Myanmar Ubuntu LoCo Team

Posted on October 6, 2010 by saturngod

MZ မှာ T.K တင်ထားတာတွေ့လို့ပါ။ http://www.mysteryzillion.org/forums/showthread.php/9114-Ubuntu-Myanmar-LoCo-Team ကို ပြန်လည် ဖော်ပြထားပါတယ်။

Myanmar Ubuntu LoCo Team ဖွဲ့စည်းနိုင်ရန်နှင့် Ubuntu အကြောင်း ပိုမိုသိရှိနားလည်ပြီး အသုံးချနိုင်ရန် ရည်ရွယ်ပြီး အောက်တိုဘာလ ၂၃ ရက်နဲ့ ၂၄ ရက်တွေမှာ ဗိုလ်အောင်ကျော်လမ်း နှင့် မဟာဗန္တုလလမ်းဒေါင့်ရှိ BAK Computer Mark ၏ Wifi-FreeZone တွင် Ubuntu အကြောင်း ရှင်းလင်း ဆွေးနွေးပေးသွားမည်ဖြစ်ပါသည်။ Ubuntu အကြောင်း မြန်မာဘာသာဖြင့် Wiki မှ လေ့လာသင်ယူနိုင်ရန် Wiki အား ဖတ်ရှုလေ့လာပုံနှင့် Wiki ၏ နည်းပညာပိုင်း ဆိုင်ရာ သတ်မှတ်ချက်များကို လေ့လာရန်မလိုပဲ Microsoft Word နှင့် OpenOffice ကိုအသုံးပြု၍ Wiki ရေးသား ပြုပြင်ခြင်းများ ပြုလုပ်ပုံကို ရှင်းလင်းပြသ သွားမည် ဖြစ်ပါသည်။
နည်းပညာပိုင်းဆိုင်ရာနှင့် မိမိ၏ လူနေမှုပတ်ဝန်းကျင်အား Web ပေါ်တွင် မျှဝေလိုသူများအတွက် Web + Log ဟုခေါ်ဆိုသော Blog ဝန်ဆောင်မှုကို WordPress Engine ဖြင့် SubDomain နှင့် Hosting အား အခမဲ့ ဝန်ဆောင်မှုပေးသွားမှာဖြစ်ပါတယ်။ WordPress ကို ဇော်ဂျီဖောင့်နှင့် Unicode မြန်မာဖောင့်များ Blog ဖတ်ရှုသူ၏ စက်ထဲတွင်ရှိရန် မလိုအပ်ပဲ Browser တွင် မြန်မာဘာသာဖြင့် မြင်ရအောင် ပြင်ဆင်ထားပြီး မြန်မာဖောင့်များ ထည့်သွင်းထားခြင်းမရှိသော စက်များမှ မြန်မာဘာသာ Post တင်ခြင်းနှင့် Comment ပေးခြင်းများကို ပြုလုပ်နိုင်ရန် စီစဉ်ထားပါသည်။ အခြားသော Blog များဖြစ်သည့် Blogspot, WordPress နှင့် Live Journal များမှ မိမိ post များကို လက်ရှိ WordPress သို့ ထည့်သွင်းနည်းများမှအစ အသုံးချနည်းများအား လက်တွေ့ သင်ကြားပေးမည်ဖြစ်ပါသည်။

