ဘာလိုလိုနဲ့ youtube ငါးနှစ်ပြည့်သွားပေမယ့် youtube ကို အားပါးတရ သုံးခွင့်ရတာ ကျွန်တော့်အတွက်တော့ ၁နှစ်တောင် မရှိသေးဘူး။ youtube ကနေ လေ့လာလို့ရခဲ့တဲ့ သင်ခန်းစာတွေ ဗဟုသုတတွေ နည်းပညာတွေ သတင်းတွေ အများကြီးပဲ။ နောက်ပြီး ကျွန်တော် သဘောကျတဲ့ အဆိုတော် Jayesslee ဆိုတဲ့ နာမည်နဲ့ ညီမ ၂ ယောက် ဆိုတဲ့ သီချင်းတွေကို အမြဲ နားထောင်လို့ရတယ်။ WongFuProductions ရဲ့ ရိုက်ချက်တွေကို စဉ်ဆက်မပြတ်စောင့်ကြည့်ဖြစ်တယ်။ Stevespanglerscience က ဗဟုသုတရစေတယ်။ အများကြီးပဲဗျာ။ Happy Birthday YouTube !!! အခုအချိန်ဆို 2 Billions per Day View အထိ ရောက်လာတဲ့ youtube , ဒီလိုနေ့ရက် မတိုင်ခင်က youtube နေ့ရက်တွေကို video လေးပြန်လုပ်ထားတာတွေ့လိုက်ရတယ်။ တိုပေမယ့် ထိရောက်တယ်။

http://video.saturngod.net/other-source/youtube-5-year-old-birthday

မှာ ကြည့်လို့ရပါတယ်။

youtube မူရင်း link ကတော့

http://www.youtube.com/watch?v=Tlmho7SY-ic

ဒီနေ့ထူးထူးခြားခြား youtube မှာ python error တက်နေတာကိုလည်း တွေ့လိုက်ရသေးတယ်။

အခုမှ သိလိုက်တယ်။ ကျွန်တော် မသိပဲ ပြောင်းလဲသွားတာ အများကြီး ဖြစ်သွားတာပဲ။ ကျွန်တော့်အနေနဲ့ အများကြီး နောက်ကျနေမှန်း အခုတလောမှ သိလိုက်ရတာတွေ ရှိတယ်။ အဓိကတော့ ပြောင်းလဲမှုတွေကို မျက်ခြေမပြတ်မလိုက်နိုင်လိုက်တာလဲပါတာပေါ့။ ကျွန်တော် မသိပဲ ဖြစ်သွားတာတွေက

API

ရန်ကုန်မှာနေတုန်းက API ဆိုလို့ Google Map API ပဲသုံးဖူးတယ်။ အခြား API တွေ သုံးရအောင်လည်း သုံးစရာ နေရာမရှိသလို သုံးဖို့လည်း မစဉ်းစားမိဘူး။ သုံးဖို့လည်း လိုချင်မှ လိုလိမ့်မယ်လို့ ထင်မိနေတာလားတော့ မသိဘူး။ API လောက ဘာတွေ ပြောင်းလဲသွားပြီဆိုတာကို လုံးဝလုံးဝကို မသိလိုက်ဘူး။ Google IO ပွဲတွေကိုလည်း စောင့်မကြည့်တတ်တာပါပါတယ်။ နောက်ပြီး web related conference တွေလည်း မတက်ဘူးဖူး။ နောက်ဆိုရင်တော့ register ဖိုးပေးရပေမယ့် တက်မယ်လို့တော့ ဆုံးဖြတ်ထားတယ်။ အရင်တုန်းက SOAP အသုံးများခဲ့ပါတယ်။ အခုအချိန်မှာတော့ SOAP ဟာ ခေတ်မရှိတော့ဘူးလို့တောင် ဆိုရမလိုဖြစ်သွားပြီ။ REST နဲ့ oAuth ဟာ အရမ်းကို အောင်မြင်လာပါတယ်။ REST နဲ့ oAuth ပြောင်းလဲခဲ့တာလည်း တော်တော်ကြာခဲ့ပါပြီ။ ဒါပေမယ့် အဲဒါကို မသိလိုက်ဘူး။ oAuth နဲ့ တူတဲ့ Filckr Auth , Google’s AuthSub, Yahoo’ BBAuth, Facebook Auth တွေရှိပါတယ်။ Google’s AuthSub ကိုတော့ GET ပိုင်းကိုတော့ စမ်းခဲ့ပြီးပါပြီ။ ဒါပေမယ့် POST,PUT, DELETE ကို စမ်းတာ မအောင်မြင်သေးဘူး။ AuthSub က session token ကြောင့် grand access အမြဲလိုနေတာကိုတော့ သဘောမကျဘူး။ GET,POST ကို သာမာန် web developer တွေသိပေမယ့် PUT,DELETE ကို တော့ သိကြမယ်မထင်ဘူး။ PUT,DELET က HTTP 1.1 မှာ ပါလာတာပါ။

