သောကြာနေ့ ည က blog ကို rackspace server ပြောင်းလိုက်တယ်။ VPS ကို ပြောင်းလိုက်တယ်ဆိုတာကလည်း Node.js ကို စမ်းချင်တာရယ် နောက်ပြီးတော့ MZ hosting က ရက်ပြည့်တော့မှာ ဆိုတော့ လက်ရှိ hosting ကိုလည်း သဘောမကျတာကြောင့် ပြောင်းဖို့ ဆုံးဖြတ်လိုက်တာ။ ဘယ် host ကို ပြောင်းမလဲစဉ်းစားတော့ Rackspace ကိုပဲ ခေါင်းထဲ ပြေးမြင်တယ်။ တကယ်တန်း ပြောင်းချင်တာကတော့ AWS ပေါ့။ သို့ပေမယ့် ပိုက်ဆံ က အဲလောက် မတတ်နိုင်။ ဒါကြောင့် rackspace ကိုပဲ ပြောင်းဖြစ်တော့တယ်။

ဟိုးအရင်ကတည်းက ကျွန်တော် Nginx အကြောင်းပြောဖူးပါတယ်။ သို့ပေမယ့် အခုလို နဖူးတွေ့ ဒူးတွေ ကြုံရတော့ ဘာလုပ်လို့ ဘာကိုင်ရမှန်းမသိ။ .php ကိုတော့ run ပါပြီတဲ့ wordpress ကတော့ run မရ။ .htaccess အစား config တွေကို သွားပြင်ရတာဆိုတော့ ပြဿနာက ကြုံကော။ wordpress အတွက် အမျိုးမျိုး စမ်းပေမယ့် မရ။ နောက်ဆုံးတော့ http://codex.wordpress.org/Nginx နဲ့ ရသွားတယ်။

Nginx နဲ့ php ကို သွင်းဖို့ အတွက်ကတော့ အစက fastcgi သွားသုံးတော့ တချက်တချက် ပြုတ်ပြုတ်ကျသွားတယ်။ ဒါနဲ့ fastcgi ကို သွားပြန် run နေရတယ်။ နောက်တော့ မဟုတ်သေးပါဘူးဆိုပြီး ရှာကြည့်တော့ phpfpm နဲ့ install လုပ်ပုံကို ဒီမှာ ရေးထားတာကိုတွေ့တယ်။ ဒါနဲ့ မပြီးသေးဘူး။ site ကြီးက နှေးနေပြန်ကော။ တချက်တချက် မတက်လာ။ ဒါနဲ့ super cache ကို ခံ။ nginx config ကို ပြန်ပြင်။ ဒါလည်း မထူးသေးဘူး။ နောက်မှ config တွေကို ကြည့်မိတော့

upstream backend {
server 127.0.0.1:9000;
}

ဆိုတာ ကျန်ခဲ့တယ်။ ဒါကြောင့် ဖြစ်မယ်ဆိုပြီး စမ်းကြည့်တော့ ချောချောမောမောနဲ့ ရသွားပါလေရောဗျာ။ ကျွန်တော့် အတွက်ကတော့ Apache နဲ့ လုပ်လိုက်ရင် ၁ ရက်တောင် မကြာပေမယ့် nginx ကတော့ ၂ ည လောက် အိပ်ရေးပျက်သွားရတယ်။ အခုတော့လည်း nginx config လေး မဆိုသလောက် သိလာရတာပေါ့။ လက်ရှိ blog က video.saturngod.net ကို ပြောင်းဖို့ လုပ်ရမယ်။ ပြောင်းတာက ကိစ္စ မရှိဘူး။ အခု rackspace က video streaming ဆိုရင် bandwidth တော်တော်ကုန်မှာ။ ဒါကြောင့် rackspace cloud file ကို သုံးရမယ့် ပုံစံ ဖြစ်နေတယ်။ ဒါကို တချက်ကြည့်ရအုံးမယ်။ အဲဒါပြီးမှ ပြောင်းဖို့ စဉ်းစားရမယ်။ ဒီညတော့ ornagai ပြောင်းမယ်။ နောက်အပတ် MZ ပြောင်းမယ်။ ပြောင်းတဲ့ အခါမှာတော့ ဘာပြဿနာတွေ ထပ်ကြုံနေအုံးမယ်ဆိုတော့ မသိနိုင်သေးပါဘူးဗျာ။