Ubuntu LoCo Team ဆိုတာဘာလဲ

Ubuntu Localization Community Team ကို အတိုခေါ်တာပါ။ Ubuntu ကို ဒေသတွင်း အဆင်ပြေစွာ အသုံးပြုနိုင် သုံးစွဲနိုင်အောင် ဆောင်ရွက်ပေးတဲ့ အစုအဝေး အဖွဲ့အစည်းလေးပါ။ တစ်ယောက်ချင်းတွေလဲ ပိုကောင်းအောင်ဆောင်ရွက်နေတာတွေရှိတာပါပဲ။ ဒါပေမယ့် အဖွဲ့အစည်းလေးနဲ့ ဆိုတော့ ၁+၁ = ၁ , ၁+၁=၂ နဲ့ ၁+၁=၀ တို့ထက် သာတဲ့ ၁+၁=၃ ဆိုတာမျိုးဖြစ်လာနိုင်ပါတယ်။ လူတစ်ယောက်နဲ့ တစ်ယောက် ဒါမှမဟုတ် အဖွဲ့အစည်းတစ်ခုနဲ့ တစ်ခုပေါင်းလာရင် ရရှိလာတဲ့ အကျိုးအမြတ်ကို ဆိုလိုတာပါ။ ဒေသတွင်း ဆိုရာမှာ အသုံးချဆော့ဝဲ အသွင်အပြင်နဲ့ ဘာသာစကား လိုဂို အမှတ်အသားနဲ့ ပိုစတာတွေ စတစ်ကာတွေကို ဒေသနဲ့ကိုက်ညီအောင် လွယ်လွယ်ကူကူ အသုံးပြုနိုင်အောင် ဆောင်ရွက်ပြီး ဖြန့်ဖြူးတာကို ဆိုလိုပါတယ်။ ကိုယ်တတ်ကျွမ်းတဲ့ အပိုင်းကို ဝင်ရောက်ကူညီ ပြင်ဆင် ဖြည့်စွက်ရင်းနဲ့ပဲ Localization အတွက် ပိုမိုကိုက်ညီအောင် ပြုပြင်သွားလို့ရပါတယ်။ Open Soure ရဲ့ အနှစ်သာရကို အပြည့်အဝ အသုံးချတယ်လို့ပြောနိုင်တာပေါ့။
Continue reading →

Ubuntu 10.04 Sound Problem

Posted on May 12, 2010 by saturngod

တကယ်လို့ Ubuntu 10.04 မှာ sound မရရင်

terminal ကို သွား။ ပြီးလျှင်

$sudo rm -rf .pulse

လို့ရိုက်ပြီး restart ချလိုက်ပါ။

အဲဒါတောင် မရသေးရင်

$sudo apt-get install –reinstall plusaudio

လို့ရိုက်ပြီး restart ပြန်ချကြည့်ပါ။

sound preference က waiting for sound system to repond ဖြစ်နေရင်တော့ sound preference setting က လက်ရှိ သုံးထားတဲ့ sound card အတွက် preference မရှိလို့ပါ။ အခြား GUI preference ကို သွင်းပေးရပါတယ်။

$sudo apt-get install gnome-alsamixer

ကို သွင်းပေးပြီး Applications > Sound & Video > Gnome ALSA Mixer ကနေ ချိန်ညှိနိုင်ပါတယ်။

OpenSSH

Posted on May 11, 2010 by saturngod

OpenSSH က Ubuntu Server မှာ သွင်းလိုက်တာနဲ့ ပါပြီးသားပါ။ Ubuntu Desktop မှာ မပါသေးရင်

$sudo apt-get install ssh-client ssh-server

ဆိုပြီး သွင်းနိုင်ပါတယ်။

Open SSH က SFTP နဲ့ SSH ကို အသုံးပြုဖို့ပါ။ SFTP နဲ့ SSH ရဲ့ username နဲ့ password ကတော့ Ubuntu account username နဲ့ password နဲ့ အတူတူပါပဲ။ SFTP မှာ permission မရလို့ဝင်မရရင်

/etc/ssh/sshd_config မှာ

RSAAuthentication no
PasswordAuthentication yes

အဲဒီ ၂ ခုပြင်ရသည်။ SSH ကို windows မှာ putty သုံးလို့ရပါတယ်။ တနည်းပြောရင် Ubuntu Server တင်ထားပြီးတော့ Ubuntu server ကို မသွားပဲ putty ကနေ Ubuntu Server ကို လှမ်းပြီး command တွေကို ပို့လို့ရတယ်။ file တင်ချင်ရင် download ဆွဲချင်ရင် SFTP ကို filezilla နဲ့ ချိတ်ပြီးတော့ တင်လို့ရတယ်။ download ဆွဲလို့ရတယ်။ server ဆီ သီးသန့်သွားနေစရာမလိုတော့ဘူး။ အဲဒါက လက်ရှိ VPS server တွေ decided server တွေမှာ အလုပ်လုပ်နေကြတဲ့ ပုံပါပဲ။ SFTP နဲ့ SSH ၂ ခု ရှိရင် server တစ်ခုလုံး ထိန်းလို့ရပါပြီ။

