အခုတလော နာမည်ကြီးနေတဲ့ Sencha Touch ကို စမ်းမယ် စမ်းမယ်နဲ့ မစမ်းဖြစ်လို့ အခုစမ်းကြည့်လိုက်တယ်။ တော်တော်မိုက်တာပဲဗျ။ ကိုယ့်မှာ iPad မရှိတော့ iPad view ဘယ်လိုပေါ်လဲဆိုတာကို Simulator နဲ့ပဲကြည့်နေရတယ်။ iPad Simulator က သေးသေးလေး။ Sencha ဆိုတာက ဂျပန် လက်ဖက်စိမ်း လို့ ခေါ်တယ်ထင်တယ်။ သူက jQTouch ထက်သာတာက အများကြီးပဲ။ iPad အတွက်နဲ့ iPhone အတွက် design ကို page တစ်ခုတည်းနဲ့ ဖြစ်အောင် လုပ်လို့ရတာလေးတော့ သဘောကျတယ်။ Code တွေကတော့ weekend မှပဲ လေ့လာတော့မယ်။ အခုတလော လုပ်ချင်တာတွေ အရမ်းများနေတယ်။ အလုပ်မှာလည်း မအားတာနဲ့ တခြားဘာမှ မလုပ်ဖြစ်ဘူး။ အားရင်တော့ ဆံချာ ဆိုတဲ့ဟာလေးနဲ့ Ornagai ကို ပြန်ပြင်မလား စဉ်းစားနေတယ်။

jQTouch က graphic ကော speech ကော နှေးတယ်။ Senchan က ပိုမြန်သလိုပဲ။ ဒါကြောင့် ပြန်ပြင်ဖို့ စဉ်းစားနေတာ။ စမ်းချင်တယ်ဆိုရင် အောက်က link မှာ download ချပြီး စမ်းလို့ရပါတယ်။ iPhone view နဲ့ iPad View တို့ကို Safari နဲ့ ကြည့်ုလို့ရပါတယ်။ Developer Menu လေး on ထားလိုက်ပြီး User Agent မှာ iPhone, iPad စတာတွေ ပြောင်းလို့ရတယ်။ Developer Menu ကို Preference က Advance အောက်မှာ Show Developer Menu ဆိုတဲ့ checkbox လေးကို check လုပ်ပေးလိုက်ရင်ရပြီ။

http://www.sencha.com/products/touch/

Sencha က လူတွေက .NET သမားတွေလားလို့တောင် စဉ်းစားမိလေရဲ့။ ဘာလို့လည်းဆိုတော့ Doc ကြောင့်ပါ။ http://www.sencha.com/deploy/touch/docs/ ကြည့်ရတာ .NET က MSDN Library လိုလိုပါပဲ။ နောက်ပြီး သုံးထားတဲ့ icon တွေက .NET က icon တွေနဲ့ တော်တော်တူတာကြောင့်ပါ။

Amazone က touch screen အတွက် Touchco ကို ဝယ်ဖို့ ကြိုးစားနေပါပြီ။ Kindle အနေနဲ့ iPad ကို ယှဉ်နိုင်မှာမဟုတ်ဘူးဆိုတာ လူတိုင်း သိပြီးသားပါ။ ဘယ်သူတွေ ဘာပြောပြော amazone ရဲ့ Kindle ရဲ့ ပြိုင်ဘက်အနေနဲ့ iPad က ရောက်လာပါပြီ။ Amazone က ဒါကို အစောကြီးကတည်းက ကြိုသိသင့်တယ်။ iPad မထွက်ခင် ကတည်းက ဝယ်ထားသင့်တာ။ Rumor တွေ ဒီလောက်ထွက်နေတဲ့အချိန်ထိ Amazone က Kindle ကို SDK ထုတ်ပေးလိုက်မယ်လို့ ပြောသေးတယ်။ ဒါပေမယ့် သူပြောပြီး မကြာခင်မှာပဲ iPad ကို Steve ကြီးက ပွဲထုတ်လိုက်တော့ သူ့ SDK ကို ဘယ်သူမှ စိတ်မဝင်စားတော့ဘူး။ color ကလည်း မပါ။ touch screen လည်းမဟုတ်ဆိုတော့ iPad ကို လူတွေ ပိုစိတ်ဝင်စားနေတာ မစမ်းဘူးပေါ့။ HP Slate ထုတ်မယ်ဆိုတုန်းကတောင် ဒီလောက် လှုပ်လှုပ်ရှားရှားမဖြစ်သွားဘူး။ iPad လာမယ်ဆိုရော သူလည်း ပြန်လည် ထိုးစစ်ဆင်ဖို့ ကြိုးစားရပြီ။

Kindle က touch screen မပါဘူး။ နောက်ပြီး color မပါတဲ့အတွက်ကြောင့် battery က ၁ ပတ်လောက် ခံတယ်။ အဲ… သူတို့နိုင်ငံမှာက battery ၁ ပတ်လောက် ခံလည်း ဘာလုပ်မှာတုန်း။ မြန်မာနိုင်ငံလို အတွက်ဆိုတော့ မဆိုးဘူးပေါ့။ ၁၀ နာရီ လောက်ပဲ ခံတဲ့ iPad ကို ပို စိတ်ရောက်သွားတာ မစမ်းပါဘူး။ iPad ၁၀ နာရီပဲ ခံတယ်။ ခရီးသွားရင်တောင် ၁၀ နာရီ ကျော်လုံး iPad ကြီး မကြည့်နိုင်ပါဘူးဗျာ။ နောက်ပြီး Laptop ရှိရင် iPad ကို အားသွင်းလို့တောင် ရသေး။ အဲဒီတော့ battery ၁ ပတ် ခံတာ ဘာလုပ်ရမှာတုန်းဗျ။

Kindle ကလည်း Touch screen နဲ့ မကြာခင်မှာ ထပ်ထုတ်တော့မယ် သဘောရှိတယ်။ နောက်ပြီး Google ကလည်း စာအုပ်လောကထဲဝင်လာပြီး နေရာလုအုံးမှာ သေချာတယ်။ အခု Google ကလည်း Tablet ထုတ်ဖို့ကြံနေပြန်ပြီ။ ထုံးစံအတိုင်း Chrome OS ဆိုတော့ လုံးဝလုံးဝ အကုန် internet ရှိမှပဲ ဖြစ်တော့မှာဆိုတော့ စျေးကတော့ iPad ထက် သက်သာနိုင်တယ်။ iPad ထွက်ပြီးတော့ အချို့တွေကလည်း HP Slate ကို စိတ်ရောက်သွားကြပြန်တယ်။ အဓိက အကြောင်းပြချက်တွေက multi tasking နဲ့ flash မရလို့ပါတဲ့။ ဘာပဲပြောပြော နောက် ၃ နှစ် ၄ နှစ်လောက်ဆိုရင် အကုန်လုံး tablet တွေနဲ့ဖြစ်ကုန်ကြတော့မှာပါဗျာ။