ပြီးခဲ့တဲ့ အပတ်က project တစ်ခုမှာ Custom Post Type ကို အသုံးပြုလိုက်ရတယ်။ Custom Post Type နဲ့ အတူ Custom taxonomy ကို ပါ သုံးလိုက်ရတယ်။ ဘာလို့ သုံးရတာလဲ။ တကယ်တန်းတော့ Post တစ်ခုတည်းနဲ့ တင်ရပါတယ်။ WordPress 3 မတိုင်ခင်ကဆိုရင်တော့ Post နဲ့ တင်ဖြစ်ပါတယ်။ WordPress 3 မှာ Custom Post Type နဲ့ Custom taxonomy ပါလာလို့ စမ်းချင်တာကြောင့်လည်းပါတယ်။ Custom Post Type နဲ့ Custom Taxonomy မရှိခင်တုန်းက Post မှာတင် ရှုပ်နေတာပဲ။ Custom Field တွေကလည်း တော်တော်ရှုပ်တယ်။ Category တွေက အရမ်းများသွားတယ်။ ဥပမာ။။ Country နဲ့ Brand ဆိုပြီး category အောက်မှာ sub category ရှိတယ်ဗျာ။ အဲဒီတော့ User က Add New မှာ တင်တော်တော် လေးကို ရွေးရခက်တယ်။ Country Category ကိုလည်း check လုပ်ဖို့ လိုသလို Brand Category ထဲက တစ်ခုကိုလည်း check လုပ်ရပါတယ်။

ဒီတော့ ဘာဖြစ်လည်းဆိုတော့ သုံးရတာ မျက်စိရှုပ်တာပေါ့။ Custom Post Type နဲ့ Custom Taxonomy ပေါ်လာတဲ့ အခါမှာ Category တွေ များတဲ့ ပြဿနာကို ဖြေရှင်းပြီးသား ဖြစ်သွားတယ်။ ဥပမာ။။ Product တစ်ခုအတွက် Category က Country တွေ နဲ့ Brand Name တစ်ခုခုပေါ့။ သမာရိုးကျဆိုရင် Posts > Add New မှာ Category ထဲကနေ Country ရွေးရမယ် နောက်ပြီး Brand Name ကိုလည်း check လုပ်ခဲ့ရမှာပေါ့။ ပြီးရင် Custom Field အနေနဲ့ Price နဲ့ Address ကိုလည်း ရွေးပြီး ဖြည့်ပေးရမယ်။ add_meta_box ကို သုံးရင်လည်း ရပါတယ်။ သို့ပေမယ့် Product မဟုတ်တဲ့ Post တွေ အတွက် မျက်စိနောက်စရာပေါ့။

Custom Post Type ကြောင့် Products > Add New ဆိုပြီး သွားလို့ရပြီလေ။ နောက်ပြီး add_meta_box နဲ့ တွဲသုံးလိုက်တော့ Custom Filed ရွေးစရာမလိုတော့ဘူး။ အဲဒါအပြင် Category အစား Brand နဲ့ Country ဆိုပြီး Taxonomy သီးသန့်ပါလာတာပေါ့။ အဲဒီတော့ user ကလည်း ရှင်းသွားပြီ။ Product အသစ်ထည့်ချင်ရင် Products > Add New သွားပြီး ဖြည့်လိုက်ရုံပဲလေ။

အဲဒါကို ဘယ်လိုရေးရသလဲဆိုတာကတော့ ထွေထွေထူးထူး မရှာလိုက်ရဘူး။ net.Tutsplus.com မှာ အရန်သင့်ပါဗျာ။ အဲဒါလေးကို ဖတ်ပြီးလုပ်လိုက်တာပဲ။

• Rock-Solid WordPress 3.0 Themes using Custom Post Types
• Introducing WordPress 3 Custom Taxonomies