Oh! Ubuntu 10.04 and iPhone SDK 3.2

Posted on April 30, 2010 by saturngod

ဒီနေ့ကတော့ download ဆွဲရတဲ့နေ့လို့ ဆိုရမလားပဲ။ Ubuntu 10.04 လည်း ထွက်ပါပြီ။ ထို့အတွက် iPhone SDK 3.2 ကိုလည်း download ချလို့ရပြီ။ အရင်က Developer license ရှိသူတွေပဲ download ချလို့ရခဲ့ပေမယ့် အခုတော့ download ဆွဲလို့ရသွားပြီ။ နောက်လလောက်ဆိုရင် developer license ဝယ်ရင်ကောင်းမလား စဉ်းစားနေတာ။ လုပ်စရာတွေ များများစားစားမရှိပေမယ့် ဒီအတိုင်း ကလိနေတာ distribute လုပ်လို့မရတော့ အလကားပဲလိုလို ဖြစ်နေတယ်။ အင်း ၉၉ ဒေါ်လာဆိုတော့လည်း နှမြောမိတယ်။ ဘာပဲပြောပြော ဝင်လိုက်ဖို့ကတော့ များပါတယ်။ ဝင်လိုက်မှပဲ သေသေချာချာ ရေးဖြစ်မယ်ထင်တယ်။ အခုက စိတ်ကူးပေါက်ပြီး ရုံးက prototype လေး လုပ်ခိုင်းမှ ထထ ရေးဖြစ်နေတာကတော့ မဟုတ်သေးဘူးထင်တာပဲ။

Continue reading →

Change Time-Zone in Ubuntu

Posted on April 9, 2010 by saturngod

ဒီနေ့ client က feedback ထဲမှာ status message က အချိန်တွေလွဲနေတယ်ဆိုလို့ ကြည့်စရာတောင် မလိုဘူး server time zone ပြဿနာပဲဆိုတာ တန်းသိတယ်။ (ကိုယ် setup လုပ်ထားတဲ့ server ပဲ ကိုယ်သိတာပေါ့။ အဲတုန်းက timezone ကိစ္စမေ့သွားတယ်)

$sudo dpkg-reconfigure tzdata

အဲဒါလေး ရိုက်ပြီး step by step သွားလိုက်ရင် ပြီးသွားတာပဲ။ မှတ်မိအောင် blog ထဲမှာ ရေးထားတာ။

PHP mail() function setup in Ubuntu

Posted on March 26, 2010 by saturngod

ဒီနေ့ Client Server မှာ တင်တော့ mail() function က php မှာ သုံးမရဘူးဖြစ်နေတယ်။ တကယ်တန်းတော့ symfony မှာ ဘာ plugin လဲမသိပါဘူး။ မေ့တောင် မေ့သွားပြီ။ အဲဒါနဲ့တွဲသုံးထားတာ။ mail() function လိုတယ်ဆိုတာနဲ့ mail function enable လုပ်ဖို့ စရပါတော့တယ်။ Ubuntu Server ဆိုတော့ ရှာရတာ အရမ်းလွယ်တယ်။ ဘာမှ မခက်ဘူး။ exim4 ကို သွင်း။ ပြီးရင် config လုပ်။ အဲဒါကလည်း

https://help.ubuntu.com/community/Exim4

အဲဒီမှာ ဖတ်လိုက်လို့ရတယ်။

sudo apt-get install exim4

လို့ သွင်းပြီး

sudo dpkg-reconfigure exim4-config

ဆိုပြီး config လုပ်လိုက်ရုံပဲ။ Config ကလည်း English လိုရေးထားတာပဲလေ။ Wizard နဲ့step by step လုပ်လိုက်တော့ အဆင်ပြေသွားတယ်။ ပြီးတော့ php.ini မှာ

sendmail_path = /usr/sbin/sendmail

ဆိုပြီး သွားထည့်ပေးလိုက်တယ်။ အစက comment ပိတ်ထားတာ။ comment လေး သွားဖွင့် ။ sendmail path လေးထည့်ပေးလိုက်ရုံပဲ။ နောက်ဆုံး apache restart ချ။ ပြန်စမ်းတော့ ရသွားပါလေရော။ သိပ်လည်း မကြာလိုက်ပါဘူး။ နာရီဝက် လောက်ပဲ ကြာတယ်ထင်တယ်။ Ubuntu Server ကို အဲလို လိုချင်တာလေး မြန်မြန် ရှာရတာ လေးကို သဘောကျတာ။