Facebook Connect

နေရာတိုင်းမှာ facebook connect ဖြစ်လာပြီ။ ဒါကိုတော့ အရင်ကတည်းက သတိထားမိတယ်။ Facebook Connect ဆိုတာ ဘယ်လိုရေးမှန်း မသိခဲ့ပေမယ့် နောင်တချိန် အောင်မြင်နိုင်မလား မအောင်မြင်ဘူးလားဆိုတော့ ဝေခွဲမရဘူး။ ရန်ကုန်မှာတုန်းက facebook ကို စိတ်ညစ်တယ်။ facebook connect သုံးလိုက်ပေမယ့် အရမ်းကြာတယ်။ Connection မကောင်းလို့လားတော့ မသိဘူး။ ရန်ကုန်မှာက dial-up ပဲ သုံးဖြစ်တာကို။ Access Kit နဲ့လေ။ အလုပ်စလုပ်တော့ client တော်တော်များများကိုက facebook connect ကို အလိုရှိကြတယ်။ ဟုတ်မှာပေါ့။ connect လုပ်တာက register လုပ်တာထက်တောင် မြန်သေး။ web လောကရဲ့ ပြောင်းလဲနေပြီ ပြောင်းလဲသွားပြီဆိုတာကို ပြောင်းလဲတော့မယ်လို့ ထင်ပြီး ကျန်ခဲ့ဘူးတာပဲလို့ သိလိုက်ရတယ်။

Google App Premier Edition

အရင်တုန်းကတော့ ထင်တယ်။ Premier Edition ကို ဘယ်သူတွေ သုံးမှာလဲပေါ့။ စျေးကလည်း ကြီးပါ့။ ဘာများကောင်းမှာမို့လဲဆိုပြီးတော့။ Standard သုံးရင် ရနေတာပဲလို့ ထင်ခဲ့တယ်။ သို့သော် အထင်နဲ့ လွဲခဲ့တယ်ဆိုတာ ထပ်သိတာပဲ။ Premier Edition ကို သုံးနေတဲ့ company တွေ အများကြီးပါ။ ကျွန်တော်တို့company ကလည်း Reseller ဖြစ်သာကြောင့်လည်း ပါပါတယ်။ Premier Edition ကို သုံးရင် အရင် mail တွေအကုန် merging လုပ်လို့ရတယ်။ Google App Premier Edition မှာ domain share contact ပါတယ်။ အဲဒါတော်တော်လေးမိုက်တယ်။ Premier Edition အကြောင်း အရင်တုန်းကပြောဘူးပါတယ်။ အဓိက standard ထက် သာတာကတော့ API နဲ့ Postini ပဲ။

Gogole Solution Market

Google က သူတို့တင် ငွေယူတာမဟုတ်ဘူး။ အခြား Reseller တွေ developer တွေကိုလည်း ငွေဝင်လမ်းဖန်တီးပေးထားတယ်။ Google App က API တွေထုတ်ပေးပေမယ့် သာမာန် user တွေအနေနဲ့က ဝေးလွန်းတယ်။ company မှာက email ပို့မယ်။ Gtalk သုံးမယ်။ နောက်ပြီး Google Doc သုံးမယ်။ စတာတွေလောက်ပဲ သုံးတတ်ကြတဲ့သူတွေပါ။ အဲဒီအတွက် Developer တွေက သူတို့ Google ပေးထားတာထက် ပိုလိုချင်လာတာတွေကို ဖန်တီးပေးရတယ်။ ဥပမာ။။ Outlook နဲ့ Google Apps Contact ကို Sync လုပ်ချင်တာတို့  နောက်ပြီး doc ကို offline, online sync လုပ်ချင်တာတို့ စတာတွေကို user တွေလိုချင်တဲ့အခါ Developer တွေက ပြန်ရေးပေးရတယ်။ နောက်ပြီး user တွေလိုချင်တာတွေက ရေးပြီးသားရှိနေတတ်တယ်။ Google Solution Marketplace မှာ ရှာလိုက်ရင်ရပါတယ်။ Marketplace ကတော့ အကြီးကြီးမဟုတ်ပေမယ့် မသေးတာတော့ အမှန်ပဲ။ နည်းနည်းခြင်းနဲ့ တအိအိစားနေတာ။ by monthly ပေးဆောင်ရတာတွေ များတယ်။ အဲဒီအတွက် client အတွက်လည်း ငွေတစ်ခါတည်း အများကြီးမကုန်သွားသလို သူ့အနေနဲ့လည်း အလုပ်လုပ်ရတာ အဆင်ပြေတယ်။ အဲလို marketplace တွေ ရှိမယ်လို့ မသိလိုက်တာလည်း ဆိုးတယ်။