ဒီနေ့ Theme ပြောင်းချင်တာနဲ့ Theme တွေ ရှာတာ စိတ်ကြိုက်မတွေ့ဘူး။ ဒါနဲ့ တစ်ခါတစ်လေ ကိုယ့်ဘာသာကိုယ် ဆွဲကြည့်ပါမယ်လေဆိုပြီး စမ်းဆွဲလိုက်တာ အခု လက်ရှိ Theme ဖြစ်သွားတယ်။ WordPress 3.0 menu ကို သုံးထားတယ်။ Widget support လုပ်အောင် ရေးထားတယ်။ design အကြမ်းကိုတော့ http://iphone.appstorm.net ကနေ အခြေခံထားတယ်။ အခုထက်ထိတော့ အလုံးစုံတော့ မပြီးသေးဘူး။ ၁၀ နာရီလောက်က စဆွဲလိုက်တာ ၃ နာရီလောက်မှာတော့ အကြမ်းထည်လေး ပြီးသွားတယ် ဆိုရမယ်။ အခု Design ကို 960gs css framework နဲ့ ပဲ ဆောက်ထားတယ်။ နောက်ပြီး color scheme ကို ပြင်လို့ရအောင် color scheme အတွက် သီးသန့် CSS ခွဲထုတ်ထားတယ်။

နောက်ပြီးတော့ Feature Image support လုပ်အောင် လည်း ပြန်ပြင်လိုက်တော့။ တော်တော်လေးတော့ မိုက်သွားပြီ။ Mac For Us ကိုလည်း ပြောင်းချင်နေတာကြာပြီ။ အစ အဓိက macforus အတွက် ဆွဲရင်း လက်ရှိ blog အတွက် ဖြစ်သွားတာပဲ။ အခု design က ကိုယ်တိုင်လုပ်ထားလို့လားမသိဘူး သဘောကျတယ်။ footer ပိုင်းတွေ ပြင်ဖို့လိုသေးတယ်။ မနက်ဖြန်မှပဲ လိုတာလေးတွေ ထပ်ဖြည့်လိုက်တော့မယ်။ အခုတော့ အိပ်ပြီဗျာ။

ဟိုနေ့က iReader လေး ရေးရင်း iReader မသုံးပဲနဲ့ကော blog တွေမှာ ပေါ်အောင် လုပ်လို့မရဘူးလား လို့စဉ်းစားမိတယ်။ iReader က readability နဲ့ safari reader ၂ ခုကို ပေါင်းထားတာ။ ဒါနဲ့ readability ကို သုံးဖို့ ဆုံးဖြတ်လိုက်တာ။ အဲဒါနဲ့ wordpress plugin တစ်ခု ကောက်ရေးပြီး လက်ရှိ blog နဲ့ mz blog မှာ စမ်းထားတယ်။ public တော့ မထုတ်သေးဘူး။ public ထုတ်ရင် setting တွေထည့်ရမှာ အလုပ်ရှုပ်လို့။ setting page လေး မရေးချင်လို့ public ကတော့ စိတ်ကူးပေါက်မှပဲ ထုတ်တော့တယ်။ အခု MZ blog နဲ့ ကျွန်တော့် blog ကို pdf ထုတ်ချင်တဲ့သူတွေကတော့ readability ဆိုတာလေးကို နှိပ်ပြီး ဘယ်ဘက်က print နဲ့ ထုတ်လို့ရတယ်။ အဲ.. pdf printer တော့ ရှိဖို့လိုတာပေါ့။