Amzon EC2 & Me

Posted on March 3, 2010 by saturngod

ပြီးခဲ့တဲ့ အပတ်က Amazon EC2 server ကို ကိုင်ရတယ်။ client သုံးမယ်ဆိုလို့ ရုံးက ဝယ်ပေးတဲ့ server ပေါ့။ project တွေအားလုံးက လက်ရှိ Linux Server ပေါ်မှာပဲ run နေတာကြောင့် Amazon Ec2 မှာလည်း Linux တင်ပြီး Web Server လေး တစ်ခုကို ရုံးက ဆောက်ခိုင်းတယ်။ ရုံးမှာက Linux ပိုင်း သိတာ ဆိုလို့ လူက များများစားစား မရှိတာကြောင့် Amazon EC2 ကြီးကို ကိုင်ဖို့တာဝန်က ကိုယ့်ပေါ်ရောက်လာပြီ။ အဲဒီနေ့မတိုင်ခင်ကလည်း VPS တစ်လုံးနဲ့ web server ကော symfony ကော သွင်းလိုက်ရသေးတယ်။ ဒါကြောင့် Amazon EC2 ကြီးကို ကိုင်ရမှာ သိပ်တော့ မလန့်တာလည်း ပါမှာပေါ့။ ရုံးကလူတွေကလည်း တစ်ယောက်မှ မသုံးဖူးဘူးဆိုတော့ မသိရင် မေးရမှာလည်း ပြဿနာပဲ။ ရှောင်လင် ကတော့ facebook မှာ ပြောပါတယ်။ VPS နဲ့မတူဘူးလို့။ တကယ်လည်း aws ထဲလည်း ဝင်ရော … အားပါးပါး… ရေလည်မိုက်တယ်။ Instances တွေကို ဆောက်ရတာ မြန်သလားမမေးနဲ့။ ဟိုကြည့်ဒီကြည့် နဲ့ video ထိုင်ကြည့်လိုက်တာ သဘောတော့ပေါက်သွားတယ်။

Continue reading →

Cron job

Posted on February 16, 2010 by saturngod

cron job ဆိုတာ windows မှာ schedule နဲ့ အတူတူပါပဲ။ cron job က မတူတဲ့အပိုင်းကတော့ cron file ရေးရတာပဲ။ သူ့ format က ဒီလိုရေးပါတယ်။

minute (0-59), hour (0-23, 0 = midnight), day (1-31), month (1-12), weekday (0-6, 0 = Sunday), command

ဥပမာ

01 04 1 1 1 /usr/bin/somedirectory/somecommand

အမြဲတန်းဆိုရင်တော့ * ကို အသုံးပြုနိုင်ပါတယ်။

01 04 * * * /usr/bin/somedirectory/somecommand

အဲဒါက every day,every month, every week လို့ပြောလိုက်တာပါ။

cron job ကို အသုံးပြုဖို့ crontab ဆိုတဲ့ command line နဲ့ အသုံးပြုတယ်။

$crontab filename Add by file name
$crontab -e Edit in comand line Editor
$crontab -l Cron List
$crontab -r Remove

command ကို sh file အနေနဲ့ အသုံးပြုလို့ရပါတယ်။

cron job ကို အထူးသဖြင့် backup လုပ်တဲ့နေရာတွေမှာ အသုံးပြုတတ်ကြပါတယ်။ Unix like system တွေအတွက် အလွန်ကို အသုံးဝင်ပါတယ်။

Saturngod

What's on my mind

Tag Archives: Ubuntu