Synchronize with cloud computing

Cloud computing ခေတ်စားလာမယ်ဆိုတာ ကြိုတင်တော့ သိပေမယ့် Synchronize လည်း အရေးပါလာမယ်ဆိုတာကို သိပ်ပြီး သတိမထားမိဘူး။ အစက အကုန် web ပေါ်မှာ အလုပ်လုပ်ကြမယ်ပေါ့။ အဲလို ထင်မိတာ။ တကယ်တန်းတော့ အဲလို မဟုတ်ဘူး။ end user တွေအကုန်လုံးက အခုချိန်ထိ offline ကို မက်မောနေတုန်းပဲ။ အင်တာနက်မရှိလည်း သူတို့ အလုပ်တွေလုပ်လို့ရအောင် ဖန်တီးထားချင်တယ်။ အင်တာနက်မရှိလို့ data တွေ access လုပ်လို့မရမှာ ကြောက်ကြတယ်။ အဲဒီအတွက် Synchronize က အရေးပါလာတယ်။ ခုနက ကျွန်တော်ပြောထားခဲ့သလိုပေါ့။ Google Doc က online ပေမယ့် offline ကို လိုချင်ကြတုန်းပဲ။ ဒါကြောင့် Synchronize လုပ်ပေးတဲ့ program တွေ ပေါ်လာတာပေါ့။ ဥပမာ။။ evernote ဆိုရင် အကောင်းဆုံး ဥပမာပဲ။ iPhone,iPodTouch,Blackberry,Windows Mobiles,Android ပေါ်တွေမှာလည်းရတယ်။ ကိုယ့် computer ပေါ်မှာလည်းရတယ်။ အဲ.. mac နဲ့windows ပဲရတယ်။ Linux ပေါ်မှာတော့ မရသေးဘူး။ နောက်ပြီး web ပေါ်မှာလည်းရတယ်။ အမြဲ Synchronize လုပ်ပေးနေတယ်။ အဲဒီအတွက် သူတို့က Synchronize bandwidth ကို monthly အရ ဘယ်လောက်ပဲ လုပ်ခွင့်ရှိတယ်ပေါ့။ ဒီထက်ပိုလုပ်ချင်ရင် ပိုက်ပိုက်ပေးပဲ။ ဒါကလည်း cloud computing ခေတ်ကြီးထဲမှာ ငွေရှာနည်း တစ်နည်းပဲ။ Drop box လည်း ဘာထူးလဲ။ Synchronize လုပ်ပေးတယ်။  ကိုယ့် စက်ထဲမှာကော  online မှာပါ access လုပ်လို့ရတယ်။ အဲ… space ပြည့်သွားရင်တော့ ဝယ်ဖို့ စဉ်းစားပေါ့။