wordpress ကို သာမာန်တော်တော်များများက blog လိုပဲ အသုံးပြုနေပါတယ်။ လက်ရှိ အလုပ်က wordpress ကို အဓိက ထားပြီး website တွေ ဆောက်တော့ wordpress ဘယ်လောက်ထိ လုပ်နိုင်သလဲဆိုတာကို သိလာပါတယ်။ တကယ်တော့ wordpress က framework လို အသုံးပြုရင်တောင် ရတယ်။ admin panel ready framework ပေါ့ဗျာ။ admin panel သီးသန့် ထပ်ရေးစရာမလိုပဲ web application တွေ ရေးလို့ ရလာတယ်ဆိုတာကို သိလာတယ်။ ဥပမာ။။ question & answer system ဆိုပါဆို့။ ကျွန်တော် အခု MZ user ကို ကိုယ်ပိုင် framework နဲ့ ဆောက်နေတုန်း တစ်ခု စဉ်းစားမိတယ်။ wordpress နဲ့Q&A site ဆောက်လို့ မရဘူးလား။ ရတာပေါ့။ တကယ်ရပါတယ်။ Question & Answer system မှာ Question ကို Post လို့ သတ်မှတ်ပြီး Answer တွေကို comment လို့ သတ်မှတ်လိုက်လို့ရတယ်။ Question အတွက် comment အတွက်တော့ comment system တစ်ခု နည်းနည်း ပြန်ပြင်ရေးရမယ်။ သိပ်မခက်ပါဘူး။ Answer အတွက် comment ကတော့ ပြန်ရေးစရာမလိုဘူး။ wordpress ရဲ့ comment က thread system ပါပြီးသားပဲ။  နောက်ပြီးတော့ reputation အတွက် ပြန်ပြင်ရေးဖို့ပဲ လိုတယ်။ ဒါပဲ ရှိတယ်။ သိပ်အများကြီးတောင် မလိုပဲ အကုန်ပြီးသွားလောက်ပါတယ်။

wordpress မှာ အဓိကက plugin နဲ့ theme ပါ။ theme က PHP file တွေပါပဲ။ သူ့ theme structure အတိုင်း ဆောက်ပေးပြီးရင် ကိုယ်လိုချင်တာတွေကို page template အနေနဲ့ ဖန်တီးလိုက်ရုံပဲ။ ကျွန်တော် wordpress ကို သုံးပြီးတော့ MZ Blog ကို ဆောက်ထားတယ်။ user အနေနဲ့ facebook connect ဝင်ပြီးတော့ လွယ်လွယ်ကူကူ post တင်လို့ ရတယ်။ admin panel ဝင်စရာမလိုဘူး။ profile ပြင်လို့ရတယ်။ အစကနေ scratch ရေးနေရင် wordpress ကို သုံးတာလောက် မကောင်းဘူးဆိုတာ သေချာတယ်။ လွန်ခဲ့တဲ့ ၁ နှစ် ခွဲလောက်တုန်းက ကိုဘလာဂေါက်က ပြောတယ်။ wordpress ကို သုံးမယ်။ Admin panel ကြီးကို မပြချင်ဘူးကွာ။ သီးသန့် panel လိုချင်တယ်လို့ ပြောတုန်းက ဟာ မလွယ်တဲ့ ကိစ္စလို့ ပြောမိသေးတာကို MZ Edu လုပ်တော့မှ အော်.. ငါမှားသွားတယ် ဆိုတာကို သိလိုက်ရတယ်။

wordpress မှ မဟုတ်ပါဘူး။ Joomla, Drupal စတာတွေလည်း ဒီအတိုင်းပါပဲ။ CMS ပဲဖြစ်ဖြစ် Blog ပဲ ဖြစ်ဖြစ် ကျွမ်းကျွမ်းကျင်ကျင် တတ်မြောက်သွားရင် အဲဒါကို အသုံးချပြီး စိတ်ကြိုက် ဖန်တီးနိုင်ပါတယ်။ ဟို plugin မရှိဘူး။ ဒီ plugin မရှိဘူးဆိုတာတွေက မဟုတ်တော့ပါဘူး။ အခုဆို plugin ရှာတယ်။ မတွေ့ဘူး။ မတွေ့ရင် ကိုယ့်ဘာသာကိုယ် ရေးချတာ အကျင့်ဖြစ်နေပြီ။ အရင်တုန်းကလို plugin တစ်ခုကို မတွေ့မချင်းရှာ။ နောက်ဆုံး မတွေ့လိုက်တာပဲ ရှိတယ်။ အချိန်က ၂ရက်လောက် ကုန်သွားတယ်။ တချို့ လွယ်လွယ်ကူကူလေးတွေကို plugin တစ်ခု ချရေးလိုက်တာက ၁ ရက်လောက်ပဲ ကြာတာလေးတွေ ရှိသလို ၂ ရက် ၃ ရက်လောက် ကြာသွားတာတွေလည်း ရှိပါတယ်။ နောက်ပြီး အချို့ အပိုင်းတွေက plugin ထက် template ကို အားကိုးရတဲ့ အပိုင်းတွေလည်း ရှိတယ်။ wordpress ကို customize လုပ်ရင် template မှာ ပြင်သင့်လား plugin ရေးသင့်လားဆိုတာကို သေချာ သိဖို့ လည်း လိုအပ်ပါတယ်။ ဘာပဲပြောပြော အခုထက်ထိ ကျွန်တော် wordpress ကို သဘောကျ နှစ်ခြိုက်နေတုန်းပါပဲ။ ဘာဖြစ်လို့လည်းဆိုတော့ ကျွန်တော်လုပ်ချင်တာတွေ တော်တော်များများ wordpress နဲ့ လုပ်နိုင်သေးတယ်။ အချို့ အရာတွေကတော့ မလုပ်နိုင်တာလေးတွေလည်း ရှိပါတယ်။ အချို့ project လေးတွေက wordpress သုံးမယ့်အစား scratch ကနေ စလိုက်တာက မြန်တာလေးတွေလည်း ရှိပါတယ်ဗျာ။

