖြည်းဖြည်း မိမိကိုယ်ကို ယုံကြည်မှုတွေ ပပျောက်လာပြီ။ အထူးသဖြင့် အခုလူငယ်တွေ အင်္ဂလိပ်စာ မတတ်သူရှားတယ်။ ဒါပေမယ့် ဘယ်သူမှ မပြောရဲဘူး။ အင်္ဂလိပ်လိုရေးထားတဲ့ စာတောင် မဖတ်ရဲဘူး။ ဖတ်တောင် မဖတ်ရသေးဘူး။ ကျွန်တော်က အင်္ဂလိပ်စာမှ နားမလည်တာတဲ့။ မင်း အင်္ဂလိပ်စာ နားမလည်ရင် အစအဆုံး ဘာသာပြန်ပေးမယ်ပြောရအောင်လည်း ၈ တန်းကျောင်းသားအရွယ်လေးမဟုတ်တော့ဘူး။ ၁၆ နှစ်ကျော်လာရင် ကိုယ့်အားကိုယ်ကိုးတတ်အောင် လေ့ကျင့်ရမယ်။ တကယ်လို့ မလေ့ကျင်နိုင်ဘူးဆိုရင် နိုင်ငံတကာမှာ တိုးရဲမှာမဟုတ်ဘူး။ နောက်ပြီး အင်္ဂလိပ်စာ အားကောင်းအောင် လေ့ကျင့်ဖို့လိုတယ်။
MZ က လဲကျရင် ထူပေးမယ်။ ခရီးလမ်းဆုံးတဲ့အထိ လမ်းညွှန်မှုတွေပေးနိုင်တယ်။ ကုန်းပိုးပြီးတော့ လမ်းဆုံးတဲ့အထိ လိုက်မပို့ပေးနိုင်ဘူးဗျ။ ကိုယ့်မှာ ခြေတွေ လက်တွေရှိနေတယ်။ မျက်လုံးတစ်စုံကောင်းနေတယ်။ ဉာဏ်လည်းမှီတယ်။ ဒါဆို ဘာကြောက်နေမှာလဲ။ ဉာဏ်မမှီဘူးဆို computer တောင် လေ့လာနိုင်မှာမဟုတ်ဘူး။ ဉာဏ်ကောင်းလို့ Computer ကို လေ့လာဖြစ်တာ။ ဉာဏ်မမှီဘူးလို့ ကိုယ့်ကိုသတ်မှတ်ထားမယ်ဆိုရင် အင်တာနက်တောင် သုံးရဲမှာမဟုတ်ဘူး။ အင်္ဂလိပ်စာ မဖတ်တတ်တာ ဘာမှအားငယ်စရာ မရှိဘူး။ ကြိုးစားပြီး ဖတ်ရင် နားလည်လာမယ်။ ဝါသနာပါတာဆို ကြိုးစားပြီးဖတ်မှာပဲ။ ကိုယ်သိချင်တာဆိုရင် ကြိုးစားပြီးဖတ်မှာပဲ။
Computer ပြသနာတွေ ဖြေရှင်းပေးမယ်။ ဒါပေမယ့် လူ့စွမ်းအား အရင်းအမြစ်မကျရှုံးစေချင်ဘူး။ ကျွန်တော်တို့က ဖြေရှင်းပေးရင်း လူ့စွမ်းအား အရင်းအမြစ်ကို တိုးတက်စေချင်တယ်။ ဒါကျွန်တော်တို့ MZ တစ်ဖွဲ့လုံးရဲ့ စေတနာပဲ။ ဘယ်သူမှ တိုင်းပြည်ကို မဖျက်စီးရက်ဘူး။ မြန်မာတွေရဲ့ တကယ်ရှိတဲ့ စွမ်းအားကို မဖျက်စီးချင်ဘူး။ လူတိုင်းမှာ ကိုယ်ပိုင်စွမ်းအားရှိတယ်။ သူများကို မှီခိုချင်တဲ့စိတ်တွေ တဖြည်းဖြည်းလွှမ်းမိုးချင်းတွေ ခံနေရပြီ။ ကျွန်တော်တို့တွေ ရုန်းထွက်ဖို့လိုအပ်တယ်။ ကိုယ့် တိုင်းပြည်ကို မချစ်ရင်တောင် ကိုယ့်ကိုယ်ချစ်သင့်တယ်။ ကိုယ့်ကို နှစ်မွန်းအောင် မလုပ်သင့်ဘူး။ ကျွန်တော်တို့ လူငယ်တွေမှာ ကိုယ်ပိုင် အင်အားရှိတယ်။ ကိုယ့်အားကိုယ်ကိုးချင်စိတ်ရှိတယ်။ ကိုယ်ပိုင် အစွမ်းရှိတယ်။ ရဲရဲဝင့်ဝင့်ထုတ်ပြလိုက်ပါ။ မသိရင်မေး။ ကျွန်တော်တို့ MZ တစ်ဖွဲ့လုံးက အဖြေရအောင် လမ်းညွှန်မှုတွေ ပေးနိုင်တယ်။ အဖြေရအောင် ကိုယ့်အားကိုယ်ကိုးပြီးရသွားတယ်လို့ ခံစားစေချင်တယ်။ သူပြောလို့ရတာပါ။ ငါ့ဟာငါဆိုရမှာမဟုတ်ဘူး။ သူမရှိရင် မဖြစ်ပါဘူး။ အဲလိုစိတ်ဓာတ်တွေရှိရင် ဖျက်ချလိုက်ပါဗျာ။