YoutTube

ရန်ကုန်မှာ ကြားရပြီး မခံစားခဲ့ရတဲ့အထဲမှာ youtube ပါတယ်။ youtube သုံးတဲ့ bandwidth က ကြောက်ဖို့ကောင်းတာလည်း ပါတယ်။ ဆိုင်မှာ တစ်ယောက်က youtube ဖွင့်လိုက်ရင် အခြားစက်တွေပါ connection လေးသွားတယ်။ ဘာကြောင့် ဖြစ်သွားမှန်းတော့ မသိဘူး။ ဒီမှာတော့ ကိစ္စမရှိဘူး။ youtube streaming က အရမ်းမြန်တယ်။ အခြား video site တွေ streaming နဲ့ ယှဉ်ရင် မြန်တယ်လို့ ဆိုလို့ရမယ်။ အဲဒါကတော့ အဓိက အောင်မြင်တဲ့ အချက်မဟုတ်သေးဘူး။ အဓိက အောင်မြင်သွားစေတဲ့အချက်က API နဲ့ converting ပဲ။ သူ့ API ကြောင့် video recording တွေကနေ တစ်ခါတည်း တန်းတင်လို့ရတယ်။ ဥပမာ။။ iShowU HD ကနေ record လုပ်ထားတာကို တစ်ခါတည်း youtube ကို တန်းတင်လို့ရတယ်။ mov file ကို တစ်ခါတည်း flv size အမျိုးမျိုး သူ့ဘာသာသူ online မှာပြောင်းတယ်။ MP4 ကိုလည်း တစ်ခါတည်းပြောင်းပေးတယ်။ hardware ကောင်းလို့ မြန်တာကိုတော့ ချီးကျူးစရာမရှိပေမယ့် movie format အမျိုးမျိုးကို flv size ၃ မျိုးနဲ့ MP4 ကို သူ့ဘာသာသူပြောင်းပေးတာကိုတော့ သဘောကျတယ်။ တနည်းပြောရင် user အနေနဲ့ upload တင်လိုက်ရုံပဲလေ။ user ကို အဆင့်အများကြီးလုပ်စရာမလိုပဲ လွယ်လွယ်လေးနဲ့ ပြီးအောင် ပြုလုပ်ပေးထားခြင်းက အဓိကအောင်မြင်ခြင်း သော့ချက်ပဲ။

တကယ်တန်း ကိုယ့်ကိုယ်ကို ဘာမှမဟုတ်ဘူးဆိုတာ သိလိုက်ရတာပဲ။ ငါဟာသေးတာမှဖြင့် ပိစိကွေးလေးလို့ ထင်တာထက်တောင် သေးငယ်ပါလား။ ဒီနေ့ ကြည့်သမျှ youtube ထဲမှာ အကြိုက်ဆုံးပဲ။ universe စတာကို ကြည့်လိုက်ပြီး အော်…. ဘာမှလည်း မဟုတ်ပါလားလို့တောင် ခံစားလိုက်ရတယ်…

http://www.youtube.com/watch?v=17jymDn0W6U

http://www.youtube.com/watch?v=Vtk8eO_1ieU

The Known Universe

Big Bang Theory : the start of the universe from singularity

http://www.youtube.com/watch?v=Vtk8eO_1ieU

960 css framework ကို သုံးပြီး HTML Layout ချပုံပါ။

Wiki မှာ code တွေ ထည့်ရတာ ပင်ပန်းတယ်။ list တွေ လုပ်ရတာ နားမလည်ဘူး။ Table ဆောက်ရတာ ခက်တယ်ဆိုတဲ့သူတွေအတွက် video လေးလုပ်ပေးထားပါတယ်။ Word မှာ ရိုက်ထားတာတွေကိုလည်း TinyMce ထဲ copy paste လုပ်ပြီး HTML ပြောင်းလိုက်လို့ရပါတယ်။

Chrome နဲ့ Youtube ကို ကြည့်တာ မြန်တယ်ဆိုလို့ ဒီနေ့ youtube ကို chrome နဲ့ ဖွင့်ကြည့်ပါသေးတယ်။ ဒါပေမယ့် We,soory ဆိုတာပဲ တက်တက်လာတယ်။ ဘယ်တစ်ခုမှ ဖွင့်လို့မရဘူး။ ဒါနဲ့ တစ်ခုခုတော့ တစ်ခုခုပဲ။ သူများတွေ ဖွင့်လို့ရတယ်။ ငါတော့ ဖွင့်လို့မရဘူး။ ဒီတော့ ဟိုကလိ ဒီကလိ လုပ်လိုက်တော့ တွေ့ပါပြီဗျာ။

ထုံးစံအတိုင်း Kaspersky ပဲပေါ့။ ကျွန်တော် kaspersky ကြောင့် ဖြစ်တယ်ထင်ပြီး kaspersky ရဲ့ trust zone မှာ chrome.exe ကိုထည့်လိုက်တော့ အဆင်ပြေသွားတယ်။ chrome.exe ကို ဘယ်နားမှာ ထားမှန်းမသိရင် chorme ကိုဖွင့်ထား။ ပြီးရင်

Kaspersky -> Settings -> Thread & exculsion -> Trust Zone -> Add -> Browse -> Application မှာ google chrome ကို ရွေးပေးလိုက်။ ပြီးရင် checkbox အကုန်လုံးကို check လုပ်လိုက်။ ဒါဆိုရင်တော့ chrome နဲ့ youtube ကြည့်လို့ရပါပြီဗျာ။