WP Touch ကို update လုပ်လိုက်တာ Zawgyi font က iPhone ပေါ်မှာ မပေါ်တော့ဘူး။ ဒါနဲ့ ဘာလို့လည်း တော်တော်အဖြေရှာလိုက်ရတယ်။ css တွေဖျက်။ javascript တွေ ဖျက်။ ဘာမှမထူး။ နောက်ဆုံးတော့မှ Doctype ပြဿနာ ဖြစ်နေတယ်။

wp-content/plugins/wptouch/themes/core/core-header.php

အဲဒီက

<!DOCTYPE html PUBLIC “-//W3C//DTD XHTML 1.0 Transitional//EN” “http://www.w3.org/TR/xhtml1/DTD/xhtml1-transitional.dtd”>

ဆိုတာကို remove လုပ်လိုက်ရင် ရတယ်။ iDevice က Safari တစ်ခုတည်းက အဲဒီ ပြဿနာ ရှိတယ်ထင်တာပဲ။ အဲဒီ DOCTYPE ကြေငြာတာလေး ဖြုတ်လိုက်တော့ အလုပ်လုပ်သွားပါလေရော။

လက်ရှိ mobile တွေမှာ ဇော်ဂျီ font default မပါလာပါဘူး။ mobile တွေကနေ ကြည့်ရင် ကိုယ့် site မှာ မြန်မာလို မမြင်ရတဲ့အတွက် အဆင်မပြေကြပါဘူး။ jailbreak မလုပ်ချင်တဲ့သူတွေ လုပ်လို့မရသေးတဲ့သူတွေအတွက်ပါ ကိုယ့် site ကို မြင်ချင်ရင် အောက်က plugin လေးကို download ချပြီး သွင်းလိုက်ရင် အဆင်ပြေပါလိမ့်မယ်။ ကျွန်တော်ကတော့ လက်ရှိ wp touch plugin ကို Mobile အတွက် သုံးထားပါတယ်။

svg font အတွက် ထူးတေဇာ ရေးဘူးတာရှိပါတယ်။ အခု plugin အတွက် svg font ကိုလည်း ထူးတေဇာ အကူအညီနဲ့ လုပ်ထားတာပါ။ အခု font မှာတော့ တေဇာ့ plugin တုန်းက လိုတာလေးတွေ ထပ်ပြင်ထားပြီး svg အတွက်သာမက အခြား browser တော်တော်များများနဲ့ အဆင်ပြေအောင် လုပ်ထားပါတယ်။ Android, iPhone , iPodTouch, iPad အပြင် ကိုယ့် website ကို လာကြည့်တဲ့လူတွေ စက်ထဲမှာ font မရှိလည်း မြင်ရအောင် လုပ်ထားတယ်။ အရင်ဆုံး local ကနေ font ရှာတယ်။ font ရှိရင် လုပ်တယ်။ font မရှိရင် download ဆွဲတယ်။ @font-face ကိုပဲ သုံးထားတာပါ။ source code ကို ဖတ်ပြီး စိတ်ကြိုက် ယူသုံးလို့ရပါတယ်။

http://wordpress.org/extend/plugins/zawgyi-embed/

WordPress 3.0 မှာ Menu ဆိုတာ ထပ်ပါလာပါတယ်။ Menu က theme အဟောင်းတွေမှာ သုံးလို့မရပါဘူး။ Menu ကို သုံးမယ်ဆိုရင် menu register လုပ်မှရပါတယ်။
[lang name="php"]
// To allow to use Nav
register_nav_menus( array(
‘primary’ => ‘Menu Description’,
‘secondary’=>’Second Menu Description’,
) ); [/lang]

Primary ကတော့ id ပေါ့။ Primary Navigation ကတော့  Description အတွက်ပါ။ array နဲ့ တစ်ကြိမ်တည်းမှာ Menu တွေအများကြီးထည့်သွားဖို့အတွက်ပေါ့။ Menu တစ်ခုပဲ သုံးမယ်ဆိုရင်တော့
[lang name="php"]
register_nav_menu( “primary”, “Menu Description”  );
[/lang]
ကို ခေါ်သုံးရင်ရပါတယ်။
Menu ကို template မှာ ခေါ်သုံးချင်တယ်ဆိုရင်တော့
[lang name="php"]
// Call menu setting
<?php wp_nav_menu( array( ‘container_class’ => ‘menu-header’, ‘theme_location’ => ‘primary’ ) ); ?>
[/lang]
လို့ ခေါ်ပြီး သုံးလို့ရပါတယ်။ theme_location က ကိုယ်ပေးထားခဲ့တဲ့ ID ကို  ခေါ်ဖို့ပါ။ nav menu က အရင်တုန်းကထက် ကောင်းတာတွေ container တွေထည့်လို့ရတယ်။ id နဲ့ class ကို ကိုယ့် စိတ်ကြိုက်ပေးလို့ရတယ်။ array list ကိုတော့ ဒီမှာ ဖတ်ကြည့်လိုက်ပါ။

မနေ့တုန်း အစည်းအဝေးမှာ blog content တွေအကြောင်း ပြောတယ်။ company တစ်ခုရဲ့ blog content က အရေးပါသလို ငွေပေါင်းမြောက်မြားစွာ ရအောင်လည်း ဖန်တီးပေးနိုင်တယ်ဆိုတာလည်း သိလိုက်ရတယ်။ CMS နဲ့ blog က မတူပါဘူး။ ဆင်မယောင်နဲ့ ကွဲပြားပါတယ်။ CMS ဖြစ်တဲ့ joomla တို့ drupal တို့ နဲ့ blog engine ဖြစ်တဲ့ wordpress တို့နဲ့ ပုံစံ သွင်ပြင်ကွာပါတယ်။ အတော်များများက CMS နဲ့ blog မကွဲပြားကြဘူး။

Content Management System

CMS ဆိုတာကတော့ content management system ဆိုတဲ့ content တွေကို အလေးပေးတဲ့ ပုံစံ design ပြုလုပ်ထားပါတယ်။ ဒါကြောင့် content တစ်ခုကို ပြင်တာ ဖျက်တာတို့ စတာတွေအတွက် roll တွေပါသလို permission တွေလည်း ပါလာတယ်။ လွန်ခဲ့တဲ့ ၃ နှစ် ၄ နှစ်လောက်တုန်းက CMS က အရမ်းခေတ်စားတဲ့ အချိန်လို့ ဆိုလို့ရမယ်။ site တော်တော်များများကလည်း CMS တွေ ပြောင်းလာခဲ့တယ်။ CMS က ကျွန်တော်တို့တွေအနေနဲ့ ဘယ်မှာ အသုံးများလဲဆိုတော့ company site တွေ အစိုးရဌာန site တွေမှာ အသုံးများတယ်။ ဘာဖြစ်လို့လည်းဆိုတော့ အမြဲ update ဖြစ်နေမှာ မဟုတ်သလို အမြဲတန်းလည်း ၁ ပတ် ၁ခါ လောက်လည်း အသစ်တွေ ထွက်နေမှာမဟုတ်ဘူး။ တစ်ခါတစ်လေမှ အသစ်တွေ တင်တော့ အမြဲတန်း ပြင်နေဖို့ မလိုဘူး။ Content တွေက များနိုင်တဲ့အတွက် CMS က အဆင်ပြေပါတယ်။ နောက်ပြီး block structure ကိုလည်း အလေးထားတယ်။

Blog

Blog ဆိုတာကတော့ Blog ပေါ့ဗျာ။ WordPress 2.6 လောက်က စပြီး wordpress ကတော်တော်လေး ပေါက်လာတယ်။ အခုဆို site တော်တော်များများက CMS ထက် blog ကို ကူးပြောင်းလာပြီ။ Blog နဲ့ CMS အသုံးပြုတဲ့နေရာ အဓိက မတူတာကတော့ Blog ကအမြဲ update ဖြစ်နေတယ်။ နောက်ပြီး blog တွေမျာ block structure ထက်စာရင် content ကို ပိုအားပေးတယ်။ အဓိက design တည်ဆောက်ပုံကွာသေးတယ်။ Joomla နဲ့ တည်ဆောက်ထားတဲ့ site တွေက block structure ကို အဓိကထားတာကို တွေ့နိုင်ပြီး wordpress site တွေကတော့ sidebar လောက်သာ ပါဝင်ပြီး content တွေ အမြဲ update လုပ်တာကို အလေးထားတာကိုတွေ့နိုင်တယ်။ နောက်ပြီး သူက Roll တွေ အများကြီး မလိုဘူး။ author နဲ့ editor ပဲ လိုတယ်။

Why we need to write blog ?

Blog နဲ့CMS အကြောင်းပြောလိုက်တာနဲ့ ပြောမယ့်အကြောင်းတောင် ပျောက်သွားတယ်။ ကျွန်တော်တို့ ပုံမှန် personal blog မဟုတ်ပဲ company blog ဘာလို့ လိုလည်းဆိုတော့ client တွေက company အကြောင်းကို သိချင်ရင် အရင်ဆုံး website ကို ဝင်ကြမှာပဲ။ website ဆိုတာက website ဆိုတဲ့ အတိုင်း အကြောင်းအရာတွေလောက်ပဲပါမှာပေါ့။ အရင်တုန်းကဆို အဲဒါက လုံလောက်ပေမယ့် အခုအချိန်မှာတော့ company’s blog ဟာ အရေးပါလာပြီ။ project တစ်ခုကို ရဖို့ လူ ၅ ယောက်လောက်ပြိုင်ပြီး fight ရတာ။ ဒီတော့ ကိုယ့် company blog ကို client က ကြည့်လိုက်ရုံနဲ့ developer တွေရဲ့ skill တွေကို သိသွားနိုင်ရမယ်။ designer တွေရဲ့ skill တွေကို သိနိုင်ရမယ်။ နောက်ပြီး company မှာရှိတဲ့သူတွေရဲ့ knowledge ကို ဖော်ပြပေးတာလည်း ဖြစ်နေရမယ်။ နောက်တချက်က SEO ပဲ။ content တွေ များလာရင် search engine မှာ ရှာလို့ တွေ့လာနိုင်မယ်။ ဒါဟာ ကြော်ငြာပြီးသားလည်း ဖြစ်တယ်။ ပြောသွားတာတွေကတော့ အများကြီးပဲ မှတ်မိသလောက်ပဲ ပြန်ရေးချထားတာ။ ဘာပဲပြောပြော ပညာတစ်ခုတော့ ရလိုက်တာပေါ့။ ရန်ကုန်က company မှာတော့ company’s blog ရယ်လို့ ထားတာတော့ သိပ်မတွေ့ရဘူး။ client တွေကလည်း website ကို ကြည့်တဲ့ ပုံလည်း မပေါ်ပါဘူး။ ကဲ…. ထားပါ။ နောက်ပြီးတော့ blog content တွေကို ဘယ်လိုရေးရမယ်။ ဘယ်လို ရေးသင့်တယ်ဆိုတာလည်း သိလိုက်ရတယ်။

//not use theme
define(‘WP_USE_THEMES’, false);

//load wordpress core
require(‘./wp-blog-header.